IPL 2023 Final GT vs CSK: …तर ट्रॉफी गुजरातला जाणार ; ‘इंद्रदेव’ ठरवणार यंदाचा चॅम्पियन
- Written By: letsupteam Published:
IPL 2023 Final GT vs CSK: इंडियन प्रीमियर लीग (IPL) 2023 च्या अंतिम सामन्यात पाऊस खलनायक ठरला आहे. स्पर्धेचा अंतिम सामना रविवारी (28 मे) चेन्नई सुपर किंग्ज (CSK) आणि गुजरात टायटन्स (GT) यांच्यात होणार होता, जो पावसामुळे होऊ शकला नाही. आता हा अंतिम सामना अहमदाबादच्या नरेंद्र मोदी स्टेडियमवर रिझर्व्ह-डेला (सोमवार) होणार आहे.
भारतीय क्रिकेट नियामक मंडळाने (BCCI) आयपीएल फायनलसाठी राखीव दिवस ठेवला आहे. जर अंतिम सामना निश्चित तारखेला झाला नाही, तर पूर्ण सामना दुसऱ्या दिवशी (राखीव-दिवस) होईल.
राखीव दिवशीही पावसाने सामना नाही झाला तर?
राखीव दिवशीही पाऊस पडला आणि एकही चेंडू टाकला नाही. म्हणजेच पावसामुळे सामना झाला नाही तर काय होईल? चेन्नई आणि गुजरात हे दोन्ही संघ संयुक्त विजेते घोषित केले जातील का? किंवा पर्याय असेल.
राखीव दिवशीही पाऊस पडला आणि सामना झाला नाही तर महेंद्रसिंग धोनीचे स्वप्न भंग पावेल. म्हणजेच हार्दिक पांड्याच्या नेतृत्वाखालील गुजरात टायटन्सला विजेता घोषित केले जाईल. आता तुम्ही विचार करत असाल की असे का? तर जाणून घेऊया काय आहेत आयपीएलचे नियम…
फायनल न झाल्यास गुजरातचा संघ चॅम्पियन होईल
खरेतर, IPL खेळण्याच्या अटी 16.11.2 नुसार, जो संघ गट टप्प्यातील सामन्यांनंतर गुणतालिकेत शीर्षस्थानी राहून प्लेऑफसाठी पात्र ठरतो, तो सामना रद्द झाल्यास विजेता घोषित केला जातो. जर कोणताही प्लेऑफ सामना रद्द झाला, तर त्याबाबतीत पॉइंट टेबलच्या आधारे निर्णय घेतला जातो. या संदर्भात गुजरात अव्वल, तर चेन्नईचा संघ दुसऱ्या क्रमांकावर होता. अशाप्रकारे फायनल झाली नाही तर गुजरात चॅम्पियन मानला जाईल.
