‘आर्टिकल 370’ने पहिल्या दिवशी ‘द काश्मीर फाइल्स’चा रेकॉर्ड मोडला, कमावले ‘इतके’ कोटी

Article 370 Box Office Collection Day 1: यामी गौतम (Yami Gautam), प्रियामणी स्टारर चित्रपट ‘आर्टिकल 370’ (Article 370 Movie) शुक्रवार, 23 फेब्रुवारी रोजी थिएटरमध्ये प्रदर्शित झाला आहे. राष्ट्रीय पुरस्कार (National Award) विजेते आदित्य सुहास जांभळे (Aditya Suhas Jamble) दिग्दर्शित हा चित्रपट जम्मू-काश्मीरला दिलेला विशेष दर्जा रद्द करण्याच्या निर्णयावर आधारित आहे. या चित्रपटाने पहिल्याच दिवशी जोरदार गल्ला कमावला आहे. ‘आर्टिकल 370’ ने पहिल्या दिवशी 5.75 टक्के गल्ला जमा केले आहे. या चित्रपटाची ‘काटे की टक्कर’ विद्युत जामवाली यांच्या ‘क्रॅक’ या ॲक्शनपटाशी होती आणि या चित्रपटाने त्या ॲक्शन ड्रामाचा पराभव केला आहे.

इंडस्ट्री ट्रॅकर सकनिल्कच्या अहवालानुसार, ‘आर्टिकल 370’ ने भारतात 5.75 कोटी रुपयांचा व्यवसाय केला आहे आणि दुसऱ्या दिवशी हा चित्रपट आणखी चांगला कलेक्शन करेल. पहिल्या दिवशी या चित्रपटाने 42.83 टक्के हिंदी व्यापला होता. सकाळचा शो 17.15 टक्के, दुपारचा शो 31.01 टक्के, संध्याकाळचा शो 44.29 टक्के आणि रात्रीचा शो 78.86 टक्के नोंदवला गेला.

शाहिदच्या ‘TBMAUJ’ची दुसऱ्याच आठवड्यात बंपर कमाई, वीकेंडला गाजवणार बॉक्स ऑफिस?

रिपोर्ट्सनुसार, हा पॉलिटिकल ड्रामा फिल्म भारतातील 1,500 थिएटरमध्ये 2,200 स्क्रीन्सवर रिलीज करण्यात आला आहे. ‘आर्टिकल 370’ चित्रपटाची कथा भारत सरकारने काश्मीरमधून कलम 370 हटवल्यानंतर त्यावर आधारित आहे. आदित्य सुहास जांभळे यांच्या दिग्दर्शनाखाली बनलेला हा चित्रपट देशभरातील प्रेक्षकांच्या पसंतीस उतरला आहे. यात यामी गौतमसह प्रियामणी, स्कंदा ठाकूर, अश्विनी कौल, वैभव तत्ववादी, अरुण गोविल आणि किरण करमरकर यांच्या भूमिका आहेत.

‘द काश्मीर फाइल्स’चा रेकॉर्ड मोडला : या चित्रपटाने विवेक अग्निहोत्रीच्या ‘द काश्मीर फाइल्स’चा रेकॉर्ड मोडला आहे. पहिल्या दिवशी ‘द काश्मीर फाइल्स’ने 3.55 कोटींचा व्यवसाय केला असून चित्रपटाने 5.75 कोटींची कमाई केली आहे. त्या चित्रपटाबाबत पंतप्रधान मोदींनी लोकांना आवाहन केले होते आणि त्यांनी या चित्रपटाचे कौतुकही केले आहे.

संबंधित बातम्या