अहिल्यानगर पोलिसांची मोठी कारवाई;  ध्वनी प्रदूषण करणाऱ्या 130 दुचाकींचे सायलेन्सर जप्त करून रोड रोलरखाली दाबले

Ahilyanagar Police :  शहरात दुचाकी वाहनांच्या सायलेन्सरमध्ये अनधिकृतपणे बदल करून फटाकड्यांसारखा विचित्र व कर्कश आवाज निर्माण करण्याचे

Ahilyanagar Police :  शहरात दुचाकी वाहनांच्या सायलेन्सरमध्ये अनधिकृतपणे बदल करून फटाकड्यांसारखा विचित्र व कर्कश आवाज निर्माण करण्याचे अनुचित प्रकार गेल्या काही दिवसांपासून सुरू होते. ध्वनी प्रदूषणाच्या समस्येमुळे नागरिक त्रस्त झाले होते. ही बाब लक्षात घेऊन जिल्हा पोलीस अधीक्षक सोमनाथ घार्गे व अपर पोलीस अधीक्षक वैभव कलुबर्मे यांच्या मार्गदर्शनाखाली शहर विभागाचे पोलीस उपअधीक्षक दिलीप टिपरसे यांनी गेल्या एक महिन्यापासून अशा दुचाकी वाहनांवर कारवाईची मोहीम सुरू केली होती.

गेल्या महिनाभरातील कारवाई मध्ये 130 दुचाकींचे अनधिकृतपणे बदल केलेले कर्कश आवाजाचे सायलेन्सर आयुर्वेद महाविद्यालयाजवळील चौकात रोड रोलरखाली दाबून निरुपयोगी करण्यात आले. आतापर्यंतची ही अशा प्रकारची सर्वात मोठी कारवाई मानली जाते. यापुढेही अशाप्रकारे सायलेन्सर मध्ये बेकायदेशीरपणे बदल करून ध्वनी प्रदूषण करणाऱ्या व सामाजिक शांतता भंग करणाऱ्या वाहन चालकांवर कायदेशीर कारवाई सुरु राहणार असल्याचे  टिपरसे यांनी यावेळी स्पष्ट केले.

यावेळी तोफखाना पोलिस स्टेशनचे (Ahilyanagar Police) पोलिस निरीक्षक जगदीश भांबळ, कोतवाली पोलिस स्टेशनचे संभाजी गायकवाड, भिंगार कॅम्प पोलिस स्टेशनचे स पो नि जगदीश मुलगीर  व शहर वाहतूक नियंत्रण शाखेचे पो.नि. बाबासाहेब बोरसे, पो उ नि शमुवेल गायकवाड, रविंद्र धायतडक यांसह पोलीस अधिकारी व अंमलदार उपस्थित होते.

सरकारने मच्छरदाणी दिली, थकून घरी गेल्यावर बायकोसोबत झोपा ; मंत्री महाजनांचा बांधकाम कामगारांना सल्ला

कर्कश आवाज निर्माण करून छाप पाडण्यासाठी दुचाकीच्या सायलेन्सरमध्ये अनधिकृत फेरबदल करू नयेत व संभाव्य कारवाई टाळण्यासाठी पोलीस प्रशासनास सहकार्य करावे असे आवाहन शहर विभागाचे पोलीस उपअधीक्षक दिलीप टिपरसे यांनी केले आहे.

संबंधित बातम्या