छावा संघटनेच्या विजयकुमार घाडगे यांना मारहाण, लातूर बंद; सूरज चव्हाण यांचा माफीनामा

Suraj Chavan Apologize After Attack On Vijay Ghadge : लातूरमध्ये (Latur) राष्ट्रवादी काँग्रेसचे प्रदेशाध्यक्ष सुनील तटकरे यांच्या (Sunil Tatkare) पत्रकार परिषदेदरम्यान मोठा गोंधळ झाला. छावा संघटनेच्या (Vijay Ghadge) पदाधिकाऱ्यांनी कृषीमंत्री माणिकराव कोकाटे (Manikrao Kokate) यांच्या राजीनाम्याची मागणी करत पत्रकार परिषदेत थेट प्रवेश केला. त्यांनी हातात पत्ते घेत, विधानभवन हे शेतकऱ्यांच्या समस्या मांडण्याचे ठिकाण आहे, तिथे रमी खेळणाऱ्या मंत्र्यांना पदावर राहण्याचा अधिकार नाही, अशी घोषणाबाजी करत तटकरे यांच्या समोरच पत्ते फेकून निषेध नोंदवला.

संसदेचे पावसाळी अधिवेशन आजपासून सुरू; वाद, आरोप-प्रत्यारोपांचा पाऊस; पहलगाम हल्ल्यापासून ‘या’ मुद्द्यांवर गोंधळ होणार

ही घटना रविवारी लातूरमध्ये घडली. राष्ट्रवादी काँग्रेसच्या अजित पवार गटाचे युवा नेते सूरज चव्हाण (Suraj Chavan) आणि त्यांच्या कार्यकर्त्यांकडून विजय घाडगे यांना कथितरित्या बेदम मारहाण करण्यात आली होती. त्यानंतर छावा संघटना आक्रमक झाली. या घटनेविरोधात जोरदार निदर्शने होऊ लागली आहेत. याप्रकरणी आता सूरज चव्हाण यांनी दिलगिरी व्यक्त केली आहे.

सूरज चव्हाण यांचा माफीनामा

लातूर शहरामध्ये काल छावा संघटनेचे (Chhava Sanghatana) कार्यकर्ते अन् राष्ट्रवादी काँग्रेसच्या पदाधिकाऱ्यांमध्ये थोडासा वाद निर्माण झाला. काही असंविधानिक शब्द वापरल्यामुळे काही राष्ट्रवादी कॉंग्रेस पक्षाचे पदाधिकारी माझ्यासह त्यांचा राग अनावर झाला होता. शेतकऱ्यांच्या प्रश्नावर आवाज उठवला म्हणून विजय घाडगे पाटलांना आम्ही मारहाण केली, अशा चर्चा सुरू आहेत. मी स्वत: शेतकऱ्याचा मुलगा आहे. कोणी शेतकऱ्याच्या प्रश्नावर आवाज उठवला, तर त्याच्या पाठीशी उभं राहणे, मी माझं कर्तव्य समजतो. त्या ठिकाणी आमच्या नेतृत्वाबद्दल असंविधानिक शब्द वापरला. त्यामुळे आमच्याकडून तशा पद्धतीची कृती झाली. मी त्याबद्दल दिलगिरी व्यक्त करतो. लवकरच या प्रकरणाबद्दल मी विजय घाटगे पाटलांची भेट घेवून त्यांच्या मनात निर्माण झालेले गैरसमज दूर करेन.

छावा पदाधिकाऱ्याला अजित पवार गटाच्या सुरज चव्हाणकडून मारहाण; तटकरेंची प्रतिक्रिया काय?

विजय घाडगे यांना मारहाण

छावा संघटनेचे प्रदेशाध्यक्ष विजयकुमार घाडगे यांच्यावर राष्ट्रवादी काँग्रेसच्या कार्यकर्त्यांकडून झालेल्या मारहाणीच्या निषेधार्थ आज (सोमवार) लातूर शहर बंद ठेवण्यात आला आहे. या बंदमध्ये विविध राजकीय पक्षांचे नेते तसेच विविध संघटनांनीही पाठिंबा दर्शवत सहभाग नोंदवला आहे. मारहाणीदरम्यान विजयकुमार घाडगे यांच्या चेहऱ्यावर, छातीत आणि पोटात गंभीर दुखापत झाल्याने त्यांना तात्काळ लातूर येथील अपोलो रुग्णालयात दाखल करण्यात आले. सध्या त्यांच्यावर वैद्यकीय उपचार सुरू असून प्रकृती स्थिर आहे, अशी माहिती संघटनेकडून देण्यात आली.

या निषेधानंतर वातावरण चिघळले. राष्ट्रवादी काँग्रेसच्या कार्यकर्त्यांनी छावा संघटनेच्या कार्यकर्त्यांवर हात उगारल्याचा आरोप आहे. यामध्ये विजय घाडगे यांना कोपराने आणि बुक्क्यांनी मारहाण केल्याचे सांगण्यात येते. लातूर पोलिसांनी वेळीच हस्तक्षेप करत वाद शांत केला, मात्र तोपर्यंत या घटनेचे व्हिडिओ सोशल मीडियावर मोठ्या प्रमाणात व्हायरल झाले होते.

संबंधित बातम्या