गदर- ॲनिमलनंतर देओल कुटुंबात मोठा बदल? कपिलच्या शोमध्ये अभिनेत्याने सांगितल कारण
- Written By: Digambar Jadhav Published:
Sunny Deol And Bobby Deol In The Great Indian Kapil Show: कपिल शर्माचा (Kapil Sharma) नवीन शो द ग्रेट इंडियन कपिल शो चर्चेत आहे आणि त्याचे व्हिडिओ व्हायरल होत आहेत. आमिर खानपासून रोहित शर्मापर्यंत या शोचा भाग आहे. कपिलच्या आधीच्या शोप्रमाणे या शोलाही खूप लोकप्रियता मिळत आहे. आता या शोमध्ये देओल फॅमिली (Deol Family) एन्ट्री करणार आहेत. नुकताच या शोचा एक नवीन प्रोमो शेअर करण्यात आला आहे.
यामध्ये सनी देओल (Sunny Deol) आणि बॉबी देओल (Bobby Deol) सहभागी झाले आहेत. शोमध्ये दोघेही आपल्या भावना शेअर करताना दिसत आहेत. एकीकडे तो शोमध्ये भावूक होताना दिसत आहे, तर दुसरीकडे तो शोमध्ये खूप हसताना आणि विनोद करताना दिसत आहे. शोचा हा प्रोमो चाहत्यांनाही खूप आवडला आहे.
प्रोमोमध्ये सनी देओलने सांगितले की, त्याचे कुटुंब 60 च्या दशकापासून प्रसिद्धीच्या झोतात आहे. पण काही गोष्टी नीट होत नव्हत्या. हे का होत आहे हे कोणालाच समजत नव्हते. माझ्या मुलाचे लग्न झाले. त्यानंतर माझ्या वडिलांचा चित्रपट आला मग गदर कुठून आला माहीत नाही. सर्व काही बदलले. त्यानंतर ॲनिमल आला आणि त्यावेळेस सर्व काही बिघडलं. प्रोमोमध्ये सनी आणि बॉबी खूप मस्ती करताना दिसत आहेत.
नशिबाने मांडला लग्नाचा घाट, पण नियतीने आणला दुराव्याचा ‘अंतरपाट’चा, नवीन प्रोमो रिलीज
चाहते काय म्हणतात?
या एपिसोडचा टीझर आपल्या इंस्टाग्रामवर शेअर करताना Netflix ने लिहिले आहे की, देओल ब्रदर्स लवकरच या कॉमेडी स्टेजला स्वतःचे बनवण्यासाठी आणि तुम्हाला ‘यमला पगला चे वेड लावण्यासाठी येत आहेत. हा छोटा प्रोमो पाहून चाहत्यांनी हा शो पूर्णतः पाहण्यास उत्सुक असल्याचे दिसत आहे. एका व्यक्तीने लिहिले आहे की, व्वा हा शो खूपच मनोरंजक दिसत आहे. शिवाय चाहते हार्ट इमोजी शेअर करत आहेत. आता कपिल शर्माचा हा नवीन शो नेटफ्लिक्सवर लवकरच येणार आहे.
संबंधित बातम्या
ॲनिमलनंतर आता बॉबी दिसणार औरंगजेबाच्या भूमिकेत; ‘या’ साऊथ सुपरस्टारशी होणार स्पर्धा
