Rohit Sharma : रोहित शर्माने रचला इतिहास, आता हिटमॅन पहिल्या क्रमांकावर…

Rohit Sharma’s Record:  वेस्ट इंडिजविरुद्ध खेळल्या गेलेल्या पहिल्या कसोटी सामन्यात भारतीय कर्णधार रोहित शर्मा शानदार फॉर्ममध्ये दिसला. त्याने 10 चौकार आणि 2 षटकारांच्या मदतीने 103 धावांची शतकी खेळी खेळली. रोहित शर्माचे हे कसोटी क्रिकेटमधील 10 वे शतक होते. या सामन्यात टीम इंडियाने एक डाव आणि 141 धावांनी विजय मिळवला. या सामन्यात 2 षटकार मारून भारतीय कर्णधाराने एक खास विक्रम आपल्या नावावर केला होता. (Rohit Sharma created history, now hitman number one…)

Aamir Khan चं चीन-पाकिस्तानवर जास्त प्रेम; ‘त्या’ व्हिडीओमुळे नेटकरी भडकले

खरं तर, रोहित शर्माने त्याच्या आंतरराष्ट्रीय कारकिर्दीत 400 षटकारांचा आकडा पार केला आहे, जो त्याने फक्त त्या सामन्यांमध्ये मारला आहे ज्यात भारतीय संघ जिंकला आहे. संघाच्या विजयात 404 षटकारांचा टप्पा पार करणारा रोहित शर्मा पहिला खेळाडू ठरला आहे. या यादीत पाकिस्तानचा माजी खेळाडू शाहिद आफ्रिदी 299 षटकारांसह दुसऱ्या क्रमांकावर असून वेस्ट इंडिजचा ख्रिस गेल 276 षटकारांसह तिसऱ्या क्रमांकावर आहे.

संघाच्या विजयात सर्वाधिक आंतरराष्ट्रीय षटकार

रोहित शर्मा – 401 षटकार.
शाहिद आफ्रिदी – 299 षटकार.
ख्रिस गेल – 276 षटकार.

आंतरराष्ट्रीय क्रिकेटमध्ये सर्वाधिक षटकार मारणारा दुसरा फलंदाज

आंतरराष्ट्रीय कारकिर्दीत सर्वाधिक षटकार मारण्याच्या बाबतीत रोहित शर्मा दुसऱ्या स्थानावर आहे. त्याने आतापर्यंत 529 षटकार मारले आहेत. तर वेस्ट इंडिजचा ख्रिस गेल 553 आंतरराष्ट्रीय षटकारांसह पहिल्या क्रमांकावर आहे. ख्रिस गेलने 483 सामन्यांमध्ये हे षटकार ठोकले आहेत. त्याचबरोबर रोहित शर्माने 442 सामन्यांमध्ये 529 षटकार मारले आहेत.

आतापर्यंत आंतरराष्ट्रीय कारकीर्द

रोहित शर्माने आतापर्यंत 51 कसोटी, 243 एकदिवसीय आणि 148 टी-20 आंतरराष्ट्रीय सामने खेळले आहेत. कसोटीच्या 86 डावांमध्ये त्याने 45.97 च्या सरासरीने 3540 धावा केल्या आहेत. याशिवाय, त्याने एकदिवसीय सामन्यांमध्ये 48.63 च्या सरासरीने 9825 धावा आणि T20 आंतरराष्ट्रीय सामन्यांमध्ये 31.32 च्या सरासरीने आणि 139.24 च्या स्ट्राइक रेटने 3853 धावा केल्या आहेत. आतापर्यंत तिन्ही फॉरमॅटमध्ये त्याच्या बॅटमधून 44 शतके आणि 91 अर्धशतके झळकली आहेत.