प्रफुल्ल पटेलांनी शरद पवारांचे नगरसेवक आपल्याकडे वळवले; शरद पवारांची राष्ट्रवादी बॅकफुटवर!

Praful Patel Mohadi Political Defection; शरद पवारांच्या तीन नगरसेवकांनी शेकडो कार्यकर्त्यांसह अजित पवार गटात प्रवेश केला.

Praful Patel Mohadi Political Defection: राष्ट्रवादी काँग्रेस शरदचंद्र पवार पक्षाला भंडारा जिल्ह्यातील मोहाडी शहरात राजकीय धक्का बसला आहे. पक्षातील तीन नगरसेवकांनी शेकडो कार्यकर्त्यांसह राष्ट्रवादी काँग्रेसच्या अजित पवार गटात (Ajit Pawar) प्रवेश केला. खासदार प्रफुल्ल पटेल (Praful Patel) यांच्या उपस्थितीत गोंदिया येथे हा पक्षप्रवेश सोहळा पार पडला. या घडामोडीमुळे मोहाडीच्या स्थानिक राजकारणात शरद पवार (Sharad Pawar) गटाची राजकीय ताकद कमी झाल्याची चर्चा सुरू झाली आहे.

सांगली जिल्हा बँक निवडणुकीत गोपीचंद पडळकरांना मोठा दिलासा; सर्वोच्च न्यायालयाने उमेदवारी अर्ज वैध ठरवला

प्रफुल्ल पटेल यांच्या उपस्थितीत पक्षप्रवेश

गोंदिया येथे झालेल्या या कार्यक्रमात तीन नगरसेवकांसह शेकडो कार्यकर्त्यांनी अजित पवार गटात प्रवेश केला. यावेळी खासदार प्रफुल्ल पटेल यांनी नव्याने पक्षात आलेल्या नगरसेवक आणि कार्यकर्त्यांना मार्गदर्शन केले. आपापसातील मतभेद बाजूला ठेवून संघटना मजबूत करण्यासाठी सर्वांनी एकत्र काम करावे, असे आवाहन त्यांनी केले.

राजकीय ताकद वाढवण्यासाठी कार्यकर्त्यांमध्ये एकजूट असणे महत्त्वाचे आहे. संघटना मजबूत करण्यासाठी सर्वांनी एकत्रितपणे प्रयत्न करावेत, असे पटेल यांनी सांगितले.

मोहाडीच्या राजकारणात नव्या चर्चांना सुरुवात

मोहाडी शहरातील तीन नगरसेवकांनी पक्ष सोडल्याने शरद पवार गटासमोर स्थानिक पातळीवर संघटना टिकवण्याचे आव्हान निर्माण झाले आहे. या पक्षप्रवेशाची चर्चा मोहाडी शहरासह भंडारा आणि गोंदिया जिल्ह्यांतील राजकीय वर्तुळात सुरू आहे.

अखेर न्याय मिळाला; मालेगावच्या बालिकेवरील अत्याचार-हत्या प्रकरणात विजय खैरनारला फाशी!

दरम्यान, या पक्षप्रवेशामुळे स्थानिक राजकारणात अजित पवार गटाची ताकद वाढण्याची शक्यता व्यक्त केली जात आहे. आगामी काळात शरद पवार गट या घडामोडींना कसे उत्तर देतो आणि संघटना मजबूत करण्यासाठी काय पावले उचलतो, याकडे राजकीय वर्तुळाचे लक्ष लागले आहे.

संबंधित बातम्या