IND vs SA : दुसऱ्या कसोटीसाठी गावस्कर-पठाण यांनी निवडली प्लेइंग इलेव्हन, हे केलंत बदल
- Written By: prashant letsupp Published:
IND vs SA Test : भारत आणि दक्षिण आफ्रिका (IND vs SA Test) यांच्यातील 2 सामन्यांच्या मालिकेतील शेवटची कसोटी 3 जानेवारीपासून केपटाऊनच्या न्यूलँड्स स्टेडियमवर खेळवली जाणार आहे. या मालिकेत दक्षिण आफ्रिका 1-0 ने आघाडीवर आहे. सेंच्युरियनमधील सुपरस्पोर्ट पार्क येथे खेळला गेलेला पहिला कसोटी सामना यजमानांनी एक डाव आणि 32 धावांनी जिंकला होता. भारताला मालिका गमावायची नसेल तर दुसरी कसोटी सामना कोणत्याही किंमतीवर जिंकावा लागेल.
दक्षिण आफ्रिकेविरुद्धच्या दुसर्‍या कसोटी सामन्यात भारताने प्लेइंग इलेव्हनमध्ये बदल करावेत की नाही यावर सुनील गावस्कर (Sunil Gavaskar) आणि इरफान पठाण (Irfan Pathan) यांनी भाष्य केले आहे. सुनील गावसकर म्हणाले की, प्लेइंग इलेव्हनमध्ये फारसा बदल करण्याची गरज वाटत नाही. पण ते दोन बदल करू शकतात.
पहिल्या कसोटीत अश्विनचा फारसा उपयोग झाला नाही
सुनील गावसकर म्हणाले, मला वाटते की भारतीय संघ व्यवस्थापन रविचंद्रन अश्विनच्या जागी रवींद्र जडेजाला प्लेइंग इलेव्हनमध्ये आणू शकते. पहिल्या कसोटी सामन्यात रविचंद्रन अश्विनचा फारसा उपयोग झाला नाही. रविचंद्रन अश्विनने पहिल्या कसोटी सामन्यात एकूण 19 षटके टाकली.
Happy Election Year : जगभरात धुमशान! या वर्षात तब्बल 78 देशांमध्ये निवडणुकांचे वारे
दक्षिण आफ्रिकेविरुद्धच्या पहिल्या कसोटी सामन्यात रविचंद्रन अश्विनने 41 धावांत एक विकेट घेतली. फलंदाजीत त्याने पहिल्या डावात 8 धावा केल्या. दुसऱ्या डावात तो खाते न उघडता पॅव्हेलियनमध्ये परतला.
पहिल्या कसोटीत भारतीय गोलंदाजांना नव्या चेंडूचा चांगला वापर करता आला नाही. याबाबत सुनील गावसकर म्हणाले, नव्या चेंडूचा अधिक चांगला वापर करण्यासाठी संघ व्यवस्थापनाने प्रसिध कृष्णाऐवजी मुकेश कुमारला प्लेइंग इलेव्हनमध्ये स्थान द्यावे. तो नव्या चेंडूपेक्षा अधिक प्रभावी ठरू शकतो.
डेव्हिड वॉर्नरची वन-डे क्रिकेटमधून निवृत्ती! नवीन वर्षाच्या पहिल्याच दिवशी मोठी घोषणा
प्रसिद्ध कृष्णाच्या जागी मुकेश कुमार किंवा आवेश खानला संधी द्या
इरफान पठाण म्हणाला, तुम्ही वेगवान गोलंदाजांमध्ये आणखी एका बदलाचा विचार करू शकत असाल तर एकतर प्रसिद्ध कृष्णाच्या जागी मुकेश कुमार किंवा आवेश खानला संधी द्या. दरम्यान, मुकेश कुमार आतापर्यंत एकच कसोटी सामना खेळला आहे.
Inter Cast Marriage Couple : लव्ह मॅरेज करणाऱ्यांचं टेन्शन मिटलं! सरकारचा मोठा निर्णय…
पोर्ट ऑफ स्पेनमधील क्वीन्स पार्क ओव्हल स्टेडियमवर वेस्ट इंडिजविरुद्ध मुकेश कुमारने कसोटी कारकिर्दीची सुरुवात केली होती. त्या कसोटी सामन्यात मुकेशने पहिल्या डावात 18 षटकात 48 धावा देत 2 बळी घेतले होते. आवेश खानने अद्याप कसोटी पदार्पण केलेले नाही. त्याने आतापर्यंत 8 एकदिवसीय आणि 19 टी-20 आंतरराष्ट्रीय सामने खेळले आहेत. यामध्ये त्याने अनुक्रमे 9 आणि 18 विकेट घेतल्या आहेत.
गावस्कर-पठाण यांनी निवडलेली प्लेइंग इलेव्हन
रोहित शर्मा (कर्णधार), यशस्वी जैस्वाल, शुभमन गिल, विराट कोहली, श्रेयस अय्यर, केएल राहुल (यष्टीरक्षक), रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, मुकेश कुमार/आवेश खान.
संबंधित बातम्या
Mrunmayee Deshpande: मराठी अभिनेत्रीने सुनील गावस्कर यांच्यासह अमेरिकेत घालवला वेळ, फोटो शेअर करत म्हणाली…
