क्रिकेटच्या बॉलवर अंगठी ठेवत चेन्नईच्या तुषार देशपांडेचा अनोख्या पद्धतीने साखरपुडा
- Written By: letsupteam Published:
Tushar Deshpande : आयपीएल 2023 मध्ये चेन्नई सुपर किंग्जसाठी शानदार गोलंदाजी करणाऱ्या तुषार देशपांडेने एंगेजमेंट केली आहे. तुषारचे नभा गडमवारशी लग्न झाले आहे. नभा आणि तुषार हे बालपणीचे मित्र आहेत. तुषारला शाळेच्या दिवसांपासूनच नभा आवडायची. एंगेजमेंटनंतर त्याने स्वतः फोटो शेअर करून याबाबत माहिती दिली. कसोटी क्रिकेटमध्ये वापरण्यात येणारा लाल चामड्याचा चेंडू तुषारच्या एंगेजमेंटमध्ये ठेवण्यात आला होता. या दोन्ही अंगठ्या बॉलवर ठेवून तुषार आणि नभाने फोटो क्लिक केला. यानंतर दोघांनी एकमेकांना अंगठी घातली.
चेन्नईचा अष्टपैलू शिवम दुबे आणि त्याची पत्नी अंजुम खानही तुषार देशपांडेच्या एंगेजमेंटला हजर होते. क्रिकेटपटू ध्रुमिल हा देखील एंगेजमेंट सोहळ्याचा एक भाग बनला होता. अंजुमने या एंगेजमेंटचे फोटोही सोशल मीडियावर शेअर केले आहेत. शिवम दुबे आणि तुषार खूप चांगले मित्र आहेत. यंदा चेन्नईला विजय मिळवून देण्यात दोघांचाही मोलाचा वाटा आहे. तुषार देशपांडे हा आयपीएलच्या इतिहासातील पहिला प्रभावशाली खेळाडू ठरला आहे. दुसरीकडे, शिवम दुबेने बहुतेक सामन्यांमध्ये प्रभावशाली खेळाडू म्हणून आश्चर्यकारक कामगिरी केली आहे.
तुझं नांव ‘सागर’ पण तू तर फुटकं ड्रेनेज, किरण मानेंना ट्रोल करणारा ‘सागर बर्वे’ जेरबंद…
सध्या क्रिकेट जगतात लग्नसराईचा हंगाम सुरू आहे. काही दिवसांपूर्वी तुषारचा सहकारी ऋतुराज गायकवाड याने उत्कर्षा पवारसोबत लग्न केले. यानंतर वेगवान गोलंदाज प्रसिद्ध कृष्णानेही लग्न केले. आता तुषार देशपांडेचीही एंगेजमेंट झाली आहे. भारताव्यतिरिक्त बांगलादेशच्या हसन महमूदनेही लग्नगाठ बांधली आहे.
View this post on Instagram
Disha Patani Birthday: अवघे ५०० रुपये घेऊन मुंबईत आली अन् कोट्यवधींची मालकीण झाली!
तुषार देशपांडे आयपीएल 2023 मध्ये चेन्नई सुपर किंग्जसाठी चांगल्या फॉर्ममध्ये आहे. त्याने 16 सामन्यात 21 विकेट घेतल्या. तो त्याच्या संघासाठी सर्वाधिक बळी घेणारा गोलंदाज होता. यासोबतच तो स्पर्धेत विकेट घेण्याच्या बाबतीत सहाव्या क्रमांकावर राहिला. आयपीएलमध्ये एकूण 23 सामने खेळलेल्या तुषारने या मोसमातच चमकदार कामगिरी केली आहे. याआधी तो एकूण सात आयपीएल सामने खेळला होता आणि त्याला फक्त चार विकेट घेता आल्या होत्या. या मोसमातील त्याच्या चमकदार कामगिरीनंतर त्याच्या भारतीय संघात स्थान मिळण्याची शक्यताही वाढली आहे.