जमीन मोजणीसाठी लाच न दिल्याने मालमत्तेचे नुकसान; पुण्यातील भूमी अभिलेख अधिकाऱ्यांचा प्रताप

Pune land records officer damaged to Property due to businessman not paying bribe for land survey : सरकारी अधिकाऱ्यांकडून सर्व सामान्यांसह अनेकांना लाच मागितल्याचा प्रकार अनेकदा समोर येत असतो. मात्र पुण्यामध्ये भूमि अभिलेख अधिकाऱ्यांनी याचा कळस केला आहे. कारण त्यांनी लाचेची मागणी केली असता. ती मागणी पुर्ण न झाल्याने थेट संबंधित व्यवसायिकाच्या मालमत्तेचे नुकसान केले आहे. काय आहे हा नेमका प्रकार पाहूयात…

काय आहे हा नेमका प्रकार?

पुणे येथील हडपसरमध्ये फिर्यादी कुणाल चंद्रशेखर अष्टेकर यांनी सर्वे नं. 181/3, 181/4अ, 181/6 व 181/9/1 या जागेची 2023 व 2024 मध्ये भुमीअभिलेख कार्यालय, हवेली, पुणे यांचेकडुन शासकीय फी भरुन कायदेशीर रितसर पद्धतीने मोजणी करुन घेतली होती. परंतु या जागेच्या मोजणीनंतर हद्द निश्चिती करण्यासाठी जुन 2024 रोजी भुमी अभिलेख उपअधीक्षक अमरसिंह पाटील व भुकरमापक किरण येटाळे यांनी अष्टेकर यांच्याकडे 50 लाख रुपयांची मागणी केली. त्यानंतर किरण येटाळे याने सदर रकमेमध्ये सवलत देतो असे सांगुन 25 लाख रुपयांची मागणी केली होती. मात्र आष्टेकर यांनी ही रक्कम देण्यास नकार दिला.

2019 नंतर पहिल्यादांच सौदी अरेबीयाच्या दौऱ्यावर जाणार PM मोदी, नेमकं कारण काय?

त्यावर आष्टेकर यांनी ही रक्कम दिली नाही. तर अमरसिंह पाटील, हे हेलीकॉप्टर शॉट लावतील असे बोलुन मालमत्तेचे नुकसान करण्याची धमकी भुकरमापक किरण येटाळे यांनी दिली. तसेच आष्टेकर यांच्यावर पैसे देण्यासाठी दबाव टाकला. तसेच ज्यावेळी आष्टेकर हे अमरसिंग पाटील यांनी मागितलेली रक्कम दिली नाही. तेव्हा ते शासकीय नोकर असुन देखील त्यांनी फिर्यादीचे नुकसान करण्यासाठी त्यांनी आष्टेकर यांच्या शेजारच्याची चुकीची ‘क’ प्रत तयार करुन मोठे नुकसान केले. मात्र या सर्व प्रकारानंतर फिर्यादी आष्टेकर यांनी पोलिसांमध्ये धाव घेतली आहे.

शबाना आझमी यांचा लग्नाबाबत खळबळजनक खुलासा; म्हणाल्या, तो खूप शहाणपणाचा निर्णय होता

याबाबत पुण्यातील येरवडा पोलीस स्टेशनमध्ये गुन्हा दाखल करण्यात आला आहे. मात्र अद्याप या अधिकाऱ्यांना पोलिसांनी ताब्यात घेतलेले नाही. या प्रकरणी सहा. पोलीस निरीक्षक, आर्थिक गुन्हे शाखा सुहास पाटील यांनी हा गुन्हा नोंदवून घेतला आहे. तर या प्रकरणाचा संपूर्ण तपास हा सहा पो आयुक्त आर्थिक व सायबर गुन्हे पुणे शहर मच्छींद्र खाडे हे करणार आहेत. त्यामुळे या व्यावसायिकाला न्याय कधी मिळणार हे पाहणे औत्सुक्याचे ठरणार आहे.

संबंधित बातम्या