कोथरुडमध्ये पुन्हा महायुतीच; रिक्षातून प्रवास करुन चंद्रकांतदादांनी लक्ष वेधलं…

Chandrkant Patil News : कोथरूड विधानसभा मतदारसंघातील (Kothrud Assembly Constituency) भाजपा महायुतीचे उमेदवार चंद्रकांतदादा पाटील यांच्या प्रचारार्थ प्रभाग क्रमांक 11 मध्ये बाईक रॅलीचे आयोजन करण्यात आले होते. यावेळी यंदाही गुलाल उधळण्याचा निर्धार भाजपच्या कार्यकर्त्यांनी व्यक्त केलायं. या रॅलीमध्ये असंख्य तरुण मोठ्या उत्साहाने सहभागी झाले होते. विशेष म्हणजे प्रचारादरम्यान, चंद्रकांत पाटील यांनी रिक्षातून प्रवास केल्याने सर्वांचंच लक्ष वेधून घेतलं. यावेळी सोसायटीचे ज्येष्ठ नागरिक आणि गणेशोत्सव मंडळांकडून भव्य स्वागत करुन शुभेच्छा देण्यात आल्या आहेत.

आरोग्यसेवा ते स्पोर्ट्स कॉम्प्लेक्स.. संग्राम जगतापांच्या कल्पकतेनं बदलंतय नगरचं रुप..

विधानसभा निवडणुकीला चांगलाच रंग चढत आहे. घरोघरी जाऊन मतदारांच्या भेटीगाठी, रोड शो, पदयात्रा यामुळे सगळीकडे निवडणूकमय वातावरण निर्माण झालंय. कोथरूड विधानसभा मतदारसंघात महायुतीचे उमेदवार चंद्रकांतदादा पाटील प्रचारात अग्रेसर असल्याचे पाहायला मिळतंय. चंद्रकांतदादा पाटील यांच्याकडून मतदारांच्या गाठीभेटींसह बाईक रॅलीद्वारे रोड शोद्वारे नागरिकांच्या भेटीगाठी घेत आहेत. या सर्व उपक्रमांना कोथरुडकरांकडून उत्स्फूर्त प्रतिसाद मिळत आहे.

“..अन् आता तेच मला रिटायर करायला निघालेत”; दाखला देत अजितदादांचं शरद पवारांना उत्तर

सोमवारी संध्याकाळी कोथरुडमधील प्रभाग क्रमांक 11 मध्ये बाईक रॅलीचे आयोजन करण्यात आले होते. वनाझ येथील किनारा हॉटेल चौकातून रॅलीला सुरुवात झाली. यावेळी ठिकठिकाणी फटाक्यांची आतषबाजी, ढोलताशांचा निनाद , पुष्पवृष्टीने रॅलीचे स्वागत करण्यात आले. अनेक ठिकाणी महिलांकडून औक्षण करुन चंद्रकांतदादा पाटील यांना विजयासाठी शुभेच्छा दिल्या आहेत. दिव्यांग बांधवांकडूनही चंद्रकांतदादा पाटील यांचे स्वागत करण्यात आलंय.

शेवगावची जनता दडपशाहीला थारा देणार नाही, आमदार मोनिका राजळे कडाडल्या…

यावेळी केंद्रीय मंत्री मुरलीधर मोहोळ, दिपकभाऊ मानकर, हर्षवर्धन मानकर, करण मानकर, मंदार जोशी, बाळासाहेब खंकाळ, भाजपा पुणे शहर सरचिटणीस पुनीत जोशी, भाजपा कोथरुड दक्षिण मंडल अध्यक्ष डॉ संदीप बुटाला, नगरसेविका छाया मारणे, भाजपाचे प्रभाग ११ चे अध्यक्ष आशुतोष वैशंपायन, अभिजीत राऊत, स्वाती मोहोळ, सुरेखा जगताप, दिनेश माझिरे, दत्ताभाऊ भगत, नाना कुंबरे, दिलीप उंबरकर यांच्या सह भाजप महायुतीचे सर्व पदाधिकारी मोठ्या संख्येने उपस्थित होते.

संबंधित बातम्या