‘इंडिया’ऐवजी ‘भारत’ नाव वापरा, मोहन भागवत यांचे आवाहन
- Written By: prashant letsupp Published:
Mohan Bhagwat : राष्ट्रीय स्वयंसेवक संघाचे प्रमुख मोहन भागवत यांनी लोकांना ‘इंडिया’ऐवजी ‘भारत’ हे नाव वापरण्याचे आवाहन केले. लोकांनी याची सवय करून घ्यावी, असे आवाहन त्यांनी केले. ‘भारत’ हे नाव प्राचीन काळापासून चालत आलेले असून ते पुढेही चालू ठेवावे, असे भागवत म्हणाले.
शतकानुशतके आपल्या देशाचे नाव ‘भारत’ आहे. भाषा कोणतीही असो, नाव तेच राहते, असे राष्ट्रीय स्वयंसेवक संघाचे प्रमुख शुक्रवारी सकल जैन समाजाच्या कार्यक्रमात म्हणाले. भागवत म्हणाले, “आपला देश भारत आहे आणि आपण सर्व व्यावहारिक क्षेत्रात ‘इंडिया’ हा शब्द वापरणे बंद केले पाहिजे आणि भारत वापरणे सुरू केले पाहिजे तरच बदल होईल. आपल्या देशाला भारत म्हणावे लागेल आणि इतरांनाही पटवून द्यावे लागेल.
महिलांसाठी केंद्र सरकारच्या कल्याणकारी योजना कोणत्या? वाचा!
आरएसएस प्रमुखांनी पालकांना आपल्या मुलांना भारतीय संस्कृती, परंपरा आणि कौटुंबिक मूल्यांची जाणीव करून देण्याचे आवाहन केले. सप्टेंबरच्या शेवटच्या आठवड्यात ‘आंतरराष्ट्रीय क्षमा दिन’ म्हणून पाळण्याची सरकारला विनंती करणार असल्याचे भागवत म्हणाले. भागवत म्हणाले की, आज जगाला आपली गरज आहे. आपल्याशिवाय जग चालू शकत नाही. योगाच्या माध्यमातून आपण जग जोडले आहे.
भारतात राहणारा प्रत्येक माणूस हिंदू
याआधी शुक्रवारी आरएसएस प्रमुख म्हणाले होते की भारत हे हिंदू राष्ट्र आहे आणि सर्व भारतीय हिंदू आहेत आणि सर्व भारतीय हिंदुत्वाचे प्रतिनिधित्व करतात. लोकांच्या अपेक्षांचा संदर्भ देत ते म्हणाले की, संघाने या सगळ्याचा विचार करायला हवा.
