संपत्ती वादावर अभिनेता नवाजुद्दीनने उचलले मोठे पाऊल, कोट्यवधींची जमीन…

मुंबई : बॉलिवूड अभिनेता नवाजुद्दीन सिद्दीकी सध्या त्याच्या वैयक्तिक आयुष्यामुळे मीडियाच्या चर्चेत आहे. पत्नीशी वाद आणि त्यानंतर जमिनीचा वाद यामुळे नवाजुद्दीन सध्या वादाच्या भोवऱ्यात सापडला होता. मात्र यावर त्याने आता तोडगा काढला आहे. सिद्दीकीने त्याच्या मूळ गावी मुझफ्फरनगरला पोहोचला, त्यानंतर त्याने वडिलोपार्जित जमिनीचे पॉवर ऑफ अॅटर्नी त्याच्या 3 भावांच्या नावावर देऊन जमिनीच्या वादापासून स्वतःला दूर केले. त्याच्या या निर्णयामुळे लोकांना आश्चर्याचा धक्का बसला आहे.

अभिनेता नवाजुद्दीन सिद्दीकी गेल्या काही महिन्यांपासून घरगुती समस्यांमुळे चर्चेत आहे. आधी पत्नी आणि नंतर मालमत्तेचा वाद त्यांच्या गळ्यात अडकला. नवाजची पुर्वाश्रमीची पत्नी आलिया आणि भाऊ शमास सिद्दीकी यांनी त्याच्यावर अनेक गंभीर आरोप केले आहेत. आलियाने नवाजसह संपूर्ण कुटुंबाने आपले शोषण केल्याचा आरोप केला आहे. दुसरीकडे, नवाजुद्दीनच्या म्हणण्यानुसार, तो आणि आलिया फार पूर्वीच विभक्त झाले आहेत, परंतु आता तिला मालमत्ता आणि बंगला ताब्यात घ्यायचा आहे.

त्रिपुराच्या मुख्यमंत्र्यांचा ‘या’ दिवशी शपथविधी पार पडणार

संपत्ती केली भावांच्या नावे
अभिनेता नवाजुद्दीन सिद्दीकी अचानक मुझफ्फरनगर जिल्हा निबंधकांच्या कार्यालयात पोहोचला. त्याने कुलसचिवांसमोर दोन कागदपत्रांवर सह्या केल्या. वडिलोपार्जित मालमत्तेतील हिस्सा त्याने त्यांच्या एका भावाच्या नावे केला आहे. सोबतच तिन्ही भावांना आपली संपत्ती सुद्धा दिली आहे. कागदपत्रांवर स्वाक्षरी केल्यानंतर नवाजुद्दीन कारने दिल्लीला रवाना झाला.

पोस्टर वॉर! कसबा एक झाकी है, कोथरूड नागपूर बाकी है…

दरम्यान 6 महिन्यांपूर्वी नवाजुद्दीनच्या कुटुंबातील प्रॉपर्टी वादाचे प्रकरण समोर आले होते. नवाजुद्दीनने बुढाणा येथील वडिलोपार्जित रेस्टॉरंटचे उद्घाटन केले होते, जे केंद्रीय मंत्री संजीव बल्यान यांनी केले होते. यानंतर त्यांच्या भावाने पत्रकार परिषद घेऊन वडिलोपार्जित मालमत्तेवर रेस्टॉरंट बांधणे बेकायदेशीर असल्याचे सांगितले.