Farmers at Punjab Haryana Border : MSP चा मुद्दा तापला! शेतकऱ्यांची दिल्लीकडे कूच; पोलिसांनी सीमेवरच रोखलं…
- Written By: Amol Bhingardive Published:
Farmers at Punjab Haryana Border : एमएमपी कायद्याचा (MSP) मुद्दा चांगलाच तापल्याचं चित्र सध्या दिसून येत आहे. एमएसपीच्या मुद्द्यासह विविध मागण्यांसाठी आज शेतकऱ्यांकडून लॉंगमार्च मोर्चा (Farmers Protest Punjab-Hariyana) काढण्यात आलायं. यावेळी मोर्चा आज दुपारच्या सुमारास दिल्लीकडे कूच करीत असतानाच हरयाणा पोलिसांनी आंदोलकांना रोखलंय. पंजाब-हरयाणा सीमेवर पोलिसांकडून आंदोलकांवर आधी फुलांचा गोळ्याचा मारा नंतर अश्रूधुराचा मारा करण्यात आल्याचा आरोप आंदोलक शेतकऱ्यांकडून करण्यात आला आहे.
शंभु बॉर्डर मोर्चा
शाम 5:00 बजे। दिनांक 8-12-24शाम ढलते, आज 101 किसानों के जत्थे को वापस बुला लिया गया है।
आज हरियाणा पुलिस और पैरामिलिट्री फोर्सेज के गैस ग्रेनेड, शेल/कार्ट्रिज, ज़हरीली स्प्रे से करीब 10 किसान ज़ख़्मी हुए, जिन्हे हस्पताल ले जाया गया।
अब प्रेस कांफ्रेंस चल… pic.twitter.com/Xqgn00QeYo
— Sangha/ਸੰਘਾ/संघा/سنگھا (@FarmStudioz) December 8, 2024
शेतकऱ्यांच्या विविध मागण्यांसाठी 101 शेतकऱ्यांनी दिल्लीकडे लॉंगमार्च मोर्चा काढला. पंजाबमधून निघालेला हा मोर्चा पंजाब-हरयाणा सीमेवर दाखल होताच पोलिसांनी त्यांचा मार्ग अडवलायं. यावेळी पोलिसांनी त्यांची चौकशी केली असून मोर्चासाठीची परवानगीची विचारपूस पोलिसांकडून केली जात आहे. यावेळी पोलिसांनी आंदोलकांना रोखलं असून त्यांच्याविरोधात भारतीय नागरिक सुरक्षा संहिता बीएनएसएस 163 नूसार नोटीस बजावण्यात आलीयं.
महाराष्ट्र वक्फ बोर्डाचा शेतकऱ्यांच्या 300 एकर जमिनीवर दावा, 103 जणांना पाठवली नोटीस
आंदोलनादरम्यान, शेतकऱ्यांचा उद्रेक शांत करण्यासाठी पोलिसांकडून फुलांच्या गोळ्याचा मारा करण्यात आल्याचं शेतकऱ्यांनी सांगितलंय. या फुलांच्या गोळ्यामध्ये केमिकल मिसळल्याचा आरोप शेतकऱ्यांकडून करण्यात आलायं. यावेळी अनेक शेतकरी जखमी झाल्याचा दावा शेतकऱ्यांकडून करण्यात आलायं.
दरम्यान, पंजाब-हरयाणा सीमेवर शेतकर्‍यांचं आंदोलन पोहोचलं असून सध्या या ठिकाणी शांतता प्रस्थापित करण्यात पोलिसांना यश आलंय. तर पुढील आंदोलनाबाबतची अपडेट पत्रकार परिषदेत शेतकरी नेते सरवन सिंह पंधेर जाहीर करणार असल्याची माहिती मिळत आहे.
