Amit Shah : विरोधकांवर हल्लाबोल, आज संसदेत उत्तर देणार गृहमंत्री अमित शाह?

Amit Shah : संसदेच्या  पावसाळी अधिवेशन सुरु असून राम मंदिर देगणी चोरी प्रकरणात, नीट पेपर फुटी प्रकरणात संसदेत पंतप्रधान मोदी आणि केंद्रीय

Amit Shah : संसदेच्या  पावसाळी अधिवेशन सुरु असून राम मंदिर देगणी चोरी प्रकरणात, नीट पेपर फुटी प्रकरणात संसदेत पंतप्रधान मोदी आणि केंद्रीय गृहमंत्री अमित शाह यांनी उत्तर द्यावे अशी मागणी विरोधक करत आहे. मात्र आतापर्यंत अमित शाह आणि पंतप्रधान मोदी संसदेत न आल्याने विरोधक सरकारवर हल्लाबोल करत आहे. तर आज विरोधकांच्या आरोपांवर केंद्रीय गृहमंत्री अमित शाह सविस्तर उत्तर देण्याची शक्यता आहे. सध्या समोर आलेल्या माहितीनुसार, सरकार ‘परदेशी योगदान (नियमन) कायदा’ (FCRA) मधील प्रस्तावित सुधारणांबाबत आपली भूमिका स्पष्ट करण्याची तयारी करत आहे. विरोधक या विधेयकाबाबत सातत्याने प्रश्न उपस्थित करत आहेत आणि त्यावर सविस्तर चर्चेची मागणी करत आहेत. अमित शाह यांचे उत्तर केवळ विधेयकापुरते मर्यादित राहण्याची शक्यता कमी आहे. ते विरोधकांनी केलेल्या राजकीय आरोपांनाही संबोधित करू शकतात.

विरोधकांचे आरोप काय?

मतदारसंघांच्या पुनर्रचनेचा (डिलिमिटेशन) मुद्दाही संसद आणि संसदेबाहेर चर्चेचा मुख्य विषय बनला आहे. या विषयावर सरकार पुरेसा संवाद साधत नसल्याचा आरोप विरोधी पक्ष करत आहेत, तर केंद्र सरकारचे म्हणणे आहे की घटनात्मक प्रक्रियेनुसार सर्व आवश्यक बाबींचा विचार केला जाईल. मात्र, पुनर्रचना आणि महिला आरक्षणाबाबतच्या विशेष अधिवेशनाविषयीच्या चर्चा सरकारतर्फे फेटाळून लावण्यात आल्या आहेत.

किरेन रिजिजू आणि राहुल गांधी भेट

बुधवारी संसदीय कामकाज मंत्री किरेन रिजिजू आणि लोकसभेतील विरोधी पक्षनेते राहुल गांधी (Rahul Gandhi) यांच्यात भेट झाली. संसदेतील सुरू असलेला गतिरोध दूर करणे हा या भेटीचा उद्देश होता, परंतु दोन्ही बाजू आपापल्या भूमिकेवर ठाम राहिल्या. त्यानंतर, विरोधकांच्या प्रश्नांना थेट सभागृहातच उत्तर देण्याच्या रणनीतीसह सरकार पुढे जाण्याची शक्यता असल्याचे संकेत मिळाले.

अमित शाह सभागृहात बोलणार 

सूत्रांनी दिलेल्या माहितीनुसार, विरोधी पक्षनेते राहुल गांधी यांच्यासोबतच्या बैठकीत संसदीय कामकाज मंत्री किरेन रिजिजू यांनी अशी सूचना केली की, एफसीआरए (FCRA) सुधारणा विधेयकावरील चर्चेदरम्यान गृहमंत्री अमित शाह (Amit Shah) सभागृहात भाषण करू शकतात. या भाषणादरम्यान शाह विरोधकांच्या आरोपांनाही उत्तर देतील अशी अपेक्षा आहे. पावसाळी अधिवेशनादरम्यान दोन्ही सभागृहांमध्ये त्यांची अनुपस्थिती असल्याचा मुद्दा विरोधकांनी सातत्याने उपस्थित केला आहे. तसेच, जंतरमंतर येथील आंदोलकांवरील कथित पोलीस कारवाईबाबत गृहमंत्र्यांनी स्पष्ट निवेदन द्यावे, अशी मागणीही ते करत आहेत.

FCRA सुधारणा विधेयकाचा उद्देश काय ?

FCRA सुधारणा विधेयकाचा उद्देश परदेशी निधीबाबतचे नियम अधिक कडक करणे, आर्थिक पारदर्शकता सुनिश्चित करणे आणि राष्ट्रीय सुरक्षेचे निकष बळकट करणे हा आहे. प्रस्तावित तरतुदींनुसार, स्वयंसेवी संस्था (NGOs) आणि इतर संस्थांसाठी नोंदणी, लेखापरीक्षण (ऑडिट), आर्थिक अहवाल आणि मालमत्ता व्यवस्थापन यांबाबतचे नियम अधिक कठोर होणार आहेत.

पुणे, सातारासह ‘या’ जिल्ह्यात आज मुसळधार पाऊस; जाणून घ्या हवामान अंदाज-

विरोधक संसदेत इतर अनेक मुद्द्यांवरही गृहमंत्री अमित शाह यांच्याकडून निवेदनाची मागणी करत आहेत. या मागणीवरून दोन्ही सभागृहांचे कामकाज वारंवार विस्कळीत होत आहे. तरीही, पावसाळी अधिवेशनादरम्यानच FCRA सुधारणा विधेयक पुढे नेण्याचा सरकारचा मानस आहे.

संबंधित बातम्या