Video : कोणीही गरीब नाही, कोणी दुःखी नाही… पंतप्रधान मोदींनी अयोध्येतून दिले महत्वाचे संदेश

PM Narendra Modi : पंतप्रधान नरेंद्र मोदी यांनी आज आयोध्येत राम मंदिराच्या शिखरावर ध्वजारोहण केले आहे. हा भगवा ध्वज 11 फूट रुंद आणि

PM Narendra Modi : पंतप्रधान नरेंद्र मोदी यांनी आज आयोध्येत राम मंदिराच्या शिखरावर ध्वजारोहण केले आहे. हा भगवा ध्वज 11 फूट रुंद आणि 22 फूट लांबीचा आहे. यानंतर बोलताना पंतप्रधान मोदी यांनी विजय सत्याचाच होतो, असत्याचा होत नाही. राम मंदिरासांठी सहकार्य करणाऱ्या सर्वांचे आभार असं म्हटलं आहे. यावेळी उत्तर प्रदेशचे मुख्यमंत्री योगी आदित्यनाथ, राष्ट्रीय स्वयंसेवक संघाचे प्रमुख मोहन भागवत देखील उपस्थित होते.

यावेळी बोलताना पंतप्रधान मोदी (PM Narendra Modi) यांनी रामचरितमानसातील एक ओळ उद्धृत करत म्हटले की, कोणीही गरीब नाही, कोणीही दु:खी हा संदेश दर्शवितो की विकसित भारताच्या दृष्टिकोनात कोणीही दुःखी किंवा निराधार असू नये. आमचे राम भेदभावांशी नाही तर भावनांशी जोडले जातात. ते मूल्यांना महत्व देतात, वंशाला नाही. ते सत्तेला नाही तर योगायोगाला महत्व देतात. गेल्या 11 वर्षांत महिला, दलित, मासासवर्गीय, अत्यंत मागासवर्गीय, आदिवासी, वंचित, तरुण आणि शेतकरी यासह समाजातील सर्व घटकांना विकासाच्या केँद्रस्थानी ठेवण्यात आले आहे. जेव्हा देशातील प्रत्येक व्यक्ती आणि प्रत्येक क्षेत्र सक्षम होईल तेव्हा देश रामराज्याकडे वाटचाल करेल.

आपण पुढील 1000 वर्षांसाठी (Ayodhya Ram Temple) भारताचा पाया मजबूत केला पाहिजे. जे फक्त वर्तमानाचा विचार करतात ते भावी पिढ्यांवर अन्याय करतात. कारण आपण नसतानाही हा देश अस्तित्वात होता. आपण गेल्यावरही हा देश अस्तित्वात राहील. आपण एक चैतन्यशील समाज आहोत आणि आपण दूरदृष्टीने काम केले पाहिजे.

पुढे बोलताना पंतप्रधान मोदी म्हणाले की, यासाठी आपण भगवान रामांकडून शिकले पाहिजे. आपण त्यांचे व्यक्तिमत्व समजून घेतले पाहिजे आणि त्यांचे वर्तन आत्मसात केले पाहिजे. आपण हे लक्षात ठेवले पाहिजे की राम म्हणजे आदर्श, प्रतिष्ठा आणि धार्मिकतेच्या मार्गावर चालणारी व्यक्ती. राम म्हणजे लोकांच्या हिताचे रक्षण करणारा. राम म्हणजे ज्ञान आणि बुद्धीचे शिखर. राम म्हणजे सौम्यतेत दृढता. हा धर्मध्वज दूरवरून रामलल्लाच्या जन्मभूमीची झलक देईल. तो येणाऱ्या युगांसाठी सर्व मानवजातीला भगवान रामांचे आदर्श आणि प्रेरणा पसरवेल. या अनोख्या प्रसंगी मी सर्वांचे अभिनंदन करतो. राम मंदिराच्या बांधकामात योगदान देणाऱ्या भक्तांनाही मी सलाम करतो. मंदिराच्या बांधकामात योगदान देणाऱ्या सर्व कामगार, योजनाकार आणि इतरांचेही मी अभिनंदन करतो.

ब्रेकिंग : स्था. स्वराज्य संस्थाच्या निवडणुकांबाबत सस्पेंन्स कायम; शुक्रवारी होणार पुढील सुनावणी

शतकानुशतके दुःख संपले : पंतप्रधान मोदी

पंतप्रधान मोदी म्हणाले की, रामध्वज फडकवल्याने शतकानुशतके दुःख संपत आहे. भगवान राम राजकुमार म्हणून अयोध्या सोडून गेले आणि सर्वात सद्गुणी पुरुष म्हणून परतले. त्यांनी गुरु वशिष्ठांची शिकवण आणि आई शबरीची ममता आपल्यासोबत नेली. त्यांना निषादराज यांचेही पाठबळ होते, जे आपल्याला आठवण करून देतात की साधनांपेक्षा ध्येय महत्त्वाचे आहे. आता, समाजात सुसंवादाच्या त्याच भावनेने, पुन्हा एकदा सर्वांच्या विकासासाठी काम केले जाईल. आपण विकसित भारताचे स्वप्न पाहतो असं देखील पंतप्रधान मोदी म्हणाले.

संबंधित बातम्या