महिंद्राची खास स्ट्रॅटेजी! SML इसुजूत साडेपाचशे कोटींची भागादारी अन् वाहन बाजारातही दावेदारी

Mahindra And Mahindra Acquire SML Isuzu Stake For 555 Crore : वाहन बाजारात दावेदारी करण्यासाठी महिंद्राने खास स्ट्रॅटेजी वापरली आहे. SML इसुजूत साडेपाचशे कोटींची भागादारीचा करार केलाय.महिंद्रा अँड महिंद्राने (Mahindra And Mahindra) SML Isuzu (SML) मधील 58.96 टक्के भाग खरेदी करण्यासाठी करार केलाय. ही घोषणा त्यांनी शनिवारी केली. या कराराची एकूण किंमत 555 कोटी असल्याची माहिती मिळतेय. कंपनीने सांगितले की, हे अधिग्रहण प्रति शेअर 650 रुपये दराने केले जाणार (Commercial Vehicle Expansion) आहे. या निर्णयाचा उद्देश 3.5 टनांपेक्षा जास्त क्षमतेच्या व्यावसायिक वाहन विभागात महिंद्रा अँड महिंद्राची पकड मजबूत करणे आहे, तिथे कंपनीचा सध्या बाजार हिस्सा सुमारे 3 टक्के आहे.

सेबीच्या अधिग्रहण नियमांनुसार, एम अँड एम एसएमएल इसुझूच्या पात्र सार्वजनिक भागधारकांकडून 26% भाग खरेदी करण्यासाठी खुली ऑफर देखील देईल, असे एक्सचेंज फाइलिंगमध्ये म्हटले आहे. या करारानुसार, एम अँड एम सुमितोमो कॉर्पोरेशनकडून अंदाजे 43.96 टक्के आणि इसुझू मोटर्सकडून 15 टक्के हिस्सा खरेदी करणार आहे. हा करार भारतीय स्पर्धा आयोगाच्या नियामक मंजुरींच्या अधीन आहे. तो 2025 च्या आत तो पूर्ण होण्याची अपेक्षा आहे.

पोप फ्रान्सिस यांच्यावर अंत्यसंस्कार; व्हॅटिकन येथे विविध देशांच्या प्रमुखांसह लाखो नागरिकांची उपस्थिती

सध्या 3.5 टनांपेक्षा कमी वजनाच्या हलक्या व्यावसायिक वाहनांच्या बाजारपेठेत महिंद्राचा 52 टक्के वाटा आहे. या करारानंतर कंपनीचे उद्दिष्ट 3.5 टनांपेक्षा जास्त वजनाच्या वाहनांमधील बाजारपेठेतील भागीदारी दुप्पट करून सुरुवातीच्या 6 टक्क्यांपर्यंत पोहोचवण्याचे आहे. कंपनीचे दीर्घकालीन लक्ष्य 2031 पर्यंत 10-12 टक्के आणि आर्थिक वर्ष 2036 पर्यंत 20 टक्क्यांहून अधिक बाजारपेठेतील हिस्सा गाठण्याचे आहे.

1983 मध्ये स्थापन झालेली एसएमएल इसुजू ही ट्रक आणि बस विभागात कार्यरत असलेली एक सूचीबद्ध कंपनी आहे. त्यांचा व्यवसाय संपूर्ण भारतात पसरलेला आहे. आयएलसीव्ही बस विभागात कंपनीचा बाजार हिस्सा सुमारे 16 टक्के आहे. एसएमएल इसुझूने आर्थिक वर्ष 2023-24 मध्ये ₹2,196 कोटींचा ऑपरेटिंग महसूल आणि ₹179 कोटींचा ईबीआयटीडीए नोंदवला होता.

