Zombie Drug : मिरा-भाईंदरमध्ये “झॉम्बी ड्रग”चा शिरकाव? सार्वजनिक सुरक्षेवर गंभीर प्रश्नचिन्ह

Zombie Drug :  बंगळुरू, बिहार आणि चंदीगडनंतर आता मिरा-भाईंदर शहरातही तथाकथित “झॉम्बी ड्रग” संदर्भातील धक्कादायक प्रकरणे समोर येत

Zombie Drug :  बंगळुरू, बिहार आणि चंदीगडनंतर आता मिरा-भाईंदर शहरातही तथाकथित “झॉम्बी ड्रग” संदर्भातील धक्कादायक प्रकरणे समोर येत असल्याची माहिती मिळत आहे. या पार्श्वभूमीवर शहरातील नागरिकांमध्ये भीतीचे वातावरण निर्माण झाले असून, सार्वजनिक सुरक्षेवर मोठे प्रश्नचिन्ह उपस्थित झाले आहे.

“झॉम्बी ड्रग” म्हणून ओळखल्या जाणाऱ्या या घातक अमली पदार्थाच्या सेवनामुळे व्यक्तीचे वर्तन पूर्णपणे अनियंत्रित होत असल्याचे सांगितले जाते. काही ठिकाणी या ड्रगच्या प्रभावाखाली असलेले लोक विचित्र हालचाली करताना, स्वतःला किंवा इतरांना इजा पोहोचवण्याचा प्रयत्न करताना दिसल्याच्या घटना समोर आल्या आहेत.

मिरा-भाईंदरमध्ये अशा प्रकारच्या घटना दोन ठिकाणी घडल्या आहेत यामध्ये 90 फीट रोड भाईंदर पश्चिम आणि स्वर्गीय बाळासाहेब ठाकरे मैदानाच्या बाजूला विशेषतः हे ड्रग सेवन केलेली व्यक्ती दिसून आली आहे अशा व्हायरल व्हिडिओ समाज माध्यमांवर होत आहे व्हिडिओ वायरल झाल्यानंतर  स्थानिक नागरिक, सामाजिक कार्यकर्ते आणि पालक वर्गाने चिंता व्यक्त केली आहे. विशेषतः युवकांमध्ये या ड्रगचा प्रसार होण्याची शक्यता लक्षात घेता, ही बाब अधिक गंभीर मानली जात आहे.

Maharashtra Weather Alert : सावधान! राज्यात पुढील चार दिवस उष्णतेची लाट; अलर्ट जारी

स्थानिक रहिवाशांनी प्रशासन आणि पोलिसांना तातडीने या प्रकरणाची दखल घेण्याचे आवाहन केले आहे. “या ड्रगचा पुरवठा कुठून होत आहे, कोणत्या नेटवर्कद्वारे तो शहरात पोहोचत आहे याची सखोल चौकशी करून संबंधितांवर कठोर कारवाई करावी,” अशी मागणी नागरिकांकडून होत आहे. दरम्यान, आरोग्य तज्ज्ञांच्या मते अशा प्रकारचे अमली पदार्थ केवळ व्यक्तीच्या मानसिक आणि शारीरिक आरोग्यावर घातक परिणाम करत नाहीत, तर समाजात कायदा-सुव्यवस्थेचा प्रश्नही निर्माण करू शकतात.

निरंकारी मिशन मार्फत कळवा येथे आयोजित शिबिरात 259 युनिट रक्तदान

संबंधित बातम्या