भारताच्या SIR ची अमेरिकेत चर्चा; ट्रम्प म्हणतात, मतदार याद्यांची अशीच तपासणी हवी!

SIR in US भारताच्या SIR प्रक्रियेचा दाखला देत डोनाल्ड ट्रम्प यांची अमेरिकेत मतदार पडताळणी अधिक कडक करण्याची मागणी

Trump Seeks India-Like SIR in US : अमेरिकेचे राष्ट्राध्यक्ष डोनाल्ड ट्रम्प गेल्या काही दिवसांपासून भारताच्या निवडणूक व्यवस्थेचे सातत्याने कौतुक करत आहेत. भारतात फोटो असलेल्या मतदार ओळखपत्राचा त्यांनी यापूर्वी उल्लेख केला होता. आता अमेरिकेतही मतदार यादीची अधिक काटेकोरपणे तपासणी आणि पडताळणी करण्याची गरज असल्याचे ते सांगत आहेत. याच पार्श्वभूमीवर अमेरिकेत भारतातील SIR (Special Intensive Revision) प्रक्रियेची चर्चा सुरू झाली आहे.

तुम्ही पालकमंत्री झालात की मुख्यमंत्री…, नाशिक कुंभमेळ्याच्या 35 हजार कोटींच्या निधीवरून पृथ्वीराज चव्हाणांचा प्रहार

ट्रम्प यांची नेमकी चिंता काय?

अमेरिकेतील मतदार याद्यांची अचूकता आणि त्यात गैर- अमेरिकी नागरिकांची नावे असल्याचा मुद्दा ट्रम्प यांनी उपस्थित केला आहे. त्यांच्या दाव्यानुसार, मतदार यादीच्या तपासणीदरम्यान 24 हजारांहून अधिक गैर-अमेरिकी नागरिक मतदार आढळून आले आहेत. गैर-नागरिक मतदार प्रामुख्याने डेमोक्रॅटिक पक्षाला मतदान करतात, असा दावाही ट्रम्प यांनी केला आहे.

राजस्थानमध्ये ‘कॉक्रोज जनता पार्टी’च्या टीमवर हल्ला; आशुतोष रांकांना धक्काबुक्की अन् दगडफेक

अमेरिकेत 3 नोव्हेंबर 2026 रोजी मध्यावधी निवडणुका (Midterm Elections) होणार आहेत. त्यामुळे मतदार याद्यांची पडताळणी आणि मतदान प्रक्रियेची विश्वासार्हता हा मुद्दा सध्या राजकीयदृष्ट्या महत्त्वाचा ठरत आहे.

12.8 कोटी मतदारांच्या नोंदींची तपासणी

ट्रम्प यांनी सोशल मीडिया पोस्टमध्ये दिलेल्या माहितीनुसार, 2020 मधील सुमारे 12.8 कोटी मतदारांच्या नोंदींची नागरिकत्वाच्या नोंदींशी तुलना करण्यात आली. या प्राथमिक तपासणीत 24 हजारांहून अधिक गैर-नागरिक मतदार आढळल्याचा त्यांचा दावा आहे.

मुलगा हवा म्हणून PSI पतीकडून पत्नीचा छळ; जबरदस्ती गर्भपात, जीवे मारण्याचा आरोप

याशिवाय आणखी 3.2 कोटी मतदारांच्या नोंदींची तपासणी केली जाणार असल्याचेही ट्रम्प यांनी म्हटले आहे. या तपासणीनंतर गैर-अमेरिकी नागरिक मतदारांची संख्या आणखी वाढू शकते, असा त्यांचा दावा आहे.

ट्रम्प या मुद्द्याला राष्ट्रीय सुरक्षेशी आणि अमेरिकेच्या हिताशी जोडत आहेत. मतदारांची पात्रता निश्चित करण्यासाठी ‘सेव्ह अमेरिका’ (SAVE America Act) मंजूर करण्याची गरज असल्याचे ते सांगत आहेत. 2020 च्या राष्ट्राध्यक्षीय निवडणुकीबाबतही ट्रम्प यांनी यापूर्वी गैरप्रकार आणि बेकायदेशीर मतदानाचे आरोप केले आहेत.

