Gaurav More: ‘तूही मेरी किरण…’ गौरवने जूहीसाठी केली अफलातून जुगलबंदी; पहा व्हिडीओ
- Written By: Digambar Jadhav Published:
Gaurav More On Juhi Chawla Fan: महाराष्ट्राची हास्यजत्रा (Maharashtrachi Hasyajatra) मधून घराघरात लोकप्रिय झालेला अभिनेता म्हणजे गौरव मोरे (Gaurav More) ! कॉमेडीची अचूक संधी साधत प्रेक्षकांना मनमुराद हसवणारा गौरव आता एक हिंदी शो गाजवताना दिसतोय. घराघरांत लोकप्रिय हा अभिनेता “फिल्टरपाड्याचा बच्चन” म्हणून ओळखला जातो. विनोदाचं अचूक टायमिंग साधत गौरवने महाराष्ट्रातील सगळ्याच प्रेक्षकांच्या मनावर अधिराज्य गाजवलं आणि आता हिंदीत तो मंच गाजवण्यासाठी सज्ज झाला आहे.
View this post on Instagram
गेल्या काही दिवसांपासून गौरवच्या या धमाकेदार कॉमेडीवर हिंदी प्रेक्षकही खळखळून हसत आहेत आणि तो प्रेक्षकांचं नॉन स्टॉप मनोरंजन करत आहे. सध्या सोशल मीडिया वर गौरव आणि बॉलिवुड (Bollywood) अभिनेत्री जूही चावला (Juhi Chawla ) यांचा एक व्हिडिओ तुफान व्हायरल होतोय आणि त्यामागचं कारण देखील तितकच खास आहे.
गौरवने काही दिवसांपूर्वीच ‘मॅडनेस मचाएंगे’ या हिंदी कार्यक्रमात दणक्यात एन्ट्री घेऊन पहिल्याच भागात गौरवने जबरदस्त परफॉर्मन्स दिला. गौरवची तुफान चक्का जुही चावला हिला इम्प्रेस करून गेली. आता हे नेमक प्रकरण काय आहे हे बघण उत्सुकतेचा विषय ठरल आहे.
मनोज बाजपेयींच्या वाढदिवशी चाहत्यांना निर्मात्यांकडून खास भेट, शेअर केला ‘बाग का करेजा’चा टीझर
जुही चावला आणि बॉलिवुड किंग शाहरुख खान यांच्या आयकॉनिक ‘डर’ चित्रपटातील किंग खानचं पात्र गौरव रिक्रिएट करणार असून ” तू है मेरी किरण ” हे गाणं गात गौरव शाहरुखची हुबेहूब नक्कल करत असल्याचं प्रोमो मधून बघायला मिळतंय. गौरव जुहीला गुडघ्यावर बसून गुलाब देतो गुलाबाच्या पाकळ्यांची तिच्यावर उधळण करतो हा सगळा किस्सा लवकरच बघायला मिळणार असून यावर जुही काय बरं रिअॅक्ट होणार हे बघण्याची उत्सुकता प्रेक्षकांना आहे.
गौरव या सगळ्या बद्दल बोलताना म्हणतो ” मॅडनेस मचाएंगे ” सुरू होऊन अगदीच काही दिवस झाले आहेत आणि हिंदीत एवढा कमालीचा शो करायला मिळणं ही माझ्यासाठी भाग्याची गोष्ट आहे. मराठीच्या सोबतीने हिंदी प्रेक्षकांनी दिलेलं प्रेम ही माझ्या कामाची पोचपावती आहे आणि अजून उत्तम काम करण्याची एक प्रेरणा देखील आहे. या शो मध्ये अजून धमाल मज्जा मस्ती करायची आहे पण जूही चावला मॅम सोबत मला स्टेज शेयर करायला मिळणं हे एक सुख आहे.
गौरव ” मॅडनेस मचाएंगे ” मध्ये तुफान लोकप्रिय होत असून मराठी प्रमाणे हिंदीत सुद्धा त्याने आपल्या कमाल कामगिरी ने प्रेक्षकांना आपलंसं केलं आहे. आगामी काळात ‘अल्याड पल्याड’ या चित्रपटात झळकणार असून’ महापरिनिर्वाण’ या चित्रपटातही तो मुख्य भूमिका साकारणार आहे.
संबंधित बातम्या
Sushant Singh Rajput : सुशांतच्या मृत्यूप्रकरणात करणी सेनेची एन्ट्री; सीबीआयला दिला थेट इशारा
