मोठी बातमी! बिहारमध्ये खान सरांना अटक, विद्यार्थ्यांवर लाठीचार्ज

Khan Sir Arrest : बिहारमधून एक मोठी बातमी समोर आली आहे. या बातमीनुसार लोकप्रिय शिक्षक खान सर (Khan Sir) यांना पोलिसांनी अटक केली आहे. त्यांना पोलिसांनी अटक करून पाटण्यातील गार्डनीबाग पोलीस ठाण्यात नेले आहे. माहितीनुसार, बिहार लोकसेवा आयोगाच्या (BPSC) 70 व्या संयुक्त स्पर्धा परीक्षेत सामान्यीकरणाच्या मुद्द्यावरून झालेल्या आंदोलनादरम्यान खान सर यांना अटक करण्यात आली आहे.

खान सर इतर उमेदवारांसोबत गार्डनीबाग परिसरात आंदोलन करत होते. तेव्हा त्यांना अटक करण्यात आली. यावेळी खान सर म्हणाले की, काहीही झाले तरी आयोग आपली भूमिका बदलत नाही तोपर्यंत आम्ही मागे हटणार नाही. आम्ही आमच्या मुलांसाठी लढण्यासाठी आवश्यक तेथे जाऊ.

मिळालेल्या माहितीनुसार, सामान्यीकरणाचा निर्णय रद्द करण्याच्या मागणीसाठी आंदोलन करणाऱ्या उमेदवारांच्या गर्दीवर नियंत्रण ठेवण्यासाठी पोलिसांना लाठीचार्ज करावा लागला. दरम्यान, पोलिसांनी खान सरांना जमावापासून वेगळे करून ताब्यात घेतले. यापूर्वी आंदोलकांनी शहरातील बेली रोडही रोखून धरला होता त्यामुळे आंदोलक उमेदवारांना पांगवण्यासाठी आणि सुव्यवस्था पूर्ववत करण्यासाठी पोलिसांनी लाठीचार्ज केला.

VIDEO | Here’s what educator Khan Sir said after he was detained after he joined BPSC aspirants’ protest over ‘normalisation’ in Patna.

“Whatever happens, we will not back down until the commission reverses its stance. We will go wherever necessary to fight for our children. We… pic.twitter.com/7dyG3U6uRn

— Press Trust of India (@PTI_News) December 6, 2024

बीपीएससी परीक्षेसाठी ‘एक शिफ्ट, एक पेपर’ अशी मागणी करत उमेदवार मोठ्या संख्येने जमले आहेत. आंदोलक उमेदवार 70 व्या बिहार लोकसेवा आयोग नागरी सेवा प्राथमिक परीक्षा मागील वर्षांच्या धर्तीवर आयोजित करण्याची आणि परीक्षा प्रक्रिया सामान्य करण्याची मागणी करत आहेत. आयोगाने निष्पक्षता आणि एकसमानतेसाठी जी परीक्षा प्रक्रिया स्वीकारली आहे, तीच प्रक्रिया आयोगाने स्वीकारावी, अशी त्यांची मागणी आहे.

पाटणा पोलीस काय म्हणाले?

निदर्शनाबाबत बिहारच्या डीएसपी अनु कुमारी म्हणाल्या की, हे प्रदर्शन बेकायदेशीर आहे कारण त्यांच्याकडे यासाठी कोणतीही परवानगी नाही. आम्ही पाच जणांच्या शिष्टमंडळाची नावे शोधत आहोत जे त्यांच्या मागण्या मांडतील.

… म्हणून मी शपथविधीला आलो नाही, शरद पवारांचा मोठा खुलासा

दरम्यान, बीपीएससीचे सचिव सत्य प्रकाश शर्मा म्हणाले की, आयोग सामान्यीकरण पद्धतीने निकाल जाहीर करणार नाही. आयोगाची प्रतिमा डागाळण्यासाठी अफवा पसरवल्या जात आहेत. सध्या या प्रकरणावरून बिहारमध्ये राजकीय वातावरण चांगलंच तापलं आहे.

संबंधित बातम्या