विक्रांत मैसीचा नवा बिझनेस प्लॅन; डोंगरांच्या कुशीत उभारतोय ‘मुसाफिर कॅफे’

अभिनेता विक्रांत मैसी हिमाचल प्रदेश आणि उत्तराखंडमध्ये दोन नवीन ‘मुसाफिर कॅफे’ सुरू करत आहे. एका कॅफेच्या बांधकामाची पहिली झलक समोर आली आहे.

Vikrant Massey Expands Musafir Cafe to Himachal and Uttarakhand : राष्ट्रीय पुरस्कार विजेता अभिनेता विक्रांत मैसी आता अभिनयासोबतच ‘मुसाफिर कॅफे’ या संकल्पनेचा विस्तार करत आहे. हिमाचल प्रदेश आणि उत्तराखंडमध्ये दोन नवीन ‘मुसाफिर कॅफे’ उभारले जात असून, सध्या दोन्ही ठिकाणी बांधकाम सुरू आहे.

यापैकी एका कॅफेच्या बांधकामाची झलक समोर आली असून, डोंगरांच्या निसर्गरम्य परिसरात ‘मुसाफिर कॅफे’ आकार घेताना दिसत आहे. कॅफेची ही पहिली झलक चाहत्यांची उत्सुकता वाढवणारी ठरत आहे. अभिनयाच्या पडद्यापलीकडे विक्रांत मैसीचा हा नवा उपक्रम आता प्रत्यक्ष रूप घेताना पाहायला मिळणार आहे.

चिमुकलीच्या एका इच्छेभोवती रंगणार ‘आली मोठी शहाणी’ची गोष्ट!

विक्रांत मैसी या प्रकल्पाच्या माध्यमातून हिमाचल प्रदेश आणि उत्तराखंड येथे ‘मुसाफिर कॅफे’ या नावाने दोन कॅफे सुरू करणार आहेत. या दोन्ही ठिकाणी सध्या बांधकामाचे काम सुरू असून, वेब सिरीजमध्ये दाखवण्यात आलेल्या कॅफेच्या रूपरेषेनुसार त्यांची प्रतिकृती साकारली जात आहे. वेब सिरीजमध्ये दिसणाऱ्या ‘मुसाफिर कॅफे’ची आपुलकीने भरलेली दुनिया पुन्हा निर्माण करण्याचा प्रयत्न या माध्यमातून केला जात आहे. डोंगरांच्या निसर्गरम्य परिसराशी सुसंगत अशा पद्धतीने या कॅफेची रचना करण्यात येत आहे. यामध्ये कलाकारांसाठी 20 खोल्यांची आर्टिस्ट रेसिडेन्सी देखील असणार आहे, ‘मुसाफिर कॅफे’ची दुनिया पडद्याच्या पलीकडे प्रत्यक्ष आयुष्यातील जागेत साकारण्याचा प्रयत्न विक्रांत मैसी करत आहे.

विद्यार्थ्यांनी प्रश्न विचारत राहावं; ‘सिस्टमला विद्यार्थी नको, अंधभक्त हवेत’ राहुल गांधी

रिपोर्ट्सनुसार, कॅफेला हळूहळू आकार दिला जात असून, दोन्ही ठिकाणी बांधकामाचे काम वेगाने पुढे जात आहे. वेब सिरीजमध्ये पाहायला मिळालेली ‘मुसाफिर कॅफे’ची उबदारता आणि सौंदर्य पुन्हा साकारण्याचा या प्रकल्पामागील प्रयत्न आहे. या प्रकल्पाचा एक महत्त्वाचा भाग म्हणजे आर्टिस्ट रेसिडेन्सी. ‘मुसाफिर कॅफे’च्या जगाचा नैसर्गिक विस्तार म्हणून या जागेची निर्मिती केली जात आहे.

वेब सिरिजमध्ये विक्रांत मैसी याने चंदरची महत्त्वपूर्ण भूमिका साकारली आहे. या कथेत चंदर आपल्या स्वप्नाचा पाठपुरावा करत डोंगरांमध्ये स्थायिक होतो आणि आपल्या कॅफेभोवती आयुष्याचा प्रवास पुढे नेण्याचा प्रयत्न करतो. कॅफे हा सिरिजच्या कथानकाचा तसेच चंदरच्या प्रवासाचा एक महत्त्वाचा भाग आहे. त्यामुळेच कदाचित सिरीजमधील ही काल्पनिक दुनिया आता प्रत्यक्ष आयुष्यातील जागेच्या रूपाने आपला प्रवास पुढे नेताना दिसत आहे.

समोर आलेल्या खास छायाचित्रात बांधकाम सुरू असलेल्या कॅफेची एक विशेष झलक पाहायला मिळते. डोंगराळ भूप्रदेशाला साजेशी अशी स्टोन-अँड-वुड आर्किटेक्चरची रचना या कॅफेसाठी करण्यात येत आहे. सिरीजमध्ये दिसलेल्या कॅफेसारखाच लुक आणि फील मिळावा, याची विशेष काळजी घेतली जात आहे.

विक्रांत मैसी यांच्या प्रोडक्शन हाऊस ‘होममेड स्टोरीज’च्या माध्यमातून हा प्रकल्प त्यांच्या अभिनयाच्या पलीकडील कार्याचा विस्तार करत आहे. हिमाचल प्रदेश आणि उत्तराखंड येथे आकार घेत असलेली ही दोन्ही ‘मुसाफिर कॅफे’ आता मालिकेतील जगाला डोंगरांच्या कुशीत प्रत्यक्ष जीवनातील स्थळांच्या रूपात साकारण्याच्या दिशेने वाटचाल करत आहेत, जे निश्चितच एक खास आणि अनोखे पाऊल आहे.

संबंधित बातम्या