महिंद्रा अँड महिंद्राने म्हटलंय की, एसएमएल इसुझूच्या अधिग्रहणामुळे उत्पादन, खर्च व्यवस्थापन, पुरवठादार नेटवर्क आणि उत्पादन विकास यासारख्या क्षेत्रात ऑपरेशनल सहकार्य मिळेल अशी अपेक्षा आहे. कंपनीने म्हटलंय की, त्यांच्या ट्रक आणि बस विभागाने अलिकडच्या वर्षांत चांगली प्रगती केलीय. आता एसएमएलसोबत एकीकरण केल्याने उत्पादन क्षमतेचा चांगला वापर होण्यास तसेच उत्पादन पोर्टफोलिओ वाढविण्यास मदत होईल.

महिंद्रा ग्रुपचे सीईओ आणि एमडी अनिश शाह म्हणाले की, हे संपादन भविष्यात मजबूत वाढीची क्षमता असलेल्या व्यवसायांवर भांडवल वाटप केंद्रित करण्याच्या ग्रुपच्या धोरणाशी सुसंगत आहे. महिंद्रा अँड महिंद्राच्या ऑटो अँड फार्म सेक्टरचे कार्यकारी संचालक आणि सीईओ राजेश जेजुरीकर म्हणाले की, यामुळे महिंद्राच्या उत्पादन श्रेणीचा विस्तार होण्यास आणि पुरवठादार आणि डीलर नेटवर्क मजबूत होण्यास मदत होईल.

पाकिस्तानात पाणीबाणी! अनेक भागाात पूर, इमर्जन्सी घोषित; पाकिस्तानचे भारतावरच आरोप

एसएमएल इसुझूमध्ये हिस्सा खरेदी करण्यासाठी महिंद्रा अँड महिंद्रा (एम अँड एम) कडून ओपन ऑफरसाठी कोटक इन्व्हेस्टमेंट बँकिंग आर्थिक सल्लागार आणि व्यवस्थापक म्हणून काम करत आहे, तर खेतान अँड कंपनी कायदेशीर सल्लागार म्हणून काम करत आहे. 1945 मध्ये स्थापन झालेला महिंद्रा ग्रुप आज शेती उपकरणे, उपयुक्तता वाहने, आयटी आणि वित्तीय सेवांसह अनेक क्षेत्रांमध्ये कार्यरत आहे आणि जगभरातील 100 हून अधिक देशांमध्ये त्यांची उपस्थिती आहे.

टोकियो स्टॉक एक्सचेंजमध्ये सूचीबद्ध असलेल्या या करारात सहभागी असलेली सुमितोमो कॉर्पोरेशन ही एक एकात्मिक व्यापार आणि व्यवसाय गुंतवणूक कंपनी आहे. हे स्टील, ऑटोमोटिव्ह, बांधकाम, जीवनशैली, खनिज संसाधने, रसायने आणि ऊर्जा यासारख्या क्षेत्रात कार्यरत आहे. महिंद्रा अँड महिंद्राचा हा अधिग्रहणाचा निर्णय भारतातील व्यावसायिक वाहन (सीव्ही) बाजारपेठेत आपले स्थान मजबूत करण्याच्या त्यांच्या धोरणाचा एक भाग आहे. कंपनीला हलके व्यावसायिक वाहने (LCV), इंटरमीडिएट व्यावसायिक वाहने (ILCV) आणि बसेस विभागात आपला वाटा वाढवायचा आहे.

हा करार भारतीय ऑटोमोटिव्ह उद्योगात एक महत्त्वाचा मानला जातोय. त्यासाठी महिंद्राला भारतीय स्पर्धा आयोग आणि सेबीच्या अधिग्रहण नियमांचे पालन करावे लागेल. महिंद्रा ऑटो सेक्टरचे कार्यकारी संचालक राजेश जिजुरीकर आणि महिंद्रा ग्रुपचे सीईओ अनिश शाह यांच्या नेतृत्वाखाली, कंपनी त्यांच्या ट्रक आणि बस सेगमेंटमध्ये आक्रमक विस्ताराची योजना आखत आहे. हे संपादन महिंद्रा ग्रुपच्या ऑटोमोटिव्ह क्षेत्रातील विस्ताराच्या दिशेने आणि भारतीय व्यावसायिक वाहन उद्योगात त्यांची पकड आणखी मजबूत करण्याच्या दिशेने एक महत्त्वाचं पाऊल मानलं जातंय.