NEET च्या आंदोलनानंतर ग्रामीण शाळा सुधारण्यासाठी सीजेपीची देशव्यापी मोहीम; पालकांनाही केलं आवाहन

CJP चे संस्थापक अभिजीत दिपके यांनी ग्रामीण भागातील सरकारी शाळांची स्थिती सुधारण्यासाठी देशव्यापी मोहीम हाती घेतली आहे.

CJP launches nationwide campaign to improve rural schools appeals to parents as well : कॉकक्रोच जनता पार्टी (CJP) चे संस्थापक अभिजीत दिपके यांनी ग्रामीण भागातील सरकारी शाळांची स्थिती सुधारण्यासाठी देशव्यापी मोहीम हाती घेतली आहे. या मोहिमेअंतर्गत पालकांनी सरकारी शाळांमधील मूलभूत सुविधांचे सोशल ऑडिट करावे, तर सरपंचांनी आपल्या गावातील शाळांच्या सुधारणेची जबाबदारी स्वीकारावी, असे आवाहन त्यांनी केले.

बनावट IAS अधिकारी अटकेत; अजित डोवाल यांच्या टीमचा एजंट असल्याचा दावा

या मोहिमेला 15 ऑगस्टपासून सुरुवात होणार आहे. ग्रामीण भागातील शैक्षणिक पायाभूत सुविधांकडे होत असलेल्या दुर्लक्षाचा प्रश्न अधोरेखित करत CJPने नागरिक, पालक आणि गावातील नेतृत्वाने एकत्र येऊन सरकारी शाळांच्या समस्या दूर करण्यासाठी प्रयत्न करण्याचे आवाहन केले आहे. एका व्हिडिओ संदेशातून अभिजीत दिपके यांनी सांगितले की, या उपक्रमाची सुरुवात ते स्वतःच्या गावापासून करणार आहेत. गावातील सरपंचाची भेट घेऊन सरकारी शाळांमध्ये आवश्यक सुधारणा करण्याची मागणी ते करणार आहेत.

गावातील शाळा केंद्रस्थानी का?

भारताने नवीन संसद भवन आणि पंतप्रधानांसाठी नवीन निवासस्थान उभारले, मग गावांमधील सरकारी शाळा चांगल्या का करता आल्या नाहीत, असा सवाल दिपके यांनी उपस्थित केला.ग्रामीण भागातील अनेक मुलांना आजही शाळेत जाण्यासाठी मोठे अंतर पायी पार करावे लागते. अनेक शाळांमध्ये पिण्याचे स्वच्छ पाणी, स्वच्छतागृहे यांसारख्या मूलभूत सुविधांचा अभाव असल्याचे त्यांनी सांगितले. विशेषतः स्वच्छतागृहांची पुरेशी व्यवस्था नसल्यामुळे मुलींना मोठ्या अडचणींचा सामना करावा लागत असल्याकडे त्यांनी लक्ष वेधले.

कृषि विभागात नवीन पदे भरणार; मंत्रिमंडळाच्या बैठकीत 8 मोठे निर्णय

या मोहिमेचा एक भाग म्हणून CJP ने देशभरातील सरपंचांना आपल्या गावातील सरकारी शाळा सुधारण्याचे आवाहन केले आहे. दिपके यांनी आपल्या गावातील सरपंचाची स्वतः भेट घेऊन ही मोहीम सुरू करण्याचे सांगितले. त्याचबरोबर देशातील इतर सरपंचांनीही पुढाकार घ्यावा, असे आवाहन त्यांनी केले.

भारतीय सिनेमाची नवी व्याख्या निर्माण करणाऱ्या लेखिका दिग्दर्शिका ज्या सिनेसृष्टीत चर्चेत राहणार!

CJPने या उपक्रमाला ‘सरपंच चॅलेंज’ असे नाव दिले आहे. या मोहिमेदरम्यान ज्या सरपंचांनी आपल्या गावातील सरकारी शाळेत ठोस सुधारणा केल्या, त्यांचा सार्वजनिकपणे गौरव केला जाणार आहे. शाळेतील सुधारणांपूर्वीचे आणि नंतरचे फोटो CJPच्या सोशल मीडिया प्लॅटफॉर्मवर शेअर करून संबंधित सरपंचांना श्रेय दिले जाणार आहे.

पालक करणार शाळांचे सोशल ऑडिट

CJPने सरकारी शाळांचे नागरिकांच्या सहभागातून सोशल ऑडिट करण्याची घोषणाही केली आहे. सरकारी शाळांमध्ये शिकणाऱ्या मुलांच्या पालकांनी शाळांना भेट देऊन तेथे वीज, स्वच्छ पिण्याचे पाणी, वापरण्यायोग्य स्वच्छतागृहे आणि मध्यान्ह भोजनाची सुविधा उपलब्ध आहे की नाही, याची पाहणी करावी, असे आवाहन करण्यात आले आहे. मूलभूत सुविधा उपलब्ध नसल्यास पालकांनी त्याचे व्हिडिओ तयार करावेत, असे दिपके यांनी सांगितले.

मराठा समाज पुन्हा मुंबईला रवाना होणार, यावेळी माझी मरायचीही तयारी; जरांगेंनी दिला सरकारला इशारा

यासाठी CJPकडून लवकरच एक प्रिंटेबल ऑडिट फॉर्म उपलब्ध करून दिला जाणार आहे. या फॉर्ममध्ये शाळेत कोणत्या सुविधा उपलब्ध आहेत आणि कोणत्या सुविधा नाहीत, याची नोंद नागरिकांना करता येणार आहे. CJPच्या अधिकृत सोशल मीडिया प्लॅटफॉर्मवर प्रसिद्ध होणाऱ्या मोहिमेच्या व्हिडिओसोबत या फॉर्मची लिंक देण्यात येणार आहे. पूर्ण भरलेले फॉर्म आणि संबंधित व्हिडिओ पुरावे CJP कडे ई-मेलद्वारे पाठवता येणार आहेत.

…म्हणून ‘तुम्बाडची मंजुळा’चा भाग होण्याची इच्छा झाली; सई ताम्हणकरने सांगितला इंटरेस्टिंग अनुभव

गावातील सरकारी शाळांमध्ये शिकणाऱ्या शेतकरी आणि मजुरांच्या मुलांना शहरातील मुलांप्रमाणेच चांगल्या शैक्षणिक सुविधा मिळाव्यात, हा या मोहिमेचा मुख्य उद्देश आहे. दिपके म्हणाले, जर सुविधा नसतील, तर त्याचे व्हिडिओ तयार करा. कारण तुमच्या मुलांचे शिक्षण चांगले असणे गरजेचे आहे. हा त्यांचा मूलभूत अधिकार आहे. ते पुढे म्हणाले, गावांमध्ये राहणाऱ्या मुलांना आपण त्यांच्या शाळा सुधारण्याचे आश्वासन देऊया. आपण सर्वजण मिळून हे करू शकतो.

संबंधित बातम्या