Sanjay Shirsat : ‘त्या’ बॅगेत पैसे की कपडे?; राऊतांच्या व्हिडिओची खरीखुरी माहिती आली समोर

Sanjay Raut vs Sanjay Shirsat : शिवसेना ठाकरे गटाचे खासदार संजय राऊत यांनी शिवसेना शिंदे गटाचे मंत्री संजय शिरसाट यांच्यावर खळबळजनक आरोप केले होते. मंत्री बाजूला पैशांच्या बॅगा घेऊन बसले आहेत, असा आरोप राऊतांनी केला होता. संजय राऊतांचा हा दावा आता खरा ठरल्याची चर्चा आहे. (Shirsat) कारण संजय शिरसाट यांचा पैशांच्या बॅगेचा शेजारी बसलेला व्हिडीओ समोर आलाय. या व्हिडीने राजकारण तापलं आहे.

या व्हिडिओमध्ये शिरसाट हे बेडवर बसून सिगारेट ओढत ते फोनवर बोलत आहेत. या बेडखाली पैशांची मोठी बॅग असल्याचं पाहायला मिळत आहे. दरम्यान, यावर आता संजय शिरसाट यांनी प्रतिक्रिया दिली आहे. शिरसाट याबाबत बोलताना म्हणाले, मी आत्ताच तुमच्या मित्राकडून तो व्हिडिओ पाहिला. व्हिडिओ काय दाखवतोय माझं घर आहे. तुम्ही पाहतायत ते माझं घर आहे. माझं बेडरूम आहे. बेडरूममध्ये मी बसलेले बसलेलो आहे. बाजूला माझा सर्वात लाडका कुत्रा हा माझ्या बेडरूममध्ये आहे.

बोलण्याच्या ओघात शिंदेंच्या दिल्लीवारीचं गुपित शिरसाटांनी फोडलं; गदारोळ होताच

व्हिडीओबद्दल मला आश्चर्य नाही, यात काही गैर नाही, टार्गेट करण्याचा प्रयत्न केला जातोय. एक बॅग ठेवलेली आहे. एवढी मोठी बॅग जर पैशाची ठेवायची असेल तर अलमाऱ्या काय मेल्यात का? या बॅगमध्ये पैसे नाहीत तर कपडे आहेत, असा दावाही संजय शिरसाट यांनी केला आहे. त्याचबरोबर राऊतांनी आज ठरल्याप्रमाणे भुंकण्याचा काम केलं. शिंदे साहेब दिल्लीला अमित शाह साहेबाला भेटले व त्यांनी सांगितलं की माझा पक्ष लागला तर विलीन करा. परंतु, मला मुख्यमंत्री करा हे सगळं पाहिलं, तर यांना संताजी-धनाजी दिसतात का? असा प्रश्न आहे. मुर्खासारखं स्टेटमेंट देत राहत असंही ते म्हणाले.

त्याचबरोबर, सकाळी उठलं का एकनाथ शिंदे, दुपारी उठलं का एकनाथ शिंदे, मेळावा असला की एकनाथ शिंदे संध्याकाळी झोपताना एकनाथ शिंदे असं म्हणत त्यांनी राऊतांवरच टीका केली. तसंच, मातोश्री मातोश्री टू नाहीये. मतदार संघामध्ये व्हिडिओ काढला, त्याचा तसा माझा काय दोष नाहीये. माझ्याकडे कुणालाही चिठ्ठी देऊन आतमध्ये बोलावलं जात नाही. कार्यकर्त्यांसाठी आपण आहोत हे शिवसेनाप्रमुखांनी आम्हाला शिकवले. तुम्ही कार्यकर्ता म्हणून नेता म्हणून वागायचा प्रयत्न करू नका. त्याच भूमिकेत आम्ही आजही असतो. व्हिडीओ कोणीतरी काढला जर असेल गेला जरी असेल त्यात गैर काहीच नाहीये असंही ते यावेळी म्हणाले.

https://twitter.com/LetsUppMarathi/status/1943606821945528632

संबंधित बातम्या