अंतरवाली सराटीत ओबीसी आंदोलक मंगेश ससाणेंसह 4 जण ताब्यात; परवानगी नाकारल्यानंतर पोलिसांची कारवाई

OBC activist Mangesh Sasane ओबीसी आंदोलकांकाडून अंतरवाली सराटीत ओबीसींचे काल 6 सप्टेंबरपासून उपोषण सुरू होते.

OBC activist Mangesh Sasane, detained in Antarwali Sarati police took action after permission denied : एकीकडे जालन्यातील आंतरवाली सराटीमध्ये मराठा आरक्षणासाठी मनोज जरांगे यांचं गेल्या 10 दिवसांपासून उपोषण सुरू आहे. यात आता मराठा समाजाला ओबीसीतून आरक्षण देण्याचा विरोध करण्यासाठी आक्रमक पवित्रा घेतल्याचं पाहायला मिळत आहे. यातचं ओबीसी आंदोलकांकाडून अंतरवाली सराटीत ओबीसींचे काल 6 सप्टेंबरपासून उपोषण सुरू होते. मात्र यावर आत कारवाई करण्यात आली आहे.

दिल्लीत इमारत कोसळून 6 जणांचा मृत्यू, 8 जण गंभीर जखमी; इमारत मालकावर गुन्हा दाखल

ओबीसी समाजाच्या विविध मागण्यांसाठी अंतरवाली सराटी येथे ॲड. मंगेश ससाणे यांच्यासह चार आंदोलकांनी लाक्षणिक उपोषण सुरू केले होते. मात्र या आंदोलनाला आवश्यक परवानगी नसल्याचे सांगत पोलिसांनी उपोषणास मान्यता नाकारली. त्यानंतर आंदोलन थांबविण्याच्या सूचनांकडे दुर्लक्ष झाल्याने ससाणे यांच्यासह पाच जणांना पोलिसांनी ताब्यात घेतले. 6 सप्टेंबरपासून ॲड. मंगेश ससाणे आणि त्यांच्या सहकाऱ्यांनी अंतरवाली सराटी येथे आंदोलन सुरू केले होते. कायदा आणि सुव्यवस्था बिघडण्याची शक्यता, वाहतुकीवर होणारा परिणाम तसेच ग्रामपंचायतीची पूर्वपरवानगी न घेतल्याचे कारण देत पोलिस प्रशासनाने आंदोलनास परवानगी नाकारल्याचे सांगण्यात आले.

इतकंच वाटतंय तर देशात राहायला या; मोदींचं कौतुक करणाऱ्या NRI महिलेची मिमिक्री करत राज ठाकरेंचा टोला

पोलिसांनी आंदोलकांना उपोषण थांबविण्याची विनंती केली होती. मात्र आंदोलकांनी आंदोलन मागे घेण्यास नकार दिल्याने अखेर पोलिसांनी कारवाई करत ससाणे आणि त्यांच्या चार सहकाऱ्यांना ताब्यात घेतले. या पार्श्वभूमीवर आंदोलनस्थळी मोठा पोलीस बंदोबस्त तैनात करण्यात आला होता. दरम्यान, ओबीसी समाजाच्या मागण्यांसाठी पुढील आंदोलनाची तयारी सुरू असताना उपोषणासाठी स्टेज उभारण्यासही पोलिसांनी विरोध केल्याचा आरोप ॲड. मंगेश ससाणे यांनी केला आहे. आंदोलनासाठी निवडलेल्या ठिकाणाऐवजी अन्यत्र उपोषण करण्याची सूचना पोलिसांकडून करण्यात आल्याचा त्यांचा दावा आहे.

रशियाने भारताला दिला मोठा झटका; स्वस्त कच्च्या तेलाची सवलत बंद, चीनसोबत व्यापार तेजीत

या कारवाईवरून ससाणे यांनी पोलिस प्रशासनाच्या भूमिकेवर प्रश्न उपस्थित केले. “मनोज जरांगे यांच्यासाठी एक नियम आणि आमच्यासाठी दुसरा नियम का?” असा सवाल त्यांनी उपस्थित केला होता. तसेच आंदोलनकर्त्यांविरोधात पोलीस बळाचा वापर होण्याची शक्यताही त्यांनी यापूर्वी व्यक्त केली होती. अंतरवाली सराटीतील या घडामोडींमुळे ओबीसी आंदोलनाचा मुद्दा पुन्हा एकदा चर्चेत आला असून, पोलिसांच्या कारवाईनंतर परिसरात तणावपूर्ण परिस्थिती निर्माण झाली आहे.

संबंधित बातम्या