Ashes 2023: हॅरी ब्रूकने किल्ला लढवला; इंग्लंडचे कमबॅक, तिसऱ्या कसोटीत मिळवला शानदार विजय

Ashes 2023: इंग्लंडने हेडिंग्ले येथे ऑस्ट्रेलियाविरुद्धच्या अॅशेस मालिकेतील तिसरी कसोटी 3 गडी राखून जिंकली आहे. सामन्याच्या चौथ्या डावात बेन स्टोक्सच्या संघासमोर 251 धावांचे लक्ष्य होते. ऑस्ट्रेलियाने ठराविक अंतराने विकेट घेतल्या पण हॅरी ब्रूकने एक टोक राखले. त्याने 171 धावांत इंग्लंडच्या 6 विकेट्स पडल्या होत्या. पण ब्रूकने ख्रिस वोक्सच्या साथीने संघाला विजयाच्या जवळ आणले. या विजयासह इंग्लंडने अ‍ॅशेस मालिकेत आपले आव्हान कायम ठेवले आहे. 5 सामन्यांच्या या मालिकेत ऑस्ट्रेलियाकडे अजूनही 2-1 अशी आघाडी आहे. (The Ashes England Defeated Australia In 3rd Test Harry Brook Chris Woakes)

ब्रूकने 75 धावांची खेळी खेळली

आयपीएल 2023 मध्ये फ्लॉप झालेला हॅरी ब्रूक अॅशेसमध्येही मोठी कामगिरी करू शकला नाही. पण या सामन्यात त्याने जबाबदारी पार पडली. ब्रुकने वोक्ससोबत 7व्या विकेटसाठी 49 धावांची भागीदारी केली. यादरम्यान त्याने कसोटीतील एक हजार धावाही पूर्ण केल्या. ब्रुकच्या बॅटने 93 चेंडूंत 9 चौकारांच्या मदतीने 75 धावा केल्या. तो बाद झाल्यानंतर इंग्लंडला आणखी 21 धावांची गरज होती. ख्रिस वोक्स आणि मार्क वुडने संघाला लक्ष्यापर्यंत नेले. वोक्सने 32 आणि वुडने 16 धावांची नाबाद खेळी केली.

ऑस्ट्रेलियाने सातत्याने विकेट घेतल्या

इंग्लंडने सकाळी आपला डाव बिनबाद 27 धावांपासून पुढे सुरु केला. मिचेल स्टार्कने बेन डकेटला (23) एलबीडब्ल्यू पायचीत केले तेव्हा त्याने त्याच्या धावसंख्येत केवळ 15 धावांची भर घातली होती. मोईन अलीला तिसऱ्या क्रमांकावर फलंदाजीसाठी पाठवले. या अष्टपैलू खेळाडूने याआधीही ही भूमिका साकारली आहे पण यावेळी ब्रेंडन मॅक्युलमची बाजी चालली नाही. मोईन केवळ 5 धावकरून माघारी परतला.

BCCI Policy : परदेशी लीगमध्ये खेळणाऱ्या खेळाडूंना बीसीसीआयचा दणका; आणणार नवी पॉलिसी

यानंतर जो रूट क्रीझवर आला पण तोही केवळ 21 धावाच करू शकला. दरम्यान, मिचेल मार्शने सलामीवीर जॉक क्रॉलीला (44) झेलबाद करून इंग्लंडला मोठा धक्का दिला. रुट आणि ब्रूक यांनी चौथ्या विकेटसाठी 38 धावांची भागीदारी केली. ही भागीदारी ऑस्ट्रेलियासाठी धोकादायक ठरू शकते, असे वाटत असतानाच रुटने पॅट कमिन्सकडे विकेटच्या मागे झेलबाद केले.

स्टार्कने 5 बळी घेतले

कर्णधार बेन स्टोक्सने 2019 मध्ये या मैदानावर 155 धावा करून ऑस्ट्रेलियाला एक विकेटने रोमांचक विजय मिळवून दिला. मात्र या डावात त्याची बॅटने तो धावा काढू शकला नाही. 13 धावा करून तो स्टार्कचा बळी ठरला. जॉनी बेअरस्टो (5) यालाही स्टार्कने बाद केले. परंतु मिचेल स्टार्कने इंग्लंडच्या 5 फलंदाजांना बाद केले.