सीसीटीव्ही फुटेज तपासा, दूध का दूध, पानी का पानी होईल; पैसे वाटल्याचा आरोपावर तावडेंची प्रतिक्रिया

Vinod Tawde : विधानसभा निवडणुकीच्या (Vidhansabha Election) मतदानाला अवघे काही तास राहिलेले असताना भारतीय भाजपचे सरचिटणीस विनोद तावडे (Vinod Tawde) अडचणीत आले. तावडेंनी विरारमध्ये पैसे वाटल्याचा आरोप बहुजन विकास आघाडीचे अध्यक्ष हितेंद्र ठाकूर (Hitendra Thakur) यांनी केला. यावरून अनेक राजकीय नेत्यांनी तावडेंवर हल्लाबोल केला. दरम्यान, आता तावडेंनी या घटनेबाबत निवेदन दिलं.

विनोद तावडे प्रकरण, किती रोखड जप्त अन् काय कारवाई होणार? पोलीस उपायुक्त पौर्णिमा चौगुलेंनी सगळं काही सांगितलं

तावडे यांनी पैसे वाटल्याच्या आरोपाबाबत एक निवदेन जारी केलं. त्यात ते म्हणाले की, वाडा येथून आज मी मुंबईला परतत असताना वसई परिसरात आल्यावर स्थानिक भाजपा उमेदवार राजन नाईक यांना चौकशीसाठी फोन केला. आम्ही सर्व कार्यकर्ते वसई येथे एका हॉटेलमध्ये आहोत, आपण चहाला या, असे त्यांनी सांगितले. मी तेथे पोहोचल्यावर स्वाभाविकपणे निवडणुकीची चर्चा झाली. मतदानाच्या दिवशीची तांत्रिक प्रक्रिया व आपण घ्यायची काळजी याविषयी मी बोलत होतो. त्यावेळी अचानक काही कार्यकर्ते आले व त्यांनी माझ्याभोवती कोंडाळे करून आरडाओरडा सुरू केला. हे कार्यकर्ते बहुजन विकास आघाडीचे असल्याचे समजल्यानंतर मी त्या पक्षाचे प्रमुख मा. हितेंद्र ठाकूर यांना फोन केला व आपल्या पक्षाच्या कार्यकर्त्यांना आवरावे, अशी विनंती केली.

मतदान कर्तव्य पार पाडून लोकशाही बळकट करा; संभाजी पाटील निलंगेकरांचे आवाहन 

हितेंद्र ठाकूर आणि आ. क्षितीज ठाकूर तेथे आले. त्या दोघांशी बोलणे झाल्यावर त्यांच्यासोबत मी एकाच गाडीतून बाहेर पडलो. हा सर्व घटनाक्रम सीसीटीव्हीमध्ये टिपला गेला आहे. मी केवळ भाजपा कार्यकर्त्यांसोबत चहापानासाठी गेलो होतो आणि चर्चा करत होतो. त्यावेळी माझ्याकडून पैसे वाटप होण्याचा प्रश्नच उद्भवत नाही. या संदर्भातील सीसीटीव्ही चित्रण तपासावे म्हणजे दूध का दूध, पानी का पानी, स्पष्ट होईल. राहुल गांधी आणि सुप्रिया सुळे अशा यासंदर्भात टीका करणाऱ्या नेत्यांनी वस्तुस्थिती समजून घ्यावी. तसेच याबाबतीत निवडणूक आयोगाकडून निःपक्ष चौकशी व्हावी, असं तावडे यांनी निवदेनात म्हटलं आहे.

संबंधित बातम्या