राहुरी पोटनिवडणुकीची तयारी सुरू… निवडणूक आयोगाचा मोठा निर्णय
Rahuri Assembly Constituency : विधानसभा सदस्य कै. शिवाजी कर्डीले यांच्या आकस्मिक निधनामुळे रिक्त झालेल्या 223-राहुरी विधानसभा मतदारसंघाची
- Written By: shakir sayyad Published:
Rahuri Assembly Constituency : विधानसभा सदस्य कै. शिवाजी कर्डीले यांच्या आकस्मिक निधनामुळे रिक्त झालेल्या 223-राहुरी विधानसभा मतदारसंघाची पोटनिवडणूक लवकरच होण्याची शक्यता आहे. या पार्श्वभूमीवर निवडणूक आयोगाने लोकप्रतिनिधित्व अधिनियम, 1950 मधील कलम 21 नुसार या मतदारसंघासाठी मतदार याद्यांचा विशेष संक्षिप्त पुनरीक्षण कार्यक्रम जाहीर केला आहे.
हा कार्यक्रम 1 जानेवारी 2026 या अर्हता दिनांकाच्या आधारे राबविण्यात येणार आहे. यानुसार, मतदान केंद्रांचे सुसूत्रीकरण 29 डिसेंबर 2025 पर्यंत पूर्ण करण्यात येणार आहे. त्यानंतर 1 जानेवारी 2026 रोजी एकात्मिक प्रारूप मतदार यादी प्रसिद्ध केली जाणार आहे.
दावे व हरकती स्वीकारण्याचा कालावधी 3 जानेवारी ते 24 जानेवारी 2026 दरम्यान ठेवण्यात आला आहे. प्राप्त दावे व हरकतींचा निपटारा 7 फेब्रुवारी 2026 पर्यंत करण्यात येणार असून, अंतिम मतदार यादी 14 फेब्रुवारी 2026 रोजी प्रसिद्ध केली जाणार आहे.
मोठी बातमी, ज्ञानपीठ पुरस्कारप्राप्त ज्येष्ठ साहित्यिक विनोद कुमार शुक्ल यांचे निधन
या विशेष संक्षिप्त पुनरीक्षण कार्यक्रमाचा लाभ घेऊन पात्र नागरिकांनी आपले नाव मतदार यादीत नोंदवावे तसेच आवश्यक त्या दुरुस्त्या करून घ्याव्यात, असे आवाहन मुख्य निवडणूक अधिकारी कार्यालयाकडून करण्यात आले आहे.
रोहित आणि विराटनंतर ‘हा’ स्टार खेळाडू खेळणार विजय हजारे ट्रॉफी ; BCCI ने केली मोठी घोषणा
संबंधित बातम्या
श्रीगोंद्यात पाचपुतेंनी गड राखला तर नेवासा नगरपंचायत शिंदेसेनेच्या ताब्यात; अहिल्यानगरमध्ये कोण विजयी कोण आघाडीवर?
