Ashes 2023: उस्मान ख्वाजाचे शानदार शतक, इतिहास रचत संपवला 8 वर्षांचा दुष्काळ

Ashes 2023:  ऑस्ट्रेलिया आणि इंग्लंड यांच्यातील अॅशेस 2023 चा पहिला कसोटी सामना एजबॅस्टन येथे खेळवला जात आहे. नाणेफेक जिंकून प्रथम फलंदाजी करण्याचा निर्णय घेत इंग्लंडने 8 बाद 393 धावा करून पहिला डाव घोषित केला. इंग्लंडकडून जो रूटने शानदार शतक झळकावले. त्याने 152 चेंडूत नाबाद 118 धावांचे योगदान दिले. जो रूटने आपल्या शतकी खेळीत 7 चौकार आणि 4 षटकार मारले. त्याचवेळी ऑस्ट्रेलियासाठी सलामीवीर उस्मान ख्वाजाने उत्कृष्ट शतक झळकावले. वृत्त लिहिपर्यंत उस्मान ख्वाजा 242 चेंडूत 113 धावा करून खेळत आहे. त्याने आतापर्यंत 12 चौकार आणि 2 षटकार मारले आहेत. (usman-khawaja-hit-century-at-edgbaston-aus-vs-eng-1st-ashes-test)

उस्मान ख्वाजा ने 8 वर्षांचा दुष्काळ संपवला!

उस्मान ख्वाजाच्या कसोटी कारकिर्दीतील हे 15 वे शतक आहे. त्याचवेळी, उस्मान ख्वाजा 2015 नंतर अॅशेसमध्ये शतक झळकावणारा पहिला ऑस्ट्रेलियन सलामीवीर ठरला आहे. यापूर्वी अॅशेसमध्ये ऑस्ट्रेलियन सलामीवीर ख्रिस रॉजर्सने 2015 मध्ये शतक झळकावले होते. आता उस्मान ख्वाजाने तब्बल 8 वर्षांनंतर अॅशेसमध्ये शतक झळकावले आहे. म्हणजेच 2015 नंतर ऑस्ट्रेलियन सलामीवीर एकही शतक झळकावू शकला नाही. त्याचवेळी, 2022 नंतर, उस्मान ख्वाजाने कसोटी फॉरमॅटमध्ये सातव्यांदा शतकाचा टप्पा ओलांडला आहे. उस्मान ख्वाजा व्यतिरिक्त जो रूटने 2022 नंतर 7 शतके झळकावली आहेत. तर जॉनी बेअरस्टोने 6 वेळा शतकाचा टप्पा ओलांडला आहे.

Adipurush ला प्रभू श्रीरामांचा आशीर्वाद; फोटो शेअर करत दिल्या ‘खास’ शुभेच्छा

आतापर्यंत पहिल्या कसोटीत काय घडले?

मात्र, या सामन्याबद्दल बोलायचे झाले तर, इंग्लंडने दिलेल्या 393 धावांना प्रत्युत्तरात वृत्त लिहिपर्यंत ऑस्ट्रेलियन संघाने 5 बाद 272 धावा केल्या आहेत. सध्या कांगारूंचा संघ पहिल्या डावाच्या आधारे इंग्लंडपेक्षा 121 धावांनी मागे आहे. यावेळी ऑस्ट्रेलियाकडून उस्मान ख्वाजा आणि अॅलेक्स कॅरी क्रीजवर आहेत. इंग्लंडकडून आतापर्यंत स्टुअर्ट ब्रॉड आणि मोईन अली यांनी 2-2 बळी घेतले आहेत. तर कर्णधार बेन स्टोक्सने स्टीव्ह स्मिथला आपला बळी बनवले.