वसुंधरा राजेंचा मुलगा दुष्यंतवर आमदारांना घेरल्याचा आरोप; काय म्हणाले समर्थक आमदार?
- Written By: Amol Bhingardive Published:
Rajsthan CM News : राजस्थानच्या मुख्यमंत्रिपदावरून राजकीय गदारोळ सुरू असतानाच माजी मुख्यमंत्री वसुंधरा राजे (Vasundhara Raje) यांच्या मुलावर गंभीर आरोप करण्यात आले आहेत. वसुंधरा राजे यांचे पुत्र आणि खासदार दुष्यंत सिंह (Dushyant Singh) यांनी आमदारांना घेरण्याचा प्रयत्न केल्याचा गंभीर आरोप करण्यात येत आहे. या संपूर्ण घडामोडींवर वसुंधरा राजे समर्थक आमदारांनी हे चुकीचं आरोप असल्याचं म्हणत फेटाळून लावले आहेत.
राजस्थानमध्ये भाजपची सत्ता आल्यानंतर आता भाजपकडून सत्ता स्थापनेसाठी जोरदार हालचाली सुरु झाल्या आहेत. माजी मुख्यंमत्री वसुंधरा राजे यांना पुन्हा मुख्यमंत्री करण्याच्या हालचाली सुरु असल्याचं बोललं जात आहे. अशातच आता विरोधकांकडून वसुंधरा राजे यांचा मुलगा दुष्यंत यांनी आमदारांना घेरल्याचा आरोप करण्यात येत आहे. त्यावरुन राजस्थानमध्ये भाजप आणि विरोधकांमध्ये जोरदार खडाजंगी सुरु असल्याचं पाहायला मिळत आहे.
कंवरलाल मीणा म्हणाले, किशनगंजचे आमदार ललित मीणा यांचे वडील हेमराज मीणा यांनी केलेले आरोप पूर्णपणे चुकीचे आहेत. आम्ही झालवार-बारण लोकसभा मतदारसंघाचे आमदार आहोत. विजयी झाल्यानंतर आमदार ललित मीणा त्यांच्यासोबत बरण येथील आरएसएस आणि भाजपच्या कार्यालयात गेले. सकाळी ६ वाजता आम्ही सर्वजण आपापल्या घरून कारने जयपूरला आलो. आम्ही सहमतीने हॉटेलमध्ये एकत्र राहिलो, असे आरोप करणे हे चुकीचं असल्याचंही चूक आहे.
PM मोदींची भेट अन् इटलीचा चीनला धक्का : PM जॉर्जिया मेलोनी यांचा मोठा निर्णय
ही घटना मंगळवारी रात्री उशिरा घडल्याचे सांगण्यात येत आहे. कोटा विभागातील ५-६ आमदार सीकर रोडवरील हॉटेलमध्ये थांबले होते. त्यात किशनगंजचे आमदार ललित मीणा यांचाही समावेश होता. विरोधकांच्या बड्या नेत्याच्या सांगण्यावरून आरोप केले जात असल्याचा संशय असल्याचंही ते म्हणाले आहेत.
दरम्यान, ललित मीणा यांचे वडील आणि माजी आमदार हेमराज मीणा यांच्याशी फोनवर बोलले असता त्यांनी संपूर्ण घटना सांगितली. यानंतर हेमराज मीना काही लोकांसह हॉटेलमध्ये पोहोचला आणि तेथून ललित मीनाला घेऊन आला.
मोदी सरकार मोठा निर्णय घेण्याच्या तयारीत, सभागृहात उपस्थित राहण्यासाठी खासदारांना व्हिप जारी
हेमराज म्हणाले की, हे ऐकून मी बराणहून जयपूरला आलो आणि काही लोकांसह हॉटेलमध्ये पोहोचलो. तसेच आमदार कावर लाल म्हणाले, ललितला दुष्यंत सिंह यांच्या सांगण्यावरून थांबवण्यात आले आहे. घ्यायचे असेल तर दुष्यंत सिंग यांच्याशी बोला. फोन करूनही त्यांनी फोन उचलला नाही. अशा परिस्थितीत आम्ही ललितसोबत निघायला लागलो तेव्हा वाद सुरू झाला. मात्र, नंतर त्यांनी ललितला आणले.
संपूर्ण घटनेवेळी प्रदेशाध्यक्ष सीपी जोशी आणि पक्षाचे अनेक नेते उपस्थित होते, असा दावाही हेमराज मीणा यांनी केला. मात्र, सीपी जोशी यांनी हे वृत्त चुकीचे असल्याचे म्हटले आहे. तसेच असे काही नाही. सर्व आमदार आपापल्या भागात देव दर्शन आणि जनतेच्या भेटीगाठी घेत आहेत. लवकरच विधिमंडळ पक्षाची बैठक होणार असून पुढील कार्यक्रम होणार आहेत.
Tags
संबंधित बातम्या
Uddhav Thackeray : ‘इंडिया’चा चेहरा शरद पवार? पत्रकाराच्या गुगलीवर ठाकरेंचं ‘सेफ’ उत्तर
