पुतीन, बाईडन आणि चार्ल्स यांना भेटायचंय उद्धव ठाकरेंना

  • Written By: Last Updated:
पुतीन, बाईडन आणि चार्ल्स यांना भेटायचंय उद्धव ठाकरेंना

मुंबई : शिवसेना खासदार संजय राऊत हे आपल्या वक्तव्यामुळे चर्चेत असतात. पुन्हा एकदा ते त्यांच्या वक्तव्यामुळे चर्चेत आले आहेत. संजय राऊत यांचा व्हिडिओ व्हायरल झाला आहे. या व्हिडिओमध्ये ते अमेरिकेचे राष्ट्राध्यक्ष जो बिडेन, रशियाचे राष्ट्राध्यक्ष व्लादिमीर पुतीन आणि ब्रिटिश सम्राट चार्ल्स यांची नावे घेऊन उद्धव ठाकरे यांच्याशी संबंध जोडताना ऐकू येत आहेत.

व्हायरल झालेल्या संजय राऊतच्या व्हिडीओमध्ये ते एका जाहीर सभेत जो बाईडन, पुतिन आणि चार्ल्स यांची आपापसात बैठक झाल्याचे सांगतांना दिसत आहे. या भेटीत तिन्ही नेते हे जाणून घेण्याचा प्रयत्न करत राहिले की उद्धव ठाकरे कोण आहेत?

पुढे राऊत म्हणाले की, जो बाईडन, पुतीन आणि चार्ल्स म्हणाले की, पंतप्रधान नरेंद्र मोदी यांनी आजपर्यंत उद्धव ठाकरेंशी आमची ओळख का करून दिली नाही? संजय राऊत यांच्या म्हणण्यानुसार, हे तीन बडे राज्यप्रमुख उद्धव यांची भेट घेण्यासाठी खूप उत्सुक आहेत. मात्र, हे विधान एकनाथ शिंदे यांच्या आधीच्या विधानाची खिल्ली उडवणारे होते, ज्यात बिल क्लिंटन यांनी एकनाथ शिंदे यांची चौकशी केल्याचा दावा महाराष्ट्राच्या मुख्यमंत्र्यांनी केला होता.

नागपुरातील एका कार्यक्रमात एकनाथ शिंदे म्हणाले, काही महिन्यांपूर्वी बिल क्लिंटन यांच्यासोबत राहणारा एक भारतीय माझ्याकडे आला होता. त्यांनी मला सांगितले की बिल क्लिंटन यांनी त्यांना विचारले की एकनाथ शिंदे कोण आहेत? बिल क्लिंटन यांनी त्यांना विचारले की, एकनाथ शिंदे किती काम करतात, कधी खातात, कधी झोपतात? या वक्तव्यावर बोलताना राऊतांनी हे विधान केले आहे.

संजय राऊत दावा करतात, उद्धव ठाकरे कोण आहेत हे जाणून घेण्यासाठी आज सकाळी व्लादिमीर पुतिन, जो बाईडन आणि किंग चार्ल्स यांची परिषद झाली होती? पंतप्रधान नरेंद्र मोदींच्या हातून पराभव स्वीकारण्यास नकार देणारे हे उद्धव ठाकरे कोण आहेत? दरम्यान संजय राऊत यांच्या या वक्तव्यावर भाजपने टीका केली आहे.

Tags

follow us
  • fb
  • instagram
  • twitter
  • youtube