ठाकरे बंधू पुन्हा एकत्र दिसणार; मनसेच्या दीपोत्सवाचे उद्घाटन उद्धव ठाकरे यांच्या हस्ते होणार

मनसेच्या दीपोत्सवाचे उद्घाटन उद्धव ठाकरे यांच्या हस्ते होणार आहे. राज ठाकरे यांच्यासाठी हा क्षण विशेष आहे.

गेली काही दिवसांपासून ठाकरे बंधू एकत्र असल्याची चर्चा आणि तसे प्रसंग आपण पाहत आलो आहोत. (Thackeray) आता पुन्हा एकदा अशीच बातमी समोर आली आहे. महाराष्ट्र नवनिर्माण सेनेच्या वतीने शिवाजी पार्कवर आयोजित करण्यात आलेल्या दीपोत्सव कार्यक्रमाच्या निमित्ताने ठाकरे बंधू पुन्हा एकदा एकत्र येत आहेत. मनसे अध्यक्ष राज ठाकरे आणि शिवसेना (उद्धव बाळासाहेब ठाकरे) पक्षप्रमुख उद्धव ठाकरे हे येत्या शुक्रवारी, १७ तारखेला एकाच मंचावर दिसणार आहेत.

मनसेच्या दीपोत्सवाचे उद्घाटन उद्धव ठाकरे यांच्या हस्ते होणार आहे. राज ठाकरे यांच्यासाठी हा क्षण विशेष आहे. कारण, पहिल्यांदाच उद्धव ठाकरे हे मनसेच्या दीपोत्सव कार्यक्रमाला उपस्थित राहणार आहेत. यामुळे राजकीय वर्तुळात अनेक चर्चांना उधाण आले आहे. मागील काही महिन्यांपासून दोन्ही ठाकरे बंधूंमधील भेटीगाठी वाढल्या आहेत. स्नेहभोजन असो, किंवा कौटुंबिक समारंभ, राज आणि उद्धव ठाकरे अनेकदा एकत्र आले आहेत.

ठाकरे बंधू पुन्हा एकत्र! मातोश्रीवर राज ठाकरेंचा सहकुटुंब स्नेहभोजन कार्यक्रम, युतीच्या चर्चेला नवं वळण

आता दीपोत्सवाच्या निमित्ताने हे दोन्ही नेते पुन्हा एकदा सार्वजनिक कार्यक्रमात एकत्र येत असल्याने, राज्यातील बदलत्या राजकीय समीकरणांकडे सगळ्यांचे लक्ष लागले आहे. अनेक राजकीय विश्लेषकांच्या मते आगामी मुंबई महानगरपालिका निवडणुकीच्या पार्श्वभूमीवर या भेटीगाठींना विशेष महत्त्व आहे. शुक्रवारी (१७ तारखेला) होणाऱ्या या दीपोत्सव उद्घाटन सोहळ्यात पुन्‍हा एकदा ठाकरे बंधूंना एकत्र येणे दोन्‍ही पक्षांच्‍या कार्यकर्त्यांसाठी पर्वणी ठरणार आहे.

शाळेतील तिसरी भाषा मराठा असावी, या मुद्द्यावरुन एकत्र येत ठाकरे बंधूंमधील दुरावा कमी झाला असून गेल्या 2 महिन्यातील जवळीक सर्वांनाच आश्चर्य वाटणारी आहे. राज ठाकरेंच्या शिवतीर्थ बंगल्यावर उद्धव ठाकरेंची भेट असो किंवा, मातोश्री बंगल्यावर राज ठाकरेंचे स्वागत असो. गेल्या काही दिवसांत ठाकरे बंधूंच्या जवळपास 7 ते 8 वेळा भेटी झाल्या आहेत. त्यात, दोनवेळा बंद दाराआड चर्चाही झाली असून आता दिवाळीच्या पार्श्वभूमीवर शिवसेना-मनसे पुन्हा एकत्र येत आहे.

संबंधित बातम्या