गद्दारी ! युट्यूबर, सुरक्षारक्षक ते टेलर…प्रत्येकाची A टू Z कहाणी

Spies Provided Information to Pakistan Arrested : ऑपरेशन सिंदूरनंतर संपूर्ण देशात समाधानाचे वातावरण असतानाच देशातीलच लोकांनी गद्दारी केलीय. भारतीय लोक पाकिस्तानला संवेदनशील माहिती देत होते. पोलिसांनी हेरगिरीच्या आरोपाखाली 3 राज्यांमधून तब्बल 8 जणांना अटक केलीय. ही हेरगिरी अनेक वर्षांपासून सुरू होती, तीही फक्त काही पैशांसाठी. यापैकी चार आरोपी हरियाणाचे, ती पंजाबचे तर 1 जण उत्तर प्रदेशचा आहे. तो कोण आहेत. ती आपली माहिती कशी पाकिस्तानला पुरवत होते. त्यांना कसे पैसे मिळाले हेच आपण व्हिडिओत पाहुया…

ब्रेकिंग : कर्नल सोफिया कुरेशी विधानप्रकरणी विजय शाहंना दणका; SIT स्थापन करण्याचे SC चे आदेश

ज्योती मल्होत्रा

हरियाणातील हिसार येथे राहणारी ज्योती मल्होत्रा ​​’ट्रॅव्हल विथ जेओ’ नावाचा एक यूट्यूब चॅनल चालवते. ३३ वर्षीय ज्योतीला गेल्या आठवड्यात पोलिसांनी अटक केली. ज्योतीवर भारतीय सैन्याशी संबंधित संवेदनशील माहिती पाकिस्तानला दिल्याचा आरोप आहे. ज्योती पाकिस्तान उच्चायुक्तालयाच्या संपर्कात होती आणि तिने तिनदा पाकिस्तानला भेट दिली होती. तसेच अनेक विदेश दौरे केले होते. याचा सर्व खर्च पाकिस्तानमधून होत होता.

देवेंद्र सिंग ढिल्लन

पटियाला येथील खालसा कॉलेजचा विद्यार्थी देवेंद्र सिंग ढिल्लन याला पोलिसांनी १२ मे रोजी हरियाणातील कैथल येथून अटक केली. २५ वर्षीय देवेंद्र फेसबुकवर पिस्तूल आणि बंदुका घेऊन फोटो पोस्ट करायचा. चौकशीदरम्यान तो गेल्या वर्षी नोव्हेंबरमध्ये पाकिस्तानला गेल्याचं उघड झालं. त्याने आयएसआयला पटियाला लष्करी तळाची गुप्त माहितीही दिली होती.

नोमान इलाही

नोमन इलाही हरियाणामध्ये सुरक्षा रक्षक म्हणून काम करत होता. काही दिवसांपूर्वी पोलिसांनी नोमानला पानिपत येथून अटक केली. समोर आलेल्या माहितीनुसार, २४ वर्षीय नोमान हा पाकिस्तानमधील एका आयएसआय हँडलरच्या संपर्कात होता. नोमान हा उत्तर प्रदेशचा रहिवासी आहे. भारताबद्दल गुप्तचर माहिती देण्याच्या बदल्यात नोमानला पाकिस्तानकडून पैसे मिळत असत.

अरमान

१६ मे रोजी, गुप्तचर माहितीच्या आधारे, पोलिसांनी २३ वर्षीय अरमानला हरियाणातील नूह येथून अटक केली. अलिकडेच निर्माण झालेल्या भारत-पाकिस्तान तणावादरम्यान अरमान पाकिस्तानला गुप्तचर माहिती पाठवत असल्याचं पोलिसांचं म्हणणे आहे. पोलिसांकडं याचे बरेच पुरावे आहेत.

शहजाद

उत्तर प्रदेशातील रामपूर येथे राहणारा शहजाद हा व्यवसायाने व्यापारी आहे. स्पेशल टास्क फोर्सने (एसटीएफ) मुरादाबाद येथून शहजादला अटक केली आहे. शहजादने राष्ट्रीय सुरक्षेशी संबंधित संवेदनशील माहिती आयएसआय हँडलर्सना दिली आहे. शहजादने अनेक वेळा पाकिस्तानलाही भेट दिली आहे. याशिवाय, तो मसाले, कपडे आणि सौंदर्यप्रसाधनांच्या बेकायदेशीर तस्करीमध्येही सहभागी आहे.

मोहम्मद मुर्तझा अली

मोहम्मद मुर्तजा अलीला गुजरात पोलिसांनी जालंधर येथून अटक केली. गुप्तचर यंत्रणांना संशय होता की, मोहम्मद पाकिस्तानी एजन्सी आयएसआयसाठी हेरगिरी करत होता. मोहम्मदने स्वतः एक मोबाईल अॅप तयार केलं होतं ज्याद्वारे तो पाकिस्तानी एजन्सींना गुप्तचर माहिती पाठवत असे. मोहम्मदकडे पोलिसांना ४ मोबाईल फोन आणि ३ सिम कार्ड सापडले आहेत.

पोलिसांनी पंजाबमधून गजाला खातून आणि यामिन मोहम्मद यांना अटक केली आहे. त्याच्यावर पाकिस्तानची गुप्तचर संस्था आयएसआयसाठी हेरगिरी केल्याचाही आरोप आहे. हे दोघेही दिल्लीतील पाकिस्तान हायकमिशनचा अधिकारी दानिशचा संपर्कात होते. गजाला पाकिस्तानलाही गेली होती. तिच्या खात्यात पाकिस्तानमधून पैसे आले होते. त्याचे पुरावेही मिळाले होते.

मोहम्मद रकीब
मोहम्मद रकीबला बठिंडामधून अटक करण्यात आली असून, तो मूळचा उत्तराखंड येथील आहे. रकीबचे आजोबा हे बठिंडा येथे लष्करी जवानांची वर्दी शिवण्याचे काम करत होते. त्यानंतर मोहम्मद रकीब आणि त्याचे भाऊ हेच काम करत आहे. लष्कराची संवेदनशील माहिती पुरविणे हेरगिरी केल्याप्रकरणात आरोपींची यादी वाढतच आहे. त्यामुळे हे सर्वजण देशाचे दुश्मनच ठरले आहेत.