Lek Asavi Tar Ashi चा लक्षवेधक ट्रेलर प्रदर्शित; प्रेम अन् नात्याचा अनुबंध उलगडणार
- Written By: shruti letsupp Published:
Lek Asavi Tar Ashi Films Trailer Release : नात्यांचे महत्त्व पटवून देणारा आणि लेकीची माया दाखवून देणारा ‘लेक असावी तर अशी’ ( Lek Asavi Tar Ashi ) या मराठी चित्रपटाचा लक्षवेधक ट्रेलर प्रदर्शित ( Trailer Release ) झाला आहे. नुकताच या चित्रपटाचा ट्रेलर अनावरण सोहळा कलाकार, तंत्रज्ञ यांच्या उपस्थितीत दिमाखात संपन्न झाला.
‘माझ्या उमेदवारीची मागणी जनतेतून, बारामती हेच कुटुंब’; विरोधकांच्या टीकेवर सुनेत्रावहिनींची टोलेबाजी
हा चित्रपट 26 एप्रिलला आपल्या भेटीला येतोय. ‘ज्योती पिक्चर्स’ निर्मित आणि एव्हरेस्ट एंटरटेनमेन्टची प्रस्तुती असलेल्या ‘लेक असावी तर अशी या चित्रपटाच्या निर्मितीची आणि दिग्दर्शनाची धुरा विजय कोंडके यांनी सांभाळली आहे. 1991 मध्ये प्रदर्शित झालेल्या ‘माहेरची साडी’ चित्रपटाच्या अपूर्व यशानंतर निर्माता-दिग्दर्शक विजय कोंडके 34 वर्षानंतर ‘लेक असावी तर अशी’ या चित्रपटाच्या निमित्ताने नात्यातील प्रेमाचे पदर उलगडून दाखविण्यास सज्ज झाले आहेत.
‘श्रीकांत’ मध्ये स्वतःला विसरला Rajkummar Rao निर्मात्यांनाही केलं प्रभावित
चित्रपटात नयना आपटे, सविता मालपेकर, शुभांगी गोखले, यतीन कार्येकर, अभिजीत चव्हाण, प्राजक्ता हनमघर, ओंकार भोजने, कमलेश सावंत, सुरेखा कुडची या लोकप्रिय कलाकारांच्या भूमिका आहेत. सोबत गार्गी दातार हा नवा चेहरा झळकणार आहे. ‘चित्रपटातील कुटुंबाच्या प्रेमाच्या नात्यांचा प्रवास आपल्याला बरंच काही शिकवून जाईल’, असा विश्वास दिग्दर्शक विजय कोंडके यांनी याप्रसंगी व्यक्त केला.
‘लेक असावी तर अशी’ चित्रपटाची कथा-पटकथा-संवाद विजय कोंडके यांची आहे. छायांकन के अनिकेत तर संकलन सुबोध नारकर यांचे आहे. विजय कोंडके आणि मंगेश कांगणे यांच्या गीतांना संगीतकार मनोहर गोलांबरे यांनी संगीत दिले आहे. वैशाली सामंत, अवधूत गुप्ते, मंदार आपटे, देवश्री मनोहर, स्वरा बनसोडे यांचा स्वरसाज गीतांना लाभला आहे. नृत्यदिग्दर्शन सुजीत कुमार तर कलादिग्दर्शन सतीश बिडकर यांचे आहे. कार्यकारी निर्माते सिद्धेश्वर नंदागवळे आहेत.
संबंधित बातम्या
संगीतमय त्रिकोणी प्रेमकथा ‘अष्टपदी’ ची घोषणा; चित्रपटाच्या नावाचं प्रेक्षकांना कुतूहल
