चॅम्पियन्स ट्रॉफीतही इंग्लंडचे गणित बिघडले; विश्वचषकातील खराब प्रदर्शन भोवले

ICC Champions Trophy 2025: यंदाच्या विश्वचषक स्पर्धेत गतविजेत्या इंग्लंडची अवस्था वाईट आहे. जोस बटलरच्या नेतृत्वाखालील संघ उपांत्य फेरीच्या शर्यतीतून जवळपास बाहेर पडला आहे. 2025 मध्ये पाकिस्तानमध्ये होणाऱ्या चॅम्पियन्स ट्रॉफीसाठी पात्र ठरू शकेल का, असाही प्रश्न उपस्थित होत आहे. चॅम्पियन्स ट्रॉफीच्या पात्रतेबद्दल बोलायचे तर यजमान असल्यामुळे पाकिस्तान संघाला आपोआप पात्रता मिळाली आहे.

उर्वरित 7 संघांची निवड विश्वचषकाच्या पॉइंट टेबलच्या आधारे केली जाईल. चॅम्पियन्स ट्रॉफीच्या फॉरमॅटबद्दल बोलायचे झाले तर 8 संघांची 2 गटात विभागणी केली जाईल. दोन्ही संघातील टॉप-2 संघ उपांत्य फेरीत पोहोचतील. दोन्ही उपांत्य फेरीतील विजयी संघांमध्ये अंतिम सामना खेळवला जाईल.

चॅम्पियन्स ट्रॉफीसाठी इंग्लंडचा संघ पात्र ठरेल का?
विश्वचषकाच्या उपांत्य फेरीत पात्र होण्याची इंग्लंडची शक्यता जवळपास संपली आहे, परंतु इंग्लंडला 2025 चॅम्पियन्स ट्रॉफीमध्ये स्थान मिळवण्याची संधी आहे. इंग्लंडने त्यांच्या पुढील तीन सामन्यांमध्ये ऑस्ट्रेलिया, नेदरलँड्स आणि पाकिस्तानला पराभूत केल्यास विश्वचषकात त्यांचे आठ गुण होतील. जोस बटलरच्या संघाने या तीनपैकी एकही सामना गमावला तर त्यांच्यासाठी अव्वल 7 मध्ये स्थान मिळवणे अत्यंत आव्हानात्मक असेल. अशा स्थितीत ते चॅम्पियन्स ट्रॉफीसाठी पात्र ठरू शकणार नाही.

World Cup 2023 : विजयाचा षटकार तरीही संकटात टीम इंडिया; ‘या’ 4 समस्यांचं उत्तर काय?

पाकिस्तानच्या मदतीची गरज
इंग्लंड संघ सध्या गुणतालिकेत तळाशी आहे. संघाला 6 पैकी फक्त एकच सामना जिंकता आला आहे. अशा स्थितीत इंग्लंड संघाने उर्वरित ३ सामने जिंकले तरी ते टॉप-7 मध्ये येतील हे निश्चित नाही. अशा स्थितीत त्यांना पाकिस्तानच्या पाठिंब्याची गरज भासू शकते. चॅम्पियन्स ट्रॉफी पात्रतेच्या नियमांनुसार पाकिस्तानशिवाय विश्वचषकातील अव्वल 7 संघ पात्र ठरतील.

2 संघच चॅम्पियन्स ट्रॉफीसाठी पात्र ठरू शकतील
सध्याच्या परिस्थितीनुसार, श्रीलंका, नेदरलँड्स, बांगलादेश आणि इंग्लंडमधील केवळ 2 संघच चॅम्पियन्स ट्रॉफीसाठी पात्र ठरू शकतील. इंग्लंड संघाने पुढील 3 सामने जिंकले तरी त्याचे 8 गुण होतील. बांग्लादेशचेही 6 सामन्यांत 2 गुण आहेत. ते 9 व्या क्रमांकावर आहे. तर नेदरलँड, पाकिस्तान आणि श्रीलंका या संघांनी 2-2 सामने जिंकले तर त्यांचे 8-8 गुण होतील. अफगाणिस्तानला 8 गुण मिळवण्यासाठी एक विजय आवश्यक आहे.

World Cup 2023 : पुन्हा दे धक्का, अफगाणिस्तानकडून लंकेचे ‘वस्रहरण’…

अजूनही संधी आहे
तीनही सामने जिंकले तरी इंग्लंडचा संघ आठव्या क्रमांकावर राहण्याची शक्यता आहे. या स्थितीत पाकिस्तान टॉप-7 मध्ये राहिला तर इंग्लंडला चॅम्पियन्स ट्रॉफीचे तिकीट मिळेल. बाबर आझमचा संघ 8व्या किंवा त्याखालील क्रमांकावर राहिला, तर चार उपांत्य फेरीतील खेळाडूंशिवाय गुणतालिकेत 5, 6 आणि 7 व्या क्रमांकावर असलेले संघ चॅम्पियन्स ट्रॉफीसाठी पात्र ठरू शकतील. पाकिस्तानचे 6 सामन्यांत 4 गुण आहेत. त्यांना बांग्लादेश, न्यूझीलंड आणि इंग्लंडविरुद्ध शेवटचे 3 सामने खेळायचे आहेत.

नेदरलँड-अफगाणिस्तानच्या पराभवावर भवितव्य अवलंबून
नेदरलँडचा संघ 4 गुणांसह 8 व्या क्रमांकावर आहे. अफगाणिस्तानचा संघ 6 सामन्यांतून 6 गुणांसह पाचव्या क्रमांकावर आहे. जर गुणतालिकेत बदल झाला नाही किंवा नेदरलँड आणि अफगाणिस्तानचे संघ खाली आले नाहीत तर त्याचा परिणाम इंग्लंड आणि बांग्लादेशसारख्या संघांवर होऊ शकतो. वेस्ट इंडिज, आयर्लंड आणि झिम्बाब्वे या संघांना चॅम्पियन्स ट्रॉफीसाठी पात्र ठरण्याची संधी नाही कारण ते या विश्वचषकात खेळत नाहीत.