अमेरिकेत SIRची चर्चा का सुरू झाली?

ट्रम्प यांच्या दाव्यांची सत्यता हा स्वतंत्र विषय असला, तरी अमेरिकेत मतदार याद्यांच्या पडताळणीचा मुद्दा चर्चेत आला आहे. भारतातील SIR प्रक्रियेत मतदारांची माहिती तपासणे, पात्र मतदारांची नोंद कायम ठेवणे आणि अपात्र किंवा चुकीच्या नोंदी दूर करण्यावर भर दिला जातो.

विद्यार्थी आंदोलनातील पोलिसी कारवाईवरून राहुल गांधी आक्रमक; संसद मार्ग पोलीस ठाण्याबाहेर ठिय्या

अमेरिकेतही मतदारांची ओळख, नागरिकत्व आणि मतदार यादीतील नोंदींची अचूकता यावर ट्रम्प यांनी भर दिल्याने भारतातील SIRचा संदर्भ दिला जात आहे. मात्र, अमेरिकेतील प्रस्तावित व्यवस्था आणि भारतातील SIR ही एकच प्रक्रिया नाही, हे लक्षात घेणे महत्त्वाचे आहे.

भारताच्या निवडणूक व्यवस्थेचे ट्रम्प यांनी केले कौतुक

ट्रम्प यांनी भारतातील फोटो असलेल्या मतदार ओळखपत्र प्रणालीचे कौतुक केले आहे. तसेच भारताचे मुख्य निवडणूक आयुक्त ज्ञानेश कुमार यांचा उल्लेख करत भारतातील निवडणूक व्यवस्थेबाबत सकारात्मक भूमिका मांडली आहे.

धक्कादायक! डोंगरावर गेलेल्या मुलाला वाचवताना आई-वडिलांचा मृत्यू, काय घडलं?

अमेरिकेतील मतदान प्रक्रिया अधिक पारदर्शक आणि विश्वासार्ह करण्यासाठी मतदारांची ओळख आणि नागरिकत्वाची कठोर पडताळणी करण्याची गरज असल्याचे ट्रम्प यांचे म्हणणे आहे.

गैर-नागरिक मतदारांबाबत ट्रम्प यांचे दावे

व्हाइट हाऊसकडून प्रसिद्ध करण्यात आलेल्या आकडेवारीचा संदर्भ देत ट्रम्प यांनी विविध देशांत जन्मलेल्या गैर-नागरिक मतदारांच्या नोंदींचा उल्लेख केला आहे. त्यांच्या दाव्यानुसार, मेक्सिकन वंशाचे सुमारे 3,800, कॅनेडियन वंशाचे 950, फिलिपिनो आणि जमैकन वंशाचे 900, जर्मन वंशाचे 700, ब्रिटिश वंशाचे 650, क्युबन वंशाचे 450, व्हिएतनामी आणि हैतीयन वंशाचे प्रत्येकी 400, तर दक्षिण कोरियन वंशाचे सुमारे 350 मतदार आहेत. याशिवाय इतर देशांत जन्मलेले आणखी सुमारे 14,500 मतदार असल्याचाही ट्रम्प यांचा दावा आहे.

सुनेत्रा पवारांना रिमाइंडर नोटीस अन् नाना पटोलेंचा मोठा दावा; ‘राष्ट्रवादीत भाजपचा स्लीपर सेल’!

एकूणच, अमेरिकेतील मतदार यादी अधिक अचूक करणे, गैर-नागरिकांना मतदानापासून रोखणे आणि मतदारांची ओळख व नागरिकत्व तपासणे, या मुद्द्यांवर ट्रम्प आक्रमक भूमिका घेत आहेत. त्यामुळे भारतातील SIR आणि अमेरिकेतील मतदार पडताळणीची तुलना सध्या चर्चेचा विषय बनली आहे.

संबंधित बातम्या