IND vs AUS: टीम इंडियाची घोषणा, रोहित-विराटला विश्रांती; अश्विनचे पुनरागमन
- Written By: prashant letsupp Published:
Team India Squad: ऑस्ट्रेलियाविरुद्ध 22 सप्टेंबरपासून सुरू होणाऱ्या तीन सामन्यांच्या वनडे मालिकेसाठी टीम इंडियाची घोषणा करण्यात आली आहे. पहिल्या दोन सामन्यांसाठी विराट कोहली आणि कर्णधार रोहित शर्माला विश्रांती देण्यात आली आहे. संघाची कमान केएल राहुलच्या हाती असेल. आर अश्विनचे संघात पुनरागमन झाले आहे. मात्र, तिसऱ्या वनडेसाठी रोहित शर्मा, विराट कोहली आणि हार्दिक पांड्या संघात परतणार आहेत.
पहिल्या दोन वनडेसाठी संघ: केएल राहुल (कर्णधार), शुभमन गिल, ऋतुराज गायकवाड, श्रेयस अय्यर, इशान किशन, सूर्यकुमार यादव, रवींद्र जडेजा (उपकर्णधार), शार्दुल ठाकूर, मोहम्मद शमी, मोहम्मद सिराज, जसप्रीत बुमराह, तिलक वर्मा , प्रसिध कृष्णा, आर अश्विन, वॉशिंग्टन सुंदर.
तिसऱ्या वनडेसाठी संघ: रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल, इशान किशन, सूर्यकुमार यादव, रवींद्र जडेजा, हार्दिक पंड्या (उपकर्णधार), शार्दुल ठाकूर, मोहम्मद शमी, मोहम्मद सिराज, जसप्रीत बुमराह, कुलदीप यादव, आर अश्विन, वॉशिंग्टन सुंदर.
Squad for the 1st two ODIs:
KL Rahul (C & WK), Ravindra Jadeja (Vice-captain), Ruturaj Gaikwad, Shubman Gill, Shreyas Iyer, Suryakumar Yadav, Tilak Varma, Ishan Kishan (wicketkeeper), Shardul Thakur, Washington Sundar, R Ashwin, Jasprit Bumrah, Mohd. Shami, Mohd. Siraj, Prasidh…
— BCCI (@BCCI) September 18, 2023
आशिया कप जिंकल्यानंतरही भारताला मोठा धक्का, आयसीसी क्रमवारीत पाकिस्तान नंबर वन
विश्वचषकासारखी मोठी स्पर्धा पाहता बीसीसीआयने पहिल्या दोन एकदिवसीय सामन्यांमधून वरिष्ठ खेळाडूंना विश्रांती देण्याचा निर्णय घेतला आहे. यासोबतच विश्वचषकासाठी टीम इंडियामध्ये बदल होण्याची शक्यताही समोर आली आहे. अक्षर पटेलच्या दुखापतीमुळे निवडकर्त्यांना बदलीचा विचार करावा लागणार आहे. आर अश्विन आणि वॉशिंग्टन सुंदर यांच्याकडे पर्याय म्हणून पाहिले जात आहे. त्यामुळे या दोन्ही खेळाडूंना तिन्ही एकदिवसीय सामन्यांसाठी संघात ठेवण्यात आले आहे. अश्विन आणि सुंदरपैकी एकाला विश्वचषकाचे तिकीट मिळण्याची शक्यता आहे.
सुप्रीम कोर्टाने फटकारल्यानंतर राहुल नार्वेकर यांची पहिली प्रतिक्रिया, ‘कोणतीही दिरंगाई केली नाही’
याशिवाय पहिल्या दोन एकदिवसीय सामन्यांसाठी निवड समितीने ऋतुराज गायकवाडला संघात स्थान दिले आहे. पहिल्या दोन एकदिवसीय सामन्यांसाठी तिलक वर्मा आणि प्रसिद्ध कृष्णा देखील संघात आहेत. मात्र हे तिन्ही खेळाडू तिसऱ्या वनडेत संघासोबत नसतील. मात्र, संजू सॅमसनची एकाही सामन्यासाठी निवड झालेली नाही. यावरून संजू सॅमसनसाठी टीम इंडियाचे दरवाजे बंद झाल्याचे स्पष्ट झाले आहे.
भारताला ऑस्ट्रेलियाविरुद्ध तीन एकदिवसीय सामने खेळायचे आहेत. पहिला एकदिवसीय सामना 22 सप्टेंबरला तर दुसरा एकदिवसीय सामना 24 सप्टेंबरला होणार आहे. मालिकेतील तिसरा आणि शेवटचा वनडे सामना 27 सप्टेंबर रोजी होणार आहे.
