Mohammad Yunus: बांगलादेशात अंतरिम सरकार स्थापन, अर्थतज्ज्ञ मोहम्मद युनूस नेतृत्व करणार
- Written By: ganesh pokale Published:
Bangladesh violence : अर्थतज्ज्ञ मोहम्मद यूनुस हे बांगलादेशातील अंतरिम सरकारचे प्रमुख झाले. तिन्ही सेनाप्रमुख आणि विद्यार्थी नेत्यांच्या बैठकीत हा निर्णय घेण्यात आला. (Mohammad Yunus) मोहम्मद युनूस यांना पंतप्रधानपदाचा दर्जा असणार आहे. नवीन सरकार स्थापन होईपर्यंत मोहम्मद युनूस सरकारचे नेतृत्व करतील. सरकारचा नेता निवडण्यासाठी अध्यक्ष मोहम्मद शहाबुद्दीन यांच्या अध्यक्षतेखाली बैठक झाली. या बैठकीत तिन्ही लष्करप्रमुख उपस्थित होते. या बैठकीला विद्यार्थी संघटनांचे नेतेही उपस्थित होते.
बांगलादेशात परिस्थिती चिघळली, आंदोलकांनी हॉटेलला लावली आग, 24 जणांना जिवंत जाळले
गरिबांचे बँकर
नोबेल पारितोषिक विजेते मोहम्मद युनूस यांची सरकारचे नेते म्हणून एकमताने निवड करण्यात आली. मोहम्मद युनूस हे बांगलादेशातील गरिबांचे बँकर म्हणून ओळखले जातात. मोहम्मद युनूस यांना अंतरिम सरकारचे प्रमुख करण्यासंदर्भातील प्रस्ताव बांगलादेशमधील आंदोलक विद्यार्थ्यांनी दिला होता. त्यांचा हा प्रस्ताव मान्य करण्यात आला आहे. त्यानुसार आता मोहम्मद युनूस यांच्या नेतृत्वात अंतरिम सरकार स्थापन होणार आहे. मोहम्मद युनूस हे शेख हसीना यांचे कट्टर विरोधक आहेत.
संबंधित बातम्या
दक्षिण आफ्रिकेचं वादळ! बांग्लादेशचा पराभव करत मालिकाही जिंकली; १० वर्षांनंतर मोठी कामगिरी
