‘प्रभू श्रीराम मांसाहारी होते’, सिनेमातील डायलॉगवरून नयनताराविरोधात एफआयआर दाखल

FIR Filed Against Nayanthara: ओटीटी प्लॅटफॉर्म Netflix वर दाखवल्या जाणाऱ्या ‘अन्नपुराणी’ (Annapoorani Movie) चित्रपटावर भगवान श्रीरामाचा अपमान आणि हिंदू समाजाच्या भावना दुखावल्याचा आरोप करण्यात आला आहे. (Sri Ram) मध्य प्रदेशातील जबलपूरमध्ये धार्मिक भावना दुखावल्याबद्दल एका हिंदू संघटनेने चित्रपटाचा निर्माता-दिग्दर्शक आणि मुख्य अभिनेत्री नयनतारा (Nayanthara) यांच्यासह संपूर्ण स्टारकास्टविरोधात एफआयआर दाखल करण्यात आला आहे.

 

View this post on Instagram

 

A post shared by N A Y A N T H A R A (@nayanthara)

हिंदू सेवा परिषदेचे अतुल जेसवानी म्हणाले की, अन्नपूर्णी चित्रपटात अशी अनेक दृश्ये आहेत, जी हिंदू धर्मातील पूजनीय मर्यादा पुरुषोत्तम भगवान श्री राम यांचा अपमान करत असल्याचे पाहायला मिळत आहे. चित्रपटात भगवान श्रीराम यांच्या विरोधात अयोग्य कमेंट करून हिंदूंच्या भावना दुखावल्या गेल्या आहेत. जेसवानी यांच्या मते, चित्रपटात ‘लव्ह जिहाद’ दाखवण्यात आला आहे. प्रभू श्री राम वनवासात प्राण्यांना मारायचे आणि मांस भक्षण करायचे हेही चित्रपटाच्या कलाकाराने दाखवले आहे.

हिंदू सेवा परिषदेने ‘अन्नपूर्णी’ चित्रपटाला हिंदूविरोधी ठरवून मंगळवारी (9 जानेवारी) जबलपूरमधील ओमटी पोलीस ठाण्यात स्टारकास्टसह निर्माता-दिग्दर्शकाविरुद्ध एफआयआर दाखल केला आहे. पोलिसांनी नीलेश कृष्णा (दिग्दर्शक), नयनथारा (कलाकार), जतीन सेठी (निर्माता), आर रवींद्रन (निर्माता), पुनित गोयका (निर्माता), सारिक पटेल आणि मोनिका शेरगिल यांच्याविरुद्ध कलम 153 आणि 34आयपीसी अंतर्गत गुन्हा दाखल केला आहे.

Bade Mian Chote Mian: खिलाडी अन् टायगर श्रॉफच्या ‘बडे मियाँ छोटे मियाँ’ रिलीजच्या तयारीत!

चित्रपटातील या दृश्यांविरोधात एफआयआर दाखल

1. चित्रपटाच्या शेवटच्या दृश्यात, बिर्याणी बनवण्यापूर्वी, मंदिराच्या पुजाऱ्याची मुलगी हिजाब घालून नमाज अदा करते.

2. असा आरोप आहे की अभिनेत्याचा मित्र फरहान याने अभिनेत्रीचे ब्रेनवॉश केले आणि तिचे मांस कापले, कारण त्याचे म्हणणे आहे की भगवान श्री राम आणि माता सीता यांनी देखील मांस खाल्ले होते.

3. चित्रपटात, अभिनेत्री मंदिरात जाण्याऐवजी रमजान इफ्तारसाठी फरहानच्या घरी जाते. चित्रपटात मुलीचे वडील आरती करत आहेत आणि आजी जपमाळ जपत आहेत पण तिची मुलगी मांसाहार आणि तिला खाऊ घालतानाची दृश्ये एकमेकांशी जोडलेली आहेत.

4. अभिनेत्रीचे वडील एका मंदिराचे मुख्य पुजारी आहेत. ते सात पिढ्यांपासून भगवान विष्णूला नैवेद्य दाखवत आहे, परंतु त्याची मुलगी मांस तयार करताना दाखवण्यात आली आहे.

5. हिंदू धर्मगुरूची मुलगी एका मुस्लिम मुलाच्या प्रेमात पडते, जो रमजान इफ्तारसाठी जाताना दाखवला आहे. हिंदू मुलींना नमाज अदा करण्यासाठी प्रोत्साहित केले जात आहे.

6. चित्रपटात फरहान नावाच्या कलाकाराने म्हटले आहे की, भगवान श्री राम, माता सीता आणि भगवान लक्ष्मण, शिव आणि भगवान मुरुगन देखील प्राण्यांना मारायचे आणि मांस शिजवल्यानंतर खात.

7. चित्रपटात फरहान नावाच्या कलाकाराने प्रभू श्री रामच्या वनवासात जंगलातील प्राणी मारणे, त्यांना कापणे, स्वयंपाक करणे आणि खाणे याविषयी सांगितले आहे.

8. चित्रपटात एका ब्राह्मण हिंदू मुलीला मुस्लिम धर्मात प्रवृत्त करणे आणि आपल्या धार्मिक ग्रंथ जसे रामायण, पुराण आणि इतर धार्मिक ग्रंथांचा चुकीचा अर्थ लावून देवांचा अपमान करणे असे चित्रण केले आहे.

संबंधित बातम्या