आशुतोष काळे यांच्या प्रचारासाठी सिनेअभिनेते भाऊ कदम आज पुणतांब्यात; भव्य रॅलीचं आयोजन

Actor Bhau Kadam in Puntamba For Ashutosh Kale Campaign : कोपरगाव विधानसभा मतदारसंघात विधानसभेच्या रणधुमाळीला वेग आलाय. कोपरगावमध्ये आशुतोष काळे (Ashutosh Kale) राष्ट्रवादीचे आमदार आहेत. प्रचाराचे शेवटचे दोन दिवस शिल्लक राहिले आहेत. आ.आशुतोष काळे यांच्या प्रचारासाठी सिनेअभिनेते भाऊ कदम आज पुणतांब्यात येणार आहेत. कोपरगाव विधानसभा मतदारसंघाचे (Assembly Election 2024) लोकप्रिय आ.आशुतोष काळे यांच्या प्रचारार्थ मराठी सिनेसृष्टीतील प्रसिद्ध अभिनेते भाऊ कदम शनिवार (दि.१६) रोजी कोपरगाव विधानसभा मतदार संघातील राहाता तालुक्यातील पुणतांब्यात येणार आहे.

कोपरगाव विधानसभा मतदारसंघाचे राष्ट्रवादी काँग्रेस, भाजप, शिवसेना, रिपाई (अ) आणि मित्रपक्ष आघाडीचे अधिकृत उमेदवार आ. आशुतोष काळे यांच्या प्रचारार्थ पुणतांबा नगरीत राष्ट्रवादी काँग्रेस पक्षाचे स्टार प्रचारक तथा मराठी सिनेसृष्टीतील प्रसिद्ध अभिनेते भाऊ कदम यांच्या (Actor Bhau Kadam) प्रमुख उपस्थितीमध्ये भव्य रॅलीचे आयोजन करण्यात आलेले आहेत. यावेळी आमदार आशुतोष काळे हे देखील उपस्थित राहणार आहेत.

आ. आशुतोष काळेंमुळे कोपरगावला अच्छे दिन, एमआयडीसी क्रांतिकारी निर्णय : काका कोयटे

आ.आशुतोष काळे यांनी महायुती सरकारच्या माध्यमातून अनेक विकास कामे सर्वसामान्य जनतेपर्यंत पोहोचवली आहे. राहाता तालुक्यातील पुणतांबा भागातील 11 गावांचे देखील विकासाचे प्रश्न मार्गी लावून या अकरा गावांना न्याय दिला आहे. यंदा या विधानसभा निवडणुकीत कोल्हे परिवाराने देखील काळे यांना पाठिंबा दिलाय. कोपरगाव मतदारसंघात युतीधर्म पाळल्या जात असल्याचं दिसतंय. आशुतोष काळे यांच्या प्रचाराचा झंझावात सध्या कोपरगावमध्ये सुरू आहे.

अजितदादांचे हात बळकट करण्यासाठी आ. आशुतोष काळेंना निवडून द्या – ओबीसी प्रदेशाध्यक्ष आखाडे

हि प्रचार रॅली पुणतांबा गावातील जुने रेल्वे गेट पासून दुपारी 03 वाजता निघणार आहे. या रॅलीसाठी मतदार संघातील तसेच पुणतांबा गावातील सर्व राष्ट्रवादी काँग्रेस, भाजप, शिवसेना, रिपाई (अ) मित्र पक्षातील कार्यकर्त्यांनी आणि नागरिकांनी या रॅलीसाठी मोठ्या संख्येत उपस्थित राहावे, असे आवाहन करण्यात आलेले आहे.

संबंधित बातम्या