‘BMCM’कडून प्रेक्षकांची निराशा; ‘मैदान’ला अधिक पसंती, वाचा 23 व्या दिवशी किती झाली कमाई

Maidan Vs BMCM Box Office Collection Day 23: अक्षय कुमार- (Akshay Kumar) टायगर श्रॉफचा ‘बडे मियाँ छोटे मियाँ’ (Bade Miyan Chhote Miyan) आणि अजय देवगणचा (Ajay Devgn) ‘मैदान’ ईदच्या मुहूर्तावर थिएटरमध्ये प्रदर्शित झाला. या दोन्ही चित्रपटांची धमाल पाहून असे वाटत होते की ते 2024 सालातील सर्वात हिट चित्रपट ठरतील. मात्र बॉक्स ऑफिसवर (Box Office ) या दोघांची कामगिरी खूपच खराब झाली आहे. रिलीजच्या तीन आठवड्यांपासून दोन्ही चित्रपट बॉक्स ऑफिसवर कमाई करण्यासाठी धडपडत आहेत. ‘बडे मियाँ छोटे मियाँ’ आणि ‘मैदान’ने 23व्या दिवशी किती कमाई केली आहे चला तर मग जाणून घेऊया?

‘बडे मियाँ छोटे मियाँ’ ने रिलीजच्या 23 व्या दिवशी किती कमाई केली?

अब्बास जफर दिग्दर्शित, ‘बडे मियाँ छोटे मियाँ’मध्ये हाय-ऑक्टेन ॲक्शन सीक्वेन्सपासून ते कॉमेडी आणि रोमान्सपर्यंत सर्व काही होते. हा चित्रपट बॉक्स ऑफिसवर धुमाकूळ घालेल अशी सर्वांनाच अपेक्षा होती. पण ईदसारख्या सणावर प्रदर्शित होऊनही या चित्रपटाने फारच कमी कमाई केली.

मात्र, या चित्रपटाने पहिल्या आठवड्यात 49.9 कोटींची कमाई केली. त्यानंतर चित्रपट नक्कीच बजेट वसूल करेल असे वाटत होते. मात्र, रिलीजच्या दुस-या आठवड्यात चित्रपटाच्या कमाईचा आलेख घसरत राहिला आणि दुसऱ्या आठवड्याचे कलेक्शन 8.6 कोटी रुपये होते, त्यानंतर तिसऱ्या आठवड्याची कमाई केवळ 3.9 कोटी रुपये होती. आता हा चित्रपट रिलीजच्या चौथ्या आठवड्यात दाखल झाला असून चौथ्या शुक्रवारच्या कमाईचे आकडे समोर आले आहेत. SACNL च्या सुरुवातीच्या ट्रेंड रिपोर्टनुसार, ‘बडे मियाँ छोटे मियाँ’ ने रिलीजच्या 23 व्या दिवशी म्हणजेच चौथ्या शुक्रवारी 30 लाख रुपयांची कमाई केली आहे. यासह ‘बडे मियाँ छोटे मियाँ’चे 23 दिवसांचे एकूण कलेक्शन आता 62.70 कोटी रुपये झाले आहे.

ॲनिमलनंतर आता बॉबी दिसणार औरंगजेबाच्या भूमिकेत; ‘या’ साऊथ सुपरस्टारशी होणार स्पर्धा

‘मैदान’ ने रिलीजच्या 23 व्या दिवशी किती कमाई केली?

देशातील सर्वात प्रसिद्ध फुटबॉल प्रशिक्षक सय्यद अब्दुल रहीम यांच्या जीवनावर आधारित ‘मैदान’ या स्पोर्ट्स ड्रामा चित्रपटात अजय देवगणने पुन्हा एकदा आपल्या दमदार अभिनयाचा पराक्रम सिद्ध केला आहे. चित्रपटाच्या या प्रेरणादायी कथेला चित्रपटगृहात पाहणाऱ्या प्रत्येक प्रेक्षकाचे कौतुक झाले आहे, पण तरीही ‘मैदान’ कमाईच्या बाबतीत मागे असल्याचे सिद्ध झाले आहे.

उत्तम रिव्ह्यू असूनही, ‘मैदान’ने रिलीजच्या पहिल्या आठवड्यात 28.35 कोटी रुपये कमवले. चित्रपटाने दुसऱ्या आठवड्यात 9.95 कोटींची कमाई केली आहे. तिसऱ्या आठवड्यात ‘मैदान’ने ७.३ कोटी रुपयांची कमाई केली. आता हा चित्रपट रिलीजच्या चौथ्या आठवड्यात पोहोचला असून यासोबतच ‘मैदान’च्या चौथ्या शुक्रवारच्या गल्लामध्ये थोडीशी कमाई झाली आहे. Sacknilk च्या सुरुवातीच्या ट्रेंड रिपोर्टनुसार, ‘मैदान’ ने रिलीजच्या चौथ्या शुक्रवारी 50 लाखांची कमाई केली आहे. यासह ‘मैदान’चे 23 दिवसांचे एकूण कलेक्शन आता 46.10 कोटी रुपये झाले आहे.

All the Best: ‘ऑल द बेस्ट’ नाटकाला उदंड प्रतिसाद; कलाकारांच्या नवीन संचाचा 50वा प्रयोग होणार संपन्न

‘मैदान’ आणि ‘बडे मियाँ छोटे मियाँ’ला अजून कमाई करण्याची संधी

‘बडे मियाँ छोटे मियाँ’ आणि ‘मैदान’ बॉक्स ऑफिसवर चांगली कमाई करत आहेत. दोन्ही चित्रपट त्यांच्या बजेटच्या निम्मेही वसूल करू शकले नाहीत. सध्या कोणताही मोठा चित्रपट पुढील आठवड्यात बॉक्स ऑफिसवर प्रदर्शित होत नाहीये. त्यामुळे या दोन्ही चित्रपटांना तिकीट काउंटरवर अजून थोडी अधिक कमाई करण्याची संधी आहे.

संबंधित बातम्या