कर्नाटकमध्ये काँग्रेसचं टेन्शन वाढलं; शिवकुमार म्हणाले, ‘माझ्याकडे 135 चं संख्याबळ’

Karnataka Government Formation : कर्नाटकच्या मुख्यमंत्रिपदासाठी काँग्रेस प्रदेशाध्यक्ष डी. के. शिवकुमार आणि ज्येष्ठ नेते सिद्धरामय्या यांच्यात जोरदार रस्सीखेच सुरु आहे. डी. के. शिवकुमार यांनी आमदारांच्या पाठिंब्याबाबत मोठे विधान केले आहे. ते म्हणाले की त्यांच्या अध्यक्षतेखालील काँग्रेसकडे 135 आमदार आहेत. सिद्धरामय्यांसह त्यांना पक्षाच्या हाय कमांडने दिल्लीला बोलावले आहे पण वैयक्तिक कारणांमुळे ते उशिरा जात आहेत.

रविवारी बंगळुरू येथे काँग्रेस विधीमंडळ पक्षाच्या बैठकीत एकत्रित झालेल्या आमदारांच्या मताचा अहवाल त्यांच्या निरीक्षकांनी सादर केल्यानंतर काँग्रेसचे केंद्रीय नेतृत्व नवीन मुख्यमंत्र्याबाबत निर्णय घेईल. शिवकुमार म्हणाले, “आम्ही एका ओळीत प्रस्ताव दिला होता की आम्ही हे प्रकरण पार्टी हायकमांडवर सोडू. त्यानंतर काहींनी त्यांचे वैयक्तिक मत व्यक्त केले असेल.

राज्यात भाजपमध्ये मोठे बदल होणार? देवेंद्र फडणवीसांचं सूचक वक्तव्य

माझ्यात दुस-याच्या आकड्यांबद्दल बोलण्याची ताकद नाही, माझे संख्याबळ 135 आहे, मी पक्षाध्यक्ष आहे आणि माझ्या अध्यक्षतेखाली पक्षाने कर्नाटकात 135 जागा जिंकून डबल इंजिन सरकार, भ्रष्ट प्रशासन आणि लोकांच्या त्रासाला घालवले आहेत. लोकांनी आम्हाला पाठिंबा देऊन 135 जागा जिंकून दिल्या.

शिवकुमार म्हणाले, “कर्नाटकमधील काँग्रेसच्या प्रचाराचे आणि एकजुटीचे देशभरात कौतुक होत आहे, परंतु वेळ पुरेसा नव्हता आणि स्थानिक पातळीवरून अधिक सहकार्य मिळाले असते तर आम्ही अधिक चांगले करू शकलो असतो आणि जागांची संख्या वाढवू शकलो असतो. पण आम्ही आनंदी आहोत.”

#WATCH | "I'm a single man, I believe in one thing that a single man with courage becomes a majority…When all our MLAs left the party (2019 JD(S)-Cong coalition govt), I didn't lose my heart,"says K'taka Cong pres DK Shivakumar before he heads to Delhi for Karnataka CM talks. pic.twitter.com/83CMHHLmTQ

— ANI (@ANI) May 15, 2023

रविवारी संध्याकाळी बंगळुरूमधील एका खाजगी हॉटेलमध्ये झालेल्या सीएलपीने काँग्रेस कमिटीचे (एआयसीसी) अध्यक्ष एम मल्लिकार्जुन खर्गे यांना आपला नेता निवडण्यासाठी अधिकृत करण्याचा एकमताने ठराव मंजूर केला. कर्नाटकचा पुढील मुख्यमंत्री कोण असेल हे ठरवण्यासाठी काँग्रेस नेतृत्वाने डी. के. शिवकुमार आणि सिद्धरामय्या यांना दिल्लीला बोलावले आहे.