गुगल पेवर शोधलं, इंस्टावरून नंबर घेतला अन् लॅपटॉप परत केला; पुण्यातील रिक्षाचालकाची कमाल

रिक्षाचालक मोहन गणपती चंदनशिवे यांनी स्वतःहून अर्थ पिंपरे यांच्याशी संपर्क साधत त्याचा लॅपटॉप परत केला.

Rickshaw Driver Returns Student Laptop Bag : लोणी काळभोर परिसरातील रिक्षाचालक मोहन गणपती चंदनशिवे यांनी माणुसकीचे दर्शन घडवले. एमआयटी कॉलेजमध्ये अभियांत्रिकी शिकणारा विद्यार्थी अर्थ पिंपरे संध्याकाळी वाघोलीकडे जात असताना रिक्षेत आपली लॅपटॉपसह बॅग विसरला. थोड्या वेळाने लक्षात येताच अर्थ धाव घेत परत आला, मात्र रिक्षाचा क्रमांक लक्षात नसल्यामुळे तो असहाय झाला. त्यानंतर अर्थने लोणी काळभोर पोलीस ठाण्यात तक्रार नोंदवली.

इन्स्टाग्राम अकाऊंट शोधून

वरिष्ठ पोलीस निरीक्षक राजेंद्र पन्हाळे यांच्या (Pune News) मार्गदर्शनाखाली सहाय्यक निरीक्षक कृष्णा बाबर आणि त्यांच्या टीमने परिसरातील सीसीटीव्ही तपास सुरू केला. या दरम्यान रिक्षाचालक मोहन चंदनशिवे यांनी स्वतःहून अर्थशी संपर्क साधला. अर्थने भाडं गुगल पे (Google Pay) द्वारे दिल्याचे ट्रान्झॅक्शन आयडी दिले (Rickshaw Driver Returns Student Laptop Bag) होते. त्याच्या मदतीने रिक्षाचालकाने विद्यार्थ्याचं इन्स्टाग्राम अकाऊंट (Instagram) शोधून त्याला मेसेज केला आणि बॅग परत दिली. बॅग सुरक्षित होती आणि लॅपटॉपसह सर्व सामान शिस्तीत मिळाले. पोलीस निरीक्षकांनी रिक्षाचालकाचे कौतुक करून त्यांचा सन्मान केला. मोहन चंदनशिवे यांच्या या कृतीमुळे माणुसकी आणि प्रामाणिकपणाची प्रेरणा समाजात पसरली आहे.

नागरिकांच्या सुरक्षिततेवर

याचवेळी पुण्यातील खडकी भागातील पाटील इस्टेट परिसरात चोरीची घटना घडली. 34 वर्षीय महिलेच्या घरात अज्ञात चोरट्यांनी उघड्या दरवाजातून प्रवेश करून कपाटातील 2 लाख 87 हजार रुपयांचे सोन्याचे दागिने चोरले. महिला त्वरित खडकी पोलीस ठाण्यात धावून गेली आणि तक्रार नोंदवली. पोलीसांनी घटनास्थळी पाहणी केली असून, आरोपींचा शोध सुरू केला आहे. या घटनेमुळे नागरिकांच्या सुरक्षिततेवर प्रश्न निर्माण झाला आहे.

रिक्षाचालकाची प्रामाणिकता

लोणी काळभोरमधील रिक्षाचालकाची प्रामाणिकता आणि पुण्यातील चोरीची घटना यामुळे समाजात दोनवट भावनिक प्रतिक्रिया उमटल्या आहेत. एका बाजूला माणुसकी आणि समाजसेवेची प्रेरणा मिळाली, तर दुसऱ्या बाजूला नागरिकांनी सतर्क राहणे गरजेचे आहे. या घटनांमुळे पोलीस प्रशासनाचे कार्य महत्त्वाचे ठरत असून, नागरिकांनी आपली काळजी घ्यावी, असा संदेशही मिळतो.

संबंधित बातम्या