WTC Final: लाइव्ह मॅचदरम्यान मुलीने केले शुभमनला लग्नासाठी प्रपोज, पाहा व्हायरल फोटो

IND vs AUS, Viral Photo: भारत आणि ऑस्ट्रेलिया यांच्यातील जागतिक कसोटी चॅम्पियनशिपचा अंतिम सामना ओव्हल मैदानावर खेळवला जात आहे. नाणेफेक हारल्यानंतर ऑस्ट्रेलियाने प्रथम फलंदाजी करताना पहिल्या डावात 469 धावा केल्या. याला प्रत्युत्तरात टीम इंडियाचा पहिला डाव 296 धावांवर आटोपला. मात्र, तिसऱ्या दिवसापर्यंत ऑस्ट्रेलियाने 2 गडी बाद 83 धावा केल्या आहेत. त्यामुळे कांगारूंची आघाडी 256 धावांपर्यंत पोहोचली आहे. त्याचवेळी सोशल मीडियावर एक फोटो मोठ्या प्रमाणात व्हायरल होत आहे. वास्तविक, सोशल मीडियावर व्हायरल झालेला फोटो भारत आणि ऑस्ट्रेलिया यांच्यातील वर्ल्ड टेस्ट चॅम्पियनशिप फायनल मॅचच्या तिसऱ्या दिवसाचा आहे. (indian-cricket-team-player-shubman-gill-proposal-ind-vs-aus-wtc-final-latest-sports-news)

फोटो सोशल मीडियावर व्हायरल

सोशल मीडियावर व्हायरल झालेल्या एका फोटोमध्ये एका मुलगी टीम इंडियाचा सलामीवीर शुभमन गिलला लग्नासाठी प्रपोज करत आहे. या चाहत्याच्या हातात एक पोस्टर आहे, या पोस्टरमध्ये लिहिले आहे ‘शुबमन गिलसोबत लग्न करा…’ आता हे पोस्टर सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया यूजर्स सतत कमेंट करून आपली प्रतिक्रिया देत आहेत.

Proposal for Shubman Gill at the Oval. pic.twitter.com/76hpNoPlbi

— Mufaddal Vohra (@mufaddal_vohra) June 9, 2023

भारताच्या दुसऱ्या डावात शुभमन गिल मोठी खेळी खेळणार?

दुसरीकडे या सामन्यातील शुभमन गिलच्या कामगिरीबद्दल बोलताना या युवा सलामीवीराने पहिल्या डावात निराशा केली. शुभमन गिलने पहिल्या डावात 15 चेंडूत 13 धावा केल्या. शुभमन गिलला स्कॉट बाऊलंडने बाद केले. मात्र, टीम इंडियाच्या चाहत्यांना दुसऱ्या डावात शुभमन गिलकडून चांगल्या कामगिरीची अपेक्षा आहे. महत्त्वाचे म्हणजे आयपीएल 2023 च्या मोसमात शुभमन गिलने सर्वाधिक धावा केल्या.

ODI World Cup 2023: एकदिवसीय विश्वचषकासाठी श्रीलंकेचा संघ जाहीर, CSK च्या स्टार गोलंदाजाला संधी

आतापर्यंतच्या सामन्याची स्थिती

भारत आणि ऑस्ट्रेलिया यांच्यातील वर्ल्ड टेस्ट चॅम्पियनशिप फायनलबद्दल बोलायचे तर, नाणेफेक गमावल्यानंतर ऑस्ट्रेलियाने प्रथम फलंदाजी करताना 469 धावा केल्या. ऑस्ट्रेलियाने पहिल्या डावात केलेल्या 469 धावांना प्रत्युत्तर देताना टीम इंडियाच्या फलंदाजांनी निराशा केली. भारताचे केवळ 2 फलंदाज पन्नास धावांचा आकडा पार करू शकले. अजिंक्य रहाणे आणि शार्दुल ठाकूर यांनी अर्धशतके झळकावली. तर रवींद्र जडेजाने 48 धावांची महत्त्वपूर्ण खेळी केली. ऑस्ट्रेलियाकडून कर्णधार पॅट कमिन्सने सर्वाधिक 3 बळी घेतले. त्याचवेळी मिचेल स्टार्क, स्कॉट बाउलँड आणि कॅमेरून ग्रीन यांना 2-2 यश मिळाले. नॅथन लायनने 2 विकेट्स घेतल्या.