‘राव बहादूर’चं फर्स्ट पोस्टर प्रदर्शित; सत्यदेवचा दमदार लुक समोर, प्रेक्षकांची उत्सुकता शिगेला

Rao Bahadur First Poster Released : सुपरस्टार महेश बाबू (Mahesh Babu) यांच्या सादरीकरणाखाली तयार झालेल्या ‘राव बहादूर’ (Rao Bahadur) या चित्रपटाचा पहिला पोस्टर नुकताच प्रदर्शित करण्यात आलाय. त्यात अभिनेता सत्यदेव एका विलक्षण आणि प्रभावी रूपात दिसून येतो. प्रसिद्ध दिग्दर्शक वेंकटेश माहा दिग्दर्शित ही फिल्म एक नवीन आणि हटके संकल्पना घेऊन प्रेक्षकांच्या भेटीला येणार आहे. ही निर्मिती GMB एंटरटेनमेंट, A+S मूवीज, (Entertainment News) श्रीचक्रा एंटरटेनमेंट्स आणि महायान मोशन पिक्चर्स यांच्या संयुक्त विद्यमाने होत आहे.

कालच निर्मात्यांनी एक गुप्त संकेत देत प्रेक्षकांच्या उत्कंठेला ताण दिला होता आणि आज अखेर, त्यांनी ‘राव बहादूर’ या चित्रपटाचा जबरदस्त फर्स्ट लुक पोस्टर आणि शीर्षक दोन्ही उघड केले. या पोस्टरमध्ये सत्यदेव एका भव्य, राजेशाही पोशाखात, एक आगळावेगळं रूप साकारताना दिसतोय. “शंका एक सैतान आहे” (Doubt is a demon) ही टॅगलाइनही उत्सुकता वाढवणारी आहे.

सत्यदेवचा नवा अवतार

सत्यदेवचा या चित्रपटातील लुक अत्यंत आकर्षक आणि वेगळा आहे. पोस्टरमध्ये मोरपिसं, बेलं आणि सूक्ष्म डिझाइन्सचा समावेश असून, ही दृश्यं भव्यतेसोबतच एक आंतरिक संघर्षही दर्शवतात. हे एक अतिशय वेगळं आणि प्रभावी सिनेमॅटिक अनुभव देणारे असणार, असा संकेत यातून मिळतो. आपल्या भूमिकेबद्दल बोलताना सत्यदेव म्हणतात, “एक अभिनेता म्हणून तुम्ही अशा प्रकल्पांचे स्वप्न पाहता जे मोठे, आव्हानात्मक आणि लक्षात राहणारे असतात. ‘राव बहादूर’ तसं एक स्वप्नवत प्रोजेक्ट आहे.”

अंगात 4 भुतं, 11 वेळा संभोग कर, अन्यथा… नवरा मरेल; अंध तरुणांकडून अल्पवयीन मुलीवर अत्याचार

ते पुढे म्हणाले, “प्रत्येक सकाळी ५ तास मेकअपमध्ये घालवून मी या पात्रात पूर्णपणे शिरलो. जेव्हा शूटिंग सुरू झालं, तेव्हा मी केवळ अभिनय करत नव्हतो, तर मी स्वतः राव बहादूर म्हणून जगत होतो.”

जबरदस्त टीम आणि वेगळा दृष्टिकोन

महेश बाबू आणि नम्रता शिरोडकर यांच्या GMB एंटरटेनमेंटसह, ‘राव बहादूर’ चित्रपटाचे दिग्दर्शन C/o कांचरापालेम आणि उमा महेश्वर उग्र रूपस्य यांसारख्या नावाजलेल्या चित्रपटांचे दिग्दर्शक वेंकटेश माहा करत आहेत. या चित्रपटाच्या निर्मितीत A+S मूवीज आणि श्रीचक्रा एंटरटेनमेंट्स यांसारख्या तेलुगु चित्रपटसृष्टीतील प्रतिष्ठित कंपन्यांचा सहभाग आहे. A+S मूवीजने याआधी GMB एंटरटेनमेंटसह ‘मेजर’ हा यशस्वी चित्रपट तयार केला होता, तर श्रीचक्रा एंटरटेनमेंट्सने ‘KA’ सारख्या गाजलेल्या चित्रपटाला पाठिंबा दिला होता.

‘टँगो मल्हार’मधून उलगडणार रिक्षा चालकाचा प्रवास! चित्रपट चाहत्यांच्या भेटीला कधी येणार?

पहिलं दृश्य – ‘Not Even a Teaser’

स्वातंत्र्य दिनी या चित्रपटाचं पहिलं विशेष दृश्य – ‘Not Even a Teaser’ – थिएटरमध्ये प्रदर्शित होणार आहे आणि त्यानंतर येत्या आठवड्यात डिजिटल प्लॅटफॉर्म्सवर देखील दाखवण्यात येणार आहे.

‘राव बहादूर’ – 2026 च्या उन्हाळ्यात तुमच्या भेटीला

इतकी प्रभावी टीम, दूरदृष्टी असलेला दिग्दर्शक आणि उत्कृष्ट अभिनेता एकत्र आल्यावर, ‘राव बहादूर’ ही आगामी काळातील सर्वाधिक प्रतीक्षेत असलेली भारतीय चित्रपटांपैकी एक ठरणार आहे. चित्रपट 2026 च्या उन्हाळ्यात प्रदर्शित होणार आहे.