अहिल्यानगरचे भूमिपुत्राच्या प्रकल्पाचं पुण्यात मुख्यमंत्री-उपमुख्यमंत्र्यांकडून उद्घाटन
- Written By: shruti letsupp Published:
अहिल्यानगरचे भूमिपुत्र देशाचे संरक्षण साहित्य बनवणार; पुण्यात प्रकल्पाचं मुख्यमंत्री-उपमुख्यमंत्र्यांकडून उद्घाटन
अहिल्यानगर जिल्ह्यातील राहाता तालुक्याचे भूमीपुत्र श्री गणेश निबे यांच्या कंपनीमध्ये देशाचे संरक्षण साहित्य बनणार आहे. त्याचे आज उद्धाटन झाले.
"निबे स्पेस" असं या कंपनीचे नाव आहे. ज्यामध्ये देशाच्या संरक्षण साहित्य उत्पादन केले जाणार आहे.
पुणे येथे सुरू करण्यात आलेल्या या प्रकल्पाचे आज उद्घाटन पार पडले.
या प्रकल्पाचे उद्घाटन मुख्यमंत्री देवेंद्र फडणवीस, उपमुख्यमंत्री अजित पवार, उद्योग मंत्री मा.उदय सामंत आणि जलसंपदा मंत्री राधाकृष्ण विखे पाटील यांच्या उपस्थितीत संपन्न झाले.
गणेश निबे यांनी यशस्वीपणे सुरू केलेल्या या उद्योगाच्या वाटचालीला शुभेच्छा देवून प्रवरा शिक्षण संस्थेच्या माजी विद्यार्थ्याने साध्य केलेल्या कार्याचा अभिमान असल्याचा मंत्री राधाकृष्ण विखे पाटील यांनी उल्लेख केला.
त्यानंतर मुख्यमंत्री देवेंद्र फडणवीस, उपमुख्यमंत्री अजित पवार यांनी या निबे लिमिटेड' वर्धापन दिन व अत्याधुनिक क्षेपणास्त्र संकुल, लघु शस्त्रास्त्र निर्मिती सुविधेची पाहणी केली.
दरम्यान आज पुण्यामध्ये मुख्यमंत्री देवेंद्र फडणवीस, उपमुख्यमंत्री अजित पवार यांच्या हस्ते विविध प्रकल्पांचे उदघाटन, लोकार्पण व भूमिपूजन सोहळा पार पडला.
त्यावेळी त्यांनी पिंपरी चिंचवड येथे पोलीस आयुक्तालयाच्या नवीन इमारतीच्या भूमिपूजन कार्यक्रमात भाषणं देखील केली.
संबंधित बातम्या
अहिल्यानगरचे सुपूत्र करणार अत्याधुनिक क्षेपणास्त्र, लघु शस्रास्त्र निर्मिती; मुख्यमंत्री-उपमुख्यमंत्र्यांकडून उद्घाटन
