आरएसएस शताब्दी कार्यक्रमात भाग घेणाऱ्या अधिकाऱ्यांना निलंबित करा, मुख्यमंत्र्यांना पत्र

Priyank Kharge : देशातील अनेक ठिकाणी आरएसएस शताब्दी सोहळा पार पडला आहे. या सोहळ्यात अनेक सरकारी कर्मचारी सहभागी झाले होते

Priyank Kharge : काही दिवसांपूर्वी देशातील अनेक ठिकाणी आरएसएस शताब्दी सोहळा पार पडला. या सोहळ्यात अनेक सरकारी कर्मचारी सहभागी झाले होते मात्र आता कर्नाटकात मंत्री प्रियांग खरगे यांनी आरएसएस शताब्दी सोहळ्यात सहभागी होणाऱ्या अधिकाऱ्यांवर कारवाई करण्यात यावी या मागणीसाठी मुख्यमंत्री सिद्धरामय्या यांना पत्र लिहिला आहे. या पत्रात त्यांनी राज्याती सर्व सरकारी अधिकाऱ्यांना आणि कर्मचाऱ्यांना कोणत्याही संघटनेचा भाग बनण्यास किंवा त्यांच्या कार्यक्रमांमध्ये सहभागी होण्यास मनाई करण्याची विनंती केली आहे. याच बरोबर या नियमाचे उल्लंघन करणाऱ्यांवर कारवाई करण्यात यावी अशी देखील मागणी या पत्रात प्रियांग खरगे यांनी केली आहे.

या प्रियांग खरगे (Priyank Kharge) म्हणाले की, त्यांच्या विभागातील अनेक अधिकारी आरएसएस (RSS) शताब्दी समारंभात सहभागी होण्यासाठी गेले होते. खरगे यांनी त्या अधिकाऱ्यांना कारणे दाखवा नोटीस बजावली आहेत आणि एक किंवा दोन दिवसांत त्यांना निलंबित केले जाईल. त्यांनी पुढे सांगितले की 2013 मध्ये, जगदीश शेट्टर मुख्यमंत्री असताना, त्यांनी सांगितले होते की सरकारी शाळा आणि महाविद्यालयांमध्ये फक्त अभ्यासक्रमाशी संबंधित क्रियाकलापांना परवानगी असेल.

#WATCH | Bengaluru: Karnataka Minister Priyank Kharge says, “… In my own department, there are a lot of people who have attended the centenary celebrations of RSS… I’ve already issued them show-cause notices, and they’ll be suspended in a day or two… In 2013, when Jagadish… https://t.co/rae9nPTLb8 pic.twitter.com/2ngihnEUnk

— ANI (@ANI) October 16, 2025

नागरी सेवा नियमांचा हवाला देत मंत्री म्हणाले, “हा माझा नियम नाही; हा कर्नाटक नागरी सेवा नियम आहे.” त्यांनी सांगितले की या नियमानुसार, सरकारी अधिकारी कोणत्याही कार्यक्रमात सहभागी होऊ शकत नाहीत किंवा राजकीय कल असलेल्या कोणत्याही संघटनेत सामील होऊ शकत नाहीत. सरकारी कर्मचाऱ्यांनी नियमांच्या आत काम केले पाहिजे.

माध्यमांशी बोलताना प्रियांग खरगे पुढे म्हणाले की, त्यांच्या माहितीत असे आले आहे की अनेक सरकारी वकील (पीडीओ), ग्राम लेखापाल आणि इतर राज्य अधिकारी आरएसएसच्या कार्यक्रमांमध्ये सक्रियपणे सहभागी होत आहेत आणि सरकारविरुद्ध बोलत आहेत. हे रोखण्यासाठी, नागरी सेवा नियमांची अंमलबजावणी करणे आवश्यक आहे. हे नियम नागरी कर्मचाऱ्यांवर नियंत्रण ठेवण्यासाठी एक चौकट आहेत.

सुपरस्टार महेश बाबू उद्या प्रदर्शित करणार ‘जटाधारा’ चा धमाकेदार ट्रेलर

खरगे म्हणाले की त्यांना फक्त एवढेच हवे आहे की हे नियम काटेकोरपणे पाळले जावेत. जर तुम्ही राज्य सरकारी कर्मचारी असाल तर तुम्ही काही नियमांचे पालन केले पाहिजे असं माध्यमांशी बोलताना प्रियांग खरगे म्हणाले.

संबंधित बातम्या