गुगलच्या सीईओंना कर्मचाऱ्यांनी धाडले पत्र; म्हणाले, संकटाच्या काळात..

Sunder Pichai : गुगलची मूळ कंपनी अल्फाबेट ने 12000 कर्मचाऱ्यांना काढून (Alphabet Layoffs) टाकण्याची घोषणा केली होती. आता या कपातीनंतर कर्मचाऱ्यांनी कंपनीचे सीईओ सुंदर पिचाई (Sunder Pichai) यांना खुले पत्र लिहून आपल्या मागण्या मांडल्या आहेत. कर्मचाऱ्यांनी भरतीसाठी सुंदर पिचाई यांना भरतीसाठी प्राधान्य देण्याबाबत तसेच नवीन भरतीवर बंदी घालण्याबाबत विनंती केली आहे. गुगलवर पुन्हा भरती झाल्यास ज्या कर्मचाऱ्यांना काढून टाकण्यात आले आहे त्यांना प्राधान्य द्यावे असे कर्मचाऱ्यांचे म्हणणे आहे.

ब्लूमबर्गने दिलेल्या वृत्तानुसार पत्रात सुट्टी देण्याची आणि सध्या भरती गोठविण्याची मागणी करण्यात आली आहे. याशिवाय युक्रेन युद्धासारख्या संकटात सापडलेल्या देशांमध्ये कर्मचाऱ्यांना काढून टाकू नका असे आवाहनही कर्मचाऱ्यांनी केले आहे.

हेही वाचा : ChatGPT vs Bard : AI स्पर्धेत गुगल मायक्रोसॉफ्टची शर्यत, एआय सर्च इंजिनला मारेल का?

खुल्या पत्रात कर्मचाऱ्यांनी सांगितले आहे, की जर एखाद्या कर्मचाऱ्याला कामावरून काढून टाकले असेल तर त्याला त्याच्या पूर्ण नोटीस कालावधीसाठी परवानगी द्यावी. त्यात असेही म्हटले आहे की युक्रेनसारख्या देशातील प्रभावित कामगारांना त्यांच्या नोकऱ्या गमावण्याचा धोका असलेल्या तसेच अतिरिक्त समर्थन दिले पाहिजे.

या परिस्थितीतीचा परिणाम जागतिक पातळीवर जाणवत असल्याचे पत्रात म्हटले आहे. जानेवारीमध्ये अल्फाबेटने जाहीर केले की कोरोना साथीच्या रोगानंतर मंदीची भीती वाढल्याने दबाव जास्त आहे. अशा परिस्थितीत कंपनी आपल्या कर्मचाऱ्यांमध्ये सुमारे 6 टक्के कपात करेल.

You Tube : भारतीय वंशाचे Neel Mohan असणार यूट्यूबचे नवे सीईओ

त्याचवेळी ॲमेझॉन डॉट कॉम आणि मायक्रोसॉफ्ट कॉर्पोरेशनने देखील जानेवारीमध्ये नोकऱ्या कपातीची घोषणा केली होती. पिचाई यांनीही 20 जानेवारी रोजी नोकऱ्या कपातीची घोषणा केली होती आणि त्यांनी कर्मचाऱ्यांना ईमेल मध्ये सांगितले की कंपनी आपला व्यवसाय वाढविण्यासाठी काम करत आहे. अशा परिस्थितीत त्यांनी या कपातीची संपूर्ण जबाबदारी घेतली. कपातीवेळी 14000 कर्मचाऱ्यांना चांगले उपचार कवच देण्यासाठी स्वाक्षरी करण्यात आली होती.