Hockey Men’s World Cup 2023: टीम इंडियाने दक्षिण आफ्रिकेचा केला पराभव
- Written By: prashant letsupp Published:
राउरकेला : हॉकी विश्वचषक 2023 (Hockey Men’s World Cup) मध्ये राउरकेला येथे झालेल्या सामन्यात भारताने दक्षिण आफ्रिकेचा (india vs south africa) पराभव केला. या सामन्यात टीम इंडियाने 5-2 असा विजय मिळवला.
या विजयासह भारताने आपले 9वे स्थान निश्चित केले आहे. संघाकडून सुखजित सिंग, आकाशदीप सिंग, समशेर सिंग आणि अभिषेक यांनी प्रत्येकी एक मैदानी गोल केला.
तर हरमनप्रीत सिंगला पेनल्टी कॉर्नर मिळाला. या सामन्यासाठी अभिषेकची ‘प्लेअर ऑफ द मॅच’ म्हणून निवड करण्यात आली.
या सामन्याच्या पहिल्या क्वार्टरपासूनच टीम इंडियाने दडपण निर्माण करण्यास सुरुवात केली होती. चौथ्या मिनिटाला अभिषेकने भारतासाठी पहिला गोल केला. यानंतर 11व्या मिनिटाला हरमनप्रीत सिंगने पेनल्टी कॉर्नरवर गोल केला.
अशाप्रकारे भारताने पहिल्या क्वार्टरच्या अखेरपर्यंत आघाडी कायम ठेवली. यानंतर दुसऱ्या क्वार्टरमध्ये एकही गोल झाला नाही. मात्र, यावेळी दोन्ही संघांनी गोलसाठी प्रयत्न सुरूच ठेवले.
टीम इंडियासाठी तिसऱ्या क्वार्टरमध्ये समशेर सिंगने गोल केला. चौथ्या क्वार्टरमध्ये भारताकडून आकाशदीप आणि सुखजित सिंग यांनी प्रत्येकी एक मैदानी गोल केला. अशा प्रकारे टीम इंडियाने एकूण पाच गोल केले.
त्याचवेळी दक्षिण आफ्रिकेकडून पहिला गोल ४८व्या मिनिटाला आणि दुसरा गोल 59व्या मिनिटाला झाला. आफ्रिकेचा संघ जिंकू शकला नसला तरी. भारताने त्याचा 5-2 असा पराभव केला.
या विजयासह टीम इंडियाने टॉप 10 मध्ये आपले स्थान पक्के केले आहे. भारताने यापूर्वी जपानला वाईटरित्या पायदळी तुडवले होते. भारताने 8-0 असा विजय मिळवला होता.
