मुंबईत जरांगेंचं उपोषण; शिंदे मात्र दरेगावच्या वाटेवर, राजकीय तर्कवितर्कांना उधाण

During Maratha protest Eknath Shinde will meet Amit Shah : मनोज जरांगे पाटील यांचे मराठा आरक्षणाच्या मागणीसाठी मुंबईच्या आझाद मैदानावर बेमुदत उपोषण शुक्रवार 29 ऑगस्टपासून सुरू आहे. मुंबईत मराठा समाजाचे आंदोलन सुरू असतानाच केंद्रीय गृहमंत्री अमित शाह हे शुक्रवारी रात्री मुंबईत दोन दिवसांच्या दौऱ्यावर आले आहेत. आज शनिवारी 30 ऑगस्ट रोजी ते लालबागचा राजाचे दर्शन घेणार आहेत. त्यानंतर अमित शाह मुख्यमंत्री देवेंद्र फडणवीस यांच्या वर्षा निवासस्थानी गणरायाचे दर्शन घेण्यासाठी जाणार असल्याची माहिती समोर आली आहे. पुढे अशीही माहिती समोर आली आहे की, उपमुख्यमंत्री एकनाथ शिंदे (Eknath Shinde) केंद्रीय गृहमंत्री अमित शाह यांचा मुंबई दौरा आटपून आज शनिवारी सातारा येथील आपल्या दरे गावी जाणार आहेत.

देवदर्शनासाठी पायी निघालेल्यांना कंटेनरने चिरडलं; चौघांचा जागीच मृत्यू, दोन जण गंभीर जखमी

उपमुख्यमंत्री एकनाथ शिंदे (Eknath Shinde) गणपती दर्शनासाठी आपल्या मूळ दरे गावी जाणार आहेत. काही दिवसांपूर्वीच एकनाथ शिंदेंचे नातू रुद्राक्ष याच्याकडून गावातील गणपतीची विधीवत पूजा करण्यात आली होती. आज एकनाथ शिंदे स्वतः साताऱ्यातील दरे गावी जाणार आहेत.

एकीकडे पाऊस, दुसरीकडे खायला अन्न नाही; ‘मुंबई आता मराठ्यांची राहिली नाही’, मराठा आंदोलकांची संतप्त प्रतिक्रिया

शिंदेंच्या दौर्‍यामुळे चर्चांना उधाण

एकनाथ शिंदे (Eknath Shinde) आज आपल्या मूळ गावी जाणार आहेत परंतू त्याच्या या दौऱ्यावेळी मुंबईत मनोज जरांगे पाटील आमरण उपोषणाला बसलेले आहेत. मराठा आरक्षणाच्या मागणीसाठी आझाद मैदानात त्यांचे आंदोलन चालू आहे. संपूर्ण राज्यातून मराठा बांधव मुंबईत येत असून आंदोलन अधिकाधिक तीव्र होताना दिसत आहे. या सर्व पार्श्वभूमीवर फडणवीस सरकारकडून अद्याप कोणतेही अधिकृत प्रतिनिधी किंवा शिष्टमंडळ जरांगे पाटील यांना भेटण्यासाठी गेलेले नाही, त्यातच उपमुख्यमंत्री एकनाथ शिंदे (Eknath Shinde) गणपती दर्शनासाठी दरे गावात जाणार असल्याने राजकीय वर्तुळात चर्चांना मात्र उधाण आले आहे.

तुम्हाला अमर्याद अधिकार…? टॅरिफवरून अमेरिकन फेडरल अपील कोर्टाने ट्रम्प यांना फटकारलं…

अमित शाह आणि विनोद तावडेंची चर्चा

मुंबई दौऱ्यावर असलेल्या केंद्रीय गृहमंत्री अमित शाह यांनी भाजपचे राष्ट्रीय सरचिटणीस विनोद तावडे यांच्यासोबत विविध विषयांवर चर्चा केल्याची माहिती समोर आली आहे. विशेषतः मुंबईत सुरू असलेल्या मराठा आंदोलनाची माहिती अमित शहा यांनी विनोद तावडे यांच्याकडून घेतल्याचीही माहिती मिळत आहे. या बैठकीत राज्यातील मराठा आरक्षणाचा मुद्दा, बिहार विधानसभा निवडणुका आणि उपराष्ट्रपतीपदाच्या निवडणुकीसंदर्भातही चर्चा झाल्याचं बोललं जात आहे. या चर्चेनंतर आता आंदोलनावर काही ठोस तोडगा निघणार का, त्यानंतर सरकारची भूमिका काय असेल हे पाहणे महत्वाचे ठरणार आहे.

संबंधित बातम्या