IND vs PAK Live Score: पावसाचा व्यत्यय, षटके कमी केले तर किती धावांचे लक्ष्य?
- Written By: prashant letsupp Published:
IND vs PAK : श्रीलंकेतील पल्लेकेले स्टेडियमवर आज भारत आणि पाकिस्तान यांच्यात आशिया चषक 2023 चा सामना खेळवला जात आहे. या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला आहे. प्रदीर्घ कालावधीनंतर भारतीय संघ पूर्ण ताकदीने खेळण्यासाठी मैदानात उतरत आहे. या सामन्यासाठी पाकिस्तानने आपल्या प्लेइंग 11 मध्ये कोणताही बदल केलेला नाही.
प्लेइंग इलेव्हन – फखर जमान, इमाम-उल-हक, बाबर आझम (कर्णधार), मोहम्मद रिझवान (यष्टीरक्षक), सलमान, इफ्तिखार अहमद, शादाब खान, मोहम्मद नवाज, शाहीन आफ्रिदी, नसीम शाह, हरिस रौफ.
प्लेइंग इलेव्हन – रोहित शर्मा, शुभमन गिल, इशान किशन, विराट कोहली, श्रेयस अय्यर, हार्दिक पंड्या, रवींद्र जडेजा, शार्दुल ठाकूर, कुलदीप यादव, जसप्रीत बुमराह आणि मोहम्मद सिराज
LIVE NEWS & UPDATES
-
षटके कमी केले तर किती धावांचे लक्ष्य दिले जाईल, जाणून घ्या
पावसामुळे 40 षटके खेळली गेली तर पाकिस्तानला 239 धावांचे लक्ष्य मिळेल. त्याचबरोबर पाकिस्तानला 30 षटकात 203 धावा कराव्या लागतील. पाकिस्तानला फक्त 20 षटके झाली तर 155 धावांचे लक्ष्य असेल.
-
पाऊस पूर्णपणे थांबला
पावसामुळे पाकिस्तानचा डाव अद्याप सुरू झालेला नाही. मात्र, चाहत्यांसाठी एक आनंदाची बातमी आहे. सध्या पाऊस पूर्णपणे थांबला आहे. काही वेळात पंच पाहणी करतील. एसीसीच्या नियमांनुसार प्रत्येक सामन्यात एक तास अतिरिक्त वेळ दिला जातो. त्यानंतरच षटके कापली जातील. सद्यस्थितीत पंच पाहणी करतील तेव्हाच 9 वाजताच पुढील माहिती उपलब्ध होईल.
-
टीम इंडिया 266 धावांवर ऑलआऊट
भारतीय संघ 48.5 षटकांत सर्वबाद 266 धावांवर आटोपला. भारताकडून इशान किशनने 82 धावांची तर हार्दिक पांड्याने 87 धावांची महत्त्वपूर्ण खेळी खेळली. शेवटी जसप्रीत बुमराहनेही 16 धावांचे योगदान दिले. पाकिस्तानच्या वेगवान गोलंदाजांनी सर्व 10 विकेट घेतल्या. शाहीन आफ्रिदीने 4 बळी घेतले. तर नसीम शाह आणि हरिस रौफ यांनी प्रत्येकी तीन विकेट घेतल्या.
-
अवघ्या तीन धावांत भारताचे 3 विकेट
हार्दिक-जडेजापाठोपाठ शार्दुल ठाकूरही बाद
टीम इंडियाची आठवी विकेट 242 धावांवर पडली. हार्दिक आणि जडेजानंतर शार्दुल ठाकूरही बाद झाला. शार्दुलला नसीम शाहने झेलबाद केले. अवघ्या तीन धावांत भारताने आपले 3 विकेट गमावले
-
भारत मोठा झटका, ईशानचे शतक हुकले
टीम इंडियाची पाचवी विकेट 204 धावांवर पडली, इशान किशन 82 धावा करून पॅव्हेलियनमध्ये परतला.
-
हार्दिक पांड्याने अर्धशतक झळकावले
IND vs PAK Live Score: इशान किशननंतर हार्दिक पंड्यानेही अर्धशतक झळकावले. हार्दिकने 62 चेंडूंत तीन चौकारांच्या मदतीने 50 धावा पूर्ण केल्या. दोघांमध्ये 112 धावांची भागीदारी झाली आहे. 36 षटकांनंतर टीम इंडियाची धावसंख्या 4 विकेटवर 187 धावा आहे.
-
ईशान किशनचे झंझावाती अर्धशतक
पाकिस्तानविरुद्धच्या सामन्यात ईशान किशन टीम इंडियासाठी संकटमोचक ठरला आहे. ईशानने झंझावाती अर्धशतक झळकावले आहे. त्याने 7 चौकार आणि 1 षटकाराच्या मदतीने उत्कृष्ट अर्धशतक पूर्ण केले. हे त्याचे वनडेतील सलग चौथे अर्धशतक आहे. 29 षटकांनंतर टीम इंडियाची धावसंख्या 4 विकेटवर 147 धावा आहे. ईशान 58 चेंडूत 55 आणि हार्दिक पांड्या 48 चेंडूत 37 धावांवर खेळत आहे.
-
ईशान-हार्दिकने सावरले
IND vs PAK Live: 24 षटकांनंतर टीम इंडियाची धावसंख्या 4 गडी बाद 121 धावा. इशान किशन 45 चेंडूत 42 आणि हार्दिक पांड्या 29 चेंडूत 25 धावांवर खेळत आहे. संकटात सापडलेल्या टीमचा डाव इशान-हार्दिकने सावरला.
-
इशान किशन आणि हार्दिक पंड्या टचमध्ये
18 षटकांनंतर, टीम इंडियाची धावसंख्या 4 विकेटवर 92 धावा आहे. इशान किशन आणि हार्दिक पंड्या चांगल्या टचमध्ये दिसत आहेत. किशन 29 चेंडूत तर हार्दिक पांड्या 09 चेंडूत खेळत आहे.
-
शुभमन गिलही बाद
IND vs PAK Live Score:
शुभमन गिल आऊट
टीम इंडियाने 15 व्या षटकात 66 धावांवर आपली चौथी विकेट गमावली. शुभमन गिल 32 चेंडूत 10 धावा करून पॅव्हेलियनमध्ये परतला. गिलला हारिस रौफने बोल्ड केले